ຢາເມັດຕ້ານ COVID-19 ອີກນື່ງຄວາມຫວັງຂອງຊາວໂລກ

ນັບວ່າເປັນຂ່າວດີສຳລັບຜູ້ຢ້ານເຂັມສັກຢາເມື່ອ ບໍລິສັດ ເມີກ ແອນ ໂຄ (Merck & Co) ບໍລິສັດຢາລາຍໃຫຍ່ຂອງສະຫະລັດອາເມຣິກາໄດ້ມີການຜະລິດຢາຕ້ານເຊື້ອໄວຣັດໂຄວິດ-19 ຊະນິດເມັດ, ຢາດັ່ງກ່າວນີ້ ຊື່ວ່າ ໂມນນູພີລາເວຍລ໌ (Molnupiravir) ເຊິ່ງເປັນຢາເມັດປິ່ນປົວພະຍາດ COVID-19, ບໍລິສັດ ເມີກ ບອກວ່າມັນມີຜົນຕໍ່ກັບ COVID-19 ທຸກໆຊະນິດ, ລວມທັງ delta ແລະ ຊ່ວຍຫຼຸດຜ່ອນຄວາມສ່ຽງຂອງຄົນເຈັບ COVID-19 ໃນການເຂົ້າຮັກສາໂຕຢູ່ໂຮງຫມໍ ຫລື ເສຍຊີວິດໄດ້ເຖີງ 50%.

ໂມນນູພີລາເວຍລ໌ ຍັງບໍ່ໄດ້ຮັບການອະນຸມັດຈາກອົງການອາຫານ ແລະ ຢາຂອງສະຫະລັດອາເມຣິກາ ແຕ່ຫຼາຍປະເທດໃນທົ່ວໂລກໄດ້ເລີ່ມດຳເນີນການເຈລະຈາເພື່ອຊື້ຢາເມັດ ໂມນນູພີລາເວຍລ໌ ຈາກ ບໍລິສັດ ເມີກ. ໃນນັ້ນລວມມີ ຍີ່ປຸ່ນ, ເກົາຫຼີໃຕ້, ມາເລເຊຍ, ຟີລິບປິນ, ໄຕ້ຫວັນ, ອັງກິດ ແລະ ຄາດວ່າ ຈະໄດ້ຮັບຢາ ໂມນນູພີລາເວຍລ໌ ໃນໄວໆນີ້, ບໍລິສັດ ເມີຄ ໄດ້ເລີ່ມການຜະລິດຢາເມັດ ໂມນນູພີລາເວຍລ໌. ