ໃນວັນທີ 03 ກຸມພາ 2023 ທີ່ ບາງກອກ ປະເທດໄທ ໄດ້ຈັດພິທີມອບລາງວັນ International Finance Awards 2022, ເຊິ່ງກຸ່ມ ບໍລິສັດ ລາວ ໂທລະຄົມມະນາຄົມ ມະຫາຊົນ ເຄືອຂ່າຍອັນດັບ 1 ຂອງລາວ ໄດ້ຮັບເຖິງ 2 ລາງວັນຄື: ລາງວັນ ຜູ້ໃຫ້ບໍລິການ ອິນເຕີເນັດ FTTH ທີ່ເຕີບໃຫ່ຍໄວທີ່ສຸດໃນລາວ ( Fastest Growing FTTH Internet Service Provider-Laos 2022 award ) ໃຫ້ກຽດຮັບໂດຍ ທ່ານ ລັດຖະປັນຍາ ຂຽວວົງພະຈັນ ຮອງຜູ້ອຳນວຍໃຫ່ຍ ຂະແໜງເຕັກນິກ ລາວ ໂທລະຄົມ ແລະ ບໍລິສັດ ລາວ ໂມບາຍມັນນີ ຈຳກັດ ໄດ້ຮັບ ລາງວັນ ເອັມມັນນີ ແອັບກະເປົ໋າເງິນທີ່ເຕີບໃຫ່ຍໄວທີ່ສຸດໃນລາວ ( Fastest Growing Mobile e-Wallet App-M Money-Laos 2022 award) ໃຫ້ກຽດຮັບໂດຍ ທ່ານ ອາລຸນນະເດດ ບານຈິດ ຜູ້ອຳນວຍການໃຫ່ຍ ບໍລິສັດ ລາວ ໂມບາຍມັນນີ ຈຳກັດ ແລະ ຮອງຜູ້ອຳນວຍການໃຫ່ຍ ຂະແໜງຈັດຕັ້ງ-ບໍລິຫານ ລາວ ໂທລະຄົມ.

ລາວ ໂທລະຄົມ ຮູ້ສຶກພູມໃຈທີ່ໄດ້ຮັບລາງວັນດັ່ງກ່າວ ແລະ ຂໍໃຫ້ຄຳໝັ້ນສັນຍາວ່າຈະສືບຕໍ່ຕັ້ງໜ້າພັດທະນາ ແລະ ສ້າງສັນບໍລິການໃໝ່ໆທີ່ຫຼາກຫຼາຍ ມີຄວາມທັນສະໄໝຕອບໂຈດຄວາມຕ້ອງການຂອງລູກຄ້າ ຕາມຍຸກ Digital Economy ຢ່າງບໍ່ຢຸດຢັ້ງໃນອະນາຄົດ ເພື່ອຮັບໃຊ້ສັງຄົມ ຄືດັ່ງຄຳຂວັນທີວ່າ: ລາວ ໂທລະຄົມ ໂທລະຄົມຂອງຄົນລາວ ເພື່ອສັງຄົມລາວ.