ມາຮູ້ຈັກທີ່ມາຂອງ ໂຄວິດກາຍພັນຊະນິດໃຫມ່ ໂອໄມຄຣອນ

1. ອົງການອານະໄມໂລກ ໄດ້ລາຍງານ ພົບເຊື້ອໂຄວິດ ກາຍພັນຊະນິດໃຫມ່ໃນປະເທດອາຟຣີກາໃຕ້ ທີ່ມີຊື່ ວິທະຍາສາດ B1.1.529 ຫຼື ມີຊື່ເອີ້ນທົ່ວໄປວ່າ ໂອໄມຄຣອນ Omicron ເປັນສາຍພັນທໍາອິດທີ່ພົບເຫັນຢູ່ໃນອາຟຣິກາໃຕ້ ຈຸດສໍາຄັນທີ່ສຸດຂອງສາຍພັນໃຫມ່ນີ້ແມ່ນ ເຊື້ອໄວຣັດ ມີການປ່ຽນແປງຮູບຮ່າງ ໂດຍສະເພາະສ່ວນໝາມໂປຣຕີນ ຫຼື Spike Protein ພົບການກາຍພັນຫລາຍກວ່າ 30 ຈຸດ.

2. ການກາຍພັນສ່ວນໝາມຂອງໂປຣຕີນມີຄວາມສໍາຄັນ ເພາະຈະມີຜົນກະທົບຫຼາຍຢ່າງ ມີຄວາມສາມາດໃນການເຂົ້າໄປໃນຈຸລັງຂອງເຊື້ອໄວຣັດ ການແຜ່ລະບາດຈົນໄປຮອດຮູບຮ່າງມີການປ່ຽນແປງ ພູມຄຸ້ມກັນຂອງຮ່າງກາຍຈາກວັກຊິນບໍ່ສາມາດຈື່ໄດ້ ວັກຊິນທີ່ພວກເຮົາກໍາລັງໃຊ້ອາດຈະບໍ່ສາມາດປ້ອງກັນໄດ້ ຖ້າມີການເກີດລະບາດອີກຄັ້ງ.

3. ການເລີ່ມຕົ້ນມາຈາກອາຟຣິກາໃຕ້ ເປັນປະເທດທີ່ມີອັດຕາການສັກວັກຊິນກັນພະຍາດ COVID-19 ໜ້ອຍທີ່ສຸດປະເທດ ນື່ງ ມີພຽງແຕ່ 28% ຂອງປະຊາກອນທີ່ໄດ້ຮັບການສັກຢາວັກຊີນເຂັມທໍາອິດ ສິ່ງທີ່ຫນ້າສົນໃຈແມ່ນ ອາຟຣິກາໃຕ້ເປັນປະເທດທີມີຜູ້ຕິດເຊື້ອເອດ HIVເຖິງ 20% ຂອງປະຊາກອນ.

4. ລາຍງານລະບຸວ່າ: ນັກຄົ້ນຄວ້າຈາກ UCL Genetics Institute ກ່າວວ່າ ເຊື້ອໄວຣັດນີ້ປົກກະຕິແລ້ວປ່ຽນໄປເທື່ອລະຈຸດ ອັນນີ້ບໍ່ເປັນທີ່ໜ້າເປັນຫ່ວງຄືກັບການກາຍພັນຫຼາຍອັນໃນເວລາດຽວກັນ ທີ່ຈະເກີດຂຶ້ນໃນຄົນຕິດເຊື້ອໂຄວິດ ທີ່ມີພູມຄຸ້ມກັນຕໍ່າ ແລະ ໃຊ້ເວລາດົນໃນການປິ່ນປົວ ອາຟຣິກາໃຕ້ເປັນປະເທດທີ່ມີການລະບາດ ໂຄວິດ ຫຼາຍຄັ້ງ ແລະ ມີຄົນເຈັບທີ່ຕິດເຊື້ອເອດ HIV ຫຼາຍຄົນທີ່ມີພູມຄຸ້ມກັນຕໍ່າ ເປັນປະເທດທີ່ການກາຍພັນຫລາຍ ຈຸດ ໄດ້ງ່າຍ.

5. ໃນປັດຈຸບັນການລະບາດຂອງ ໂຄວິດກາຍພັນຊະນິດໃຫມ່ໄດ້ແຜ່ກະຈາຍໄປບາງເຂດໃນອາຟຣິກາ ມີຫຼາຍກໍລະນີ ແລະ ໄດ້ແຜ່ກະຈາຍໄປໃນ ປະເທດ ບອດສະວານາ, ຮົງກົງ ຈາກຜູ້ເດີນທາງມາຈາກປະເທດອາຟຣິກາໃຕ້ ແລະ ອິສຣາແອລ ຈາກຜູ້ເດີນທາງຈາກປະເທດມາລາວີ.

