ພິທີເປີດໃຫ້ບໍລິການ Reception Hall ແລະ LTC Canteen ວັນທີ 2 ສິງຫາ 2022 ທີ່ ສໍານັກງານໃຫຍ່ ລາວ ໂທລະຄົມ.

ໃນຕອນເຊົ້າວັນທີ 02 ສິງຫາ 2022 ທີ່ ບໍລິສັດ ລາວ ໂທລະຄົມມະນາຄົມ ມະຫາຊົນ ໄດ້ມີພິທີເປີດໃຫ້ ບໍລິການ Reception Hall and LTC Canteen ຢ່າງເປັນທາງການ ໃນພິທີໄດ້ຮັບກຽດເຂົ້າຮ່ວມໂດຍ ທ່ານ ບຸນໂຈມ ອຸບົນປະເສີດ ກຳມະການສູນກາງພັກ, ເລຂາຄະນະພັກ, ລັດຖະມົນຕີ ກະຊວງການເງິນ ແລະ ທັງເປັນປະທານສະພາຜູ້ຖືຮຸ້ນ ບໍລິສັດ ລາວ ໂທລະຄົມມະນາຄົມ ມະຫາຊົນ, ທ່ານ ປອ ສັນຕິສຸກ ສິມມາລາວົງ ຮອງເລຂາຄະນະພັກ, ຮອງລັດຖະມົນຕີ ກະຊວງເຕັກໂນໂລຊີ ແລະ ການສື່ສານ ທັງເປັນປະທານສະພາບໍລິຫານ ບໍລິສັດ ລາວ ໂທລະຄົມມະນາຄົມ ມະຫາຊົນ, ທ່ານ Alvin Yew Kiong Oei ຜູ້ຕາງໜ້າຜູ້ຖືຮຸ້ນຝ່າຍຕ່າງປະເທດ, ຄະນະສະພາຜູ້ຖືຮຸ້ນ, ຄະນະສະພາບໍລິຫານ ບໍລິສັດ ລາວ ໂທລະຄົມມະນາຄົມ ມະຫາຊົນ, ທ່ານ ສຸພົນ ຈັນທະວີໄຊ ກຳມະການຄະນະພັກກະຊວງ, ເລຂາຄະນະພັກຮາກຖານ ທັງເປັນຜູ້ອຳນວຍການໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ ພ້ອມດ້ວຍຄະນະ ເເລະ ບໍລິສັດໃນເຄືອ. ໃຫ້ກຽດກ່າວເປີດພິທີ ໂດຍ ທ່ານ ອາລຸນນະເດດ ບານຈິດ ຮອງ ຜູ້ອຳນວຍການໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ ໂດຍໄດ້ກ່າວເຖິງຈຸດປະສົງ ແລະ ເປົ້າໝາຍ ຂອງການເປີດ Reception Hall and LTC Canteen ເເລະ ມີຄື:

1. ເພື່ອສ້າງຄວາມສະດວກສະບາຍ ແລະ ເປັນບ່ອນຮັບຕ້ອນແຂກ ທີ່ເຂົ້າມາປະສານງານ ທັງພາຍໃນ ແລະ ພາຍນອກ ໂດຍມີລະບົບຮັກສາຄວາມປອດໄພດ້ວຍເຕັກໂນໂລຊີທີ່ທັນສະໄໝ ເຊັ່ນ: ສະແກນໃບໜ້າ, ສະແກນອຸນຫະພູມ, Key Card, ສະແກນລາຍນີ້ວມື ດ້ວຍລະບົບ AI ທັນສະໄໝແບບ ເປັນແບບ 2 Factors Authenthication ກ່ອນເຂົ້າສໍານັກງານໃຫຍ່ທຸກຄັ້ງ. 2. ເປັນສະຫວັດດີການ ເພື່ອອໍານວຍຄວາມສະດວກ ໃຫ້ແກ່ພະນັກງານ ລາວ ໂທລະຄົມ ແລະ ລູກຄ້າ ເຂົ້າມາໃຊ້ບໍລິການ ເຊັ່ນ: Food Court, Coffee shop, Mini Mart, ຫ້ອງປະຊຸມ ແລະ ບ່ອນນັ່ງລໍຖ້າ ລວມໄປເຖິງ ຫ້ອງດວງໃຈແມ່ ທີ່ສ້າງຂື້ນມາເພື່ອໃຫ້ເອື້ອຍນ້ອງແມ່ຍິງທີ່ມີລູກນ້ອຍ ໄດ້ມີສະຖານທີ່ ທີ່ສະອາດ ແລະ ປອດໄພໃນການກະກຽມນ້ຳນົມໃຫ້ລູກນ້ອຍອີກດ້ວຍ.

ຈາກນັ້ນ ໄດ້ມີການເຂົ້າຢ້ຽມຊົມເເຕ່ລະຫ້ອງ ເຊັ່ນ: Food Court, Meeting Room, VIP Room, Living Room, ຫ້ອງດວງໃຈເເມ່ ເເລະ ອະທິບາຍເຖິງການໃຊ້ງານເເຕ່ລະຫ້ອງຢ່າງລະອຽດ.

img
img

View: 201 | 8/3/2022 11:29:27 AM | ກ່ຽວກັບ ລາວ ໂທລະຄົມ

ຍ້ອນກັບ

ຮູບພາບທີ່ກ່ຽວຂ້ອງ



Copyright © 2022 , All Rights Reserved | Version : 2.0