ງານຕະຫຼາດນັດ ລາວ ໂທລະຄົມ ສູນບໍລິການລູກຄ້າ ລາວ ໂທລະຄົມ ເເຂວງ ຈຳປາສັກ

ວັນທີ 3 ມິຖຸນາ 2022,​ ລາວໂທລະຄົມ ສາຂາແຂວງຈໍາປາສັກ ໄດ້ຈັດງານຕະຫຼາດນັດ ລາວ​ ໂທລະຄົມ​ ຫຼື​ Lao Telecom Market ຢູ່ສູນບໍລິການ ລາວ ໂທລະຄົມ ບ້ານໂພນໄຊ​ ນະຄອນປາກເຊ​ ເຂົ້າຮ່ວມໂດຍ ທ່ານ ໂສມ ບຸດຕະກຸນ ຄະນະປະຈໍາພັກແຂວງ ຮອງເຈົ້າແຂວງໆຈໍາປາສັກ,​ ທ່ານ ບົວລີ ເພັດສົງຄາມ ຄະນະປະຈໍາພັກແຂວງ ເຈົ້ານະຄອນປາກເຊ,​ ທ່ານ​ ນາງ​ ຄໍາຫຼ້າ​ ອຸດົມສັກ ຜູ້ອໍານວຍການ​ ລາວ​ ໂທລະຄົມ ສາຂາແຂວງຈໍາປາສັກ. ມີບັນດາທ່ານໃນຄະນະປະຈໍາພັກແຂວງ, ກໍາມະການພັກແຂວງ, ຫົວໜ້າພະແນກການ, ກົມກອງອ້ອມຂ້າງ, ການນໍາ ແລະ​ ພະນັກງານ ພາຍໃນ ລາວ ໂທລະຄົມ ຈາກສູນກາງ ແລະ​ ແຂວງ​ ເຂົ້າຮ່ວມ.​ ໃຫ້ກຽດຂຶ້ນກ່າວເປີດງານໂດຍ ທ່ານ​ ນາງ​ ຄໍາຫຼ້າ​ ອຸດົມສັກ ຜູ້ອໍານວຍການ​ ລາວ​ ໂທລະຄົມ​ ສາຂາແຂວງຈໍາປາສັກ​.

ຈຸດປະສົງໃນການຈັດງານ “ ຕະຫຼາດນັດ ລາວ ໂທລະຄົມ " ຂອງ ລາວ ໂທລະຄົມ ສາຂາແຂວງຈໍາປາສັກ​ ຄັ້ງນີ້ ຈັດຂຶ້ນເປັນຄັ້ງທຳອິດ ເພື່ອເປັນການສ້າງກິດຈະກໍາ ໃຫ້ລູກຄ້າໄດ້ມີສ່ວນ ຮ່ວມກັບ ລາວ ໂທລະຄົມ ບໍ່ວ່າຈະເປັນການຄືນກໍາໄລໃຫ້ກັບລູກຄ້າ

ໃນງານຄັ້ງນີ້ ໄດ້ມີການວາງສະເເດງສິນຄ້າ, ການບໍລິການ ຂອງ ລາວ ໂທລະຄົມ ແລະ ບໍລິສັດໃນເຄືອ ພ້ອມກັບ ເຄື່ອງເຕັກໂນໂລຊີ, ຜະລິດຕະພັນຕ່າງໆ ດ້ວຍໂປຣໂມຊັນສຸດພິເສດ ມາສົ່ງມອບໃຫ້ ບັນດາທ່ານ. ນອກຈາກນັ້ນ ຍັງມີເຄື່ອງລາງວັນ ແລະ ເຄື່ອງກິດຈະກຳ ທີ່ ລາວ ໂທລະຄົມ ແລະ​ ບໍລິສັດ ໃນເຄືອ ລວມທັງບັນດາຮ້ານຄ້າຄູ່ຮ່ວມທຸລະກິດ ໄດ້ນໍາມາແຈກແຖມໃຫ້ກັບທຸກທ່ານທີ່ເຂົ້າມາຮ່ວມງານໃນຄັ້ງນີ້ຢ່າງຫຼວງຫຼາຍ.

img
img

View: 542 | 6/7/2022 4:45:44 PM | ກ່ຽວກັບ ລາວ ໂທລະຄົມ

ຍ້ອນກັບ

ຮູບພາບທີ່ກ່ຽວຂ້ອງ



Copyright © 2022 , All Rights Reserved | Version : 2.0