6. ຮົງກົງມີຂໍ້ມູນທີ່ຫນ້າສົນໃຈຄື: ໃນການກວດຫາເຊື້ອ COVID ມີປະລິມານເຊື້ອໄວຣັດ "ສູງຫຼາຍ" ຄົນເຈັບທີ່ຕິດເຊື້ອທັງສອງ ພັກຢູ່ໃນຫ້ອງທີ່ແຍກກັນ ແລະ ພວກເຂົາຕິດເຊື້ອໃນລະຫວ່າງການກັກກັນຢູ່ໃນໂຮງແຮມດຽວກັນ ເຊິ່ງທັງສອງບໍ່ເຄີຍພົບກັນມາກ່ອນ ໝາຍຄວາມວ່າເຊື້ອໄວຣັດຊະນິດນີ້ສາມາດເຮັດໃຫ້ການຕິດເຊື້ອທາງອາກາດສູງກວ່າສາຍພັນອື່ນໆ.

ລາຍງານລະບຸວ່າ: ລະບົບພູມຄຸ້ມກັນຂອງຮ່າງກາຍ ທີ່ຖືກສ້າງຂື້ນຫຼັງຈາກສັກວັກຊິນ ຈະໂຈມຕີມັນໄດ້ຍາກຂື້ນ ແລະ ຍັງສາມາດແຜ່ກະຈາຍເຊື້ອຜ່ານທາງອາກາດໄດ້ ຫຼັງຈາກເກັບຕົວຢ່າງທີ່ລອຍຢູ່ໃນອາກາດລະຫວ່າງສອງຫ້ອງ ໄດ້ໄປທົດສອບ ແລະ ໄດ້ພົບເຫັນ 25 ໃນຈຳນວນ 87 ຕົວຢ່າງຂອງເຊື້ອໄວຣັດ.

7. ຂະນະນີ້ ອົງການອະນາໄມໂລກ ຕິດຕາມຢ່າງໃກ້ຊິດ ຫຼາຍປະເທດໄດ້ປິດຖ້ຽວບິນຈາກປະເທດໃນອາຟຣິກາແລ້ວ ເຊັ່ນ ອັງກິດໄດ້ສັ່ງປິດຖ້ຽວບິນຈາກ 6 ປະເທດໃນອາຟຣິກາ, ສິງກະໂປ ຫ້າມບໍ່ໃຫ້ຄົນຈາກອາຟຣິກາໃຕ້ ແລະ ປະເທດໃກ້ຄ່ຽງ ເຂົ້າໃນປະເທດ.

8. ອົງການອະນາໄມໂລກກໍາລັງປະຊຸມເພື່ອປຶກສາກ່ຽວກັບເຊື້ອໄວຣັດ ແລະ ຈະຕັດສິນໃຈວ່າມັນເປັນຊະນິດທີ່ຕ້ອງລະວັງຫຼືບໍ່ ຖ້າແມ່ນຈາກນັ້ນເຊື້ອໄວຣັດນີ້ຈະຖືກຕັ້ງຊື່ ເປັນຕົວອັກສອນພາສາ ກຣີກ ມີແນວໂນ້ມທີ່ຈະມີຊື່ວ່າ ນູ "Nu".

9. ອັນນີ້ຈະເປັນກໍລະນີສຶກສາທີ່ດີສຳລັບທຸກປະເທດທົ່ວໂລກການແຈກ ວັກຊີນໃຫ້ປະເທດຕົນເອງຄົບ ແລະ ຫວັງວ່າປະຊາຊົນຂອງປະເທດຕົນຈະມີພູມຄຸ້ມກັນເຊື້ອໄວຣັດ ໂດຍບໍ່ສົນບັນດາປະເທດອື່ນໆ ທີ່ໄດ້ຮັບການສັກຢາປ້ອງກັນທີ່ຍັງມີຈຳນວນໜ້ອຍ ສຸດທ້າຍ ການກາຍພັນໃນປະເທດທີ່ສັກຢາປ້ອງກັນທີ່ຍັງມີຈຳນວນໜ້ອຍ ໂອກາດຈະກັບຄືນມາອີກຄັ້ງຫນຶ່ງ ແລະ ເປັນອັນຕະລາຍຕໍ່ປະເທດທີ່ມີປະຊາກອນໄດ້ຮັບວັກຊີນຄົບ ຊຶ່ງປະເທດສ່ວນໃຫຍ່ໃນອາຟຣິກາ ມີອັດຕາການສັກວັກຊິນປ້ອງກັນພຽງແຕ່ 1% - 20% ຂອງປະຊາກອນຂອງປະເທດເທົ່ານັ້ນ.

10. ຖ້າເຊື້ອໄວຣັດກາຍພັນແຜ່ກະຈາຍໄປທົ່ວໂລກມັນອາດຈະຄືກັນກັບເຊື້ອໄວຣັດຊະນິດ Delta ເປັນຈຸດປ່ຽນແປງທີ່ເຮັດໃຫ້ຄວາມສາມາດໃນການປ້ອງກັນ ຂອງວັກຊີນແມ່ນມີປະສິດທິພາບຫນ້ອຍ ແລະ ຈະເຮັດໃຫ້ການຄົ້ນຄວ້າວິໃຈ ແລະ ການແຈກຢາຍວັກຊີນ ຕ້ອງເລີ່ມນັບຫນຶ່ງອີກຄັ້ງ.

img

View: 2295 | 12/4/2021 10:22:24 AM | Covid-19

ຍ້ອນກັບ

ຮູບພາບທີ່ກ່ຽວຂ້ອງ



Copyright © 2022 , All Rights Reserved | Version : 2.0