ບໍລິສັດ ລາວ ໂທລະຄົມມະນາຄົມ ມະຫາຊົນ ຕ້ອນຮັບຄະນະທີມງານບຸກຄະລາກອນ ລັດວິສາຫະກິດໄຟຟ້າລາວ ເຂົ້າພົບປະແລກປ່ຽນບົດຮຽນ ໃນການຄຸ້ມຄອງບໍລິຫານບຸກຄະລາກອນ

ໃນວັນທີ 04 ກຸມພາ 2022 ທີ່ສຳນັກງານໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ, ທ່ານ ຄຳໃບ ພົມຮັກສາ ຫົວໜ້າຝ່າຍຈັດຕັ້ງ-ບໍລິຫານ ບໍລິສັດ ລາວ ໂທລະຄົມ ໄດ້ຕ້ອນຮັບຄະນະຜູ້ບໍລິຫານ ຈາກລັດວິສາຫະກິດໄຟຟ້າລາວ ເຊິ່ງນຳພາໂດຍ ທ່ານ ບຸນເອື້ອ ສີວັນເພັງ ຫົວໜ້າຝ່າຍຈັດຕັ້ງ ແລະ ບໍລິຫານ ລັດວິສາຫະກິດໄຟຟ້າລາວ ພ້ອມດ້ວຍຄະນະວິຊາການທີ່ກ່ຽວຂ້ອງຈຳນວນ 10 ທ່ານ .

ກ່ອນອື່ນໝົດ ທ່ານ ບຸນເອື້ອ ສີວັນເພັງ ຫົວໜ້າຝ່າຍຈັດຕັ້ງ ແລະ ບໍລິຫານ ລັດວິສາຫະກິດໄຟຟ້າລາວ ໄດ້ກ່າວຈຸດປະສົງຫຼັກໃນການເຂົ້າພົບປະຄັ້ງນີ້ ແລະ ທ່ານຍັງໄດ້ເລົ່າປະຫວັດຄວາມເປັນມາຂອງບໍລິສັດ. ທ່ານ ຄໍາໃບ ພົມຮັກສາ ກໍ່ໄດ້ກ່າວຕ້ອນຮັບ ແລະ ເລົ່າປະຫວັດຄວາມເປັນມາຂອງ ລລທ ເຊັ່ນ: ການຮ່ວມທຶນກັບຂາຮຸ້ນຕ່າງປະເທດ, ການຄຸ້ມຄອງບໍລິຫານບຸກຄະລາກອນ, ຍຸດທະສາດ, ວິໄສທັດ, ວຽກງານນະໂຍບາຍ ແລະ ລະບຽບການຕ່າງໆທີ່ມີຕໍ່ບຸກຄະລາກອນຂອງ ບໍລິສັດ.

ຈາກນັ້ນບັນດາຜູ້ບໍລິຫານ ແລະ ວິຊາການຈາກລັດວິສາຫະກິດໄຟຟ້າລາວ ໄດ້ມີຂໍ້ຊັກຖາມກ່ຽວກັບການປັບປຸງກົງຈັກການຈັດຕັ້ງ, ການຊັບຊ້ອນບຸກຄະລາກອນເຂົ້າຕໍາແໜ່ງງານ ແລະ ນະໂຍບາຍຕ່າງໆ ເພື່ອຈະໄດ້ນໍາເອົາຜັນຂະຫຍາຍໃຫ້ຖືກຕ້ອງຕາມວຽກງານຕົວຈິງ ແລະ ໄປຕາມທິດທາງຂອງພັກ-ລັດ.

ການພົບປະ ແລະ ຖອດຖອນບົດຮຽນໃນຄັ້ງນີ້ແມ່ນເພື່ອຮັດແໜ້ນສາຍສຳພັນຂອງທັງ 2 ບໍລິສັດ ລາວ ໂທລະຄົມມະນາຄົມ ມະຫາຊົນ ແລະ ລັດວິສາຫະກິດໄຟຟ້າລາວ.

img
img

View: 1401 | 2/6/2022 9:32:45 PM | ກ່ຽວກັບ ລາວ ໂທລະຄົມ

ຍ້ອນກັບ

ຮູບພາບທີ່ກ່ຽວຂ້ອງ



Copyright © 2022 , All Rights Reserved | Version : 2.0