ລາວໂທລະຄົມ ຮ່ວມກັບ ບໍລິສັດ PROEN ຍົກລະດັບບໍລິການ Cloud.

ໃນວັນທີ 16 ກັນຍາ 2022 ຢູ່ທີ່ ສຳນັກງານໃຫຍ່ ບໍລິສັດ ລາວ ໂທລະຄົມ ແລະ ບໍລິສັດ ໂປຣເອັນ ຄຣອບ ຈຳກັດ (ມະຫາຊົນ) ຫຼື PROEN , ໄດ້ຮ່ວມລົງນາມເຊັນສັນຍາ ເພື່ອພັດທະນາ ການບໍລິການ ລະບົບ Cloud, ເຊິ່ງ ບໍລິສັດ PROEN Corp Public Company Limited ເປັນຜູ້ໃຫ້ບໍລິການ ສູນດາຕ້າເຊັນເຕີ ທີ່ມີເຄື່ອຂ່າຍເຊືອມໂຍງ ແບນວິດພາຍໃນ (Domestic Bandwidth) ຫຼາຍທີ່ສຸດໃນປະເທດໄທ.

ໃນການຮ່ວມມືເທືອນີ້ ແມ່ນທາງບໍລິສັດ PROEN ຈະເຮັດໜ້າທີ່ແນະນຳ ອອກແບບ ແລະ ຕິດຕັ້ງລະບົບ Cloud Services ພ້ອມທັງບຳລຸງຮັກສາດູແລລະບົບ ເພື່ອໃຫ້ບໍລິການແບບ “ Quick Win” ເພື່ອສາມາດຕອບໂຈດຄວາມຕ້ອງການໂຄງສ້າງພື້ນຖານທາງດ້ານ Digital ໃນຮູບແບບ Cloud Native ແລະ Open source ທີ່ກຳລັງໄດ້ຮັບຄວາມນິຍົມໃນຂະນະນີ້.

ນອກຈາກນີ້ ຍັງເຮັດໜ້າທີ່ໃນການກວດສອບ ແລະ ແກ້ໄຂບັນຫາ ທີ່ເກີດຂື້ນກັບລະບົບ Cloud ໄດ້ຕະຫຼອດ 24 ຊົ່ວໂມງ, ຍົກລະດັບຄວາມຮູ້ ທັກສະຄວາມສາມາດໃຫ້ແກ່ພະນັກງານ ລາວ ໂທລະຄົມ ເພື່ອໃຫ້ບລິການ Cloud ແກ່ລູກຄ້າ ຢູ່ ສສປ ລາວ ເປັນມາດຕະຖານສາກົນ.

img
img

View: 2920 | 9/29/2022 9:35:50 AM | ກ່ຽວກັບ ລາວ ໂທລະຄົມ

ຍ້ອນກັບ

ຮູບພາບທີ່ກ່ຽວຂ້ອງ



Copyright © 2022 , All Rights Reserved | Version : 2.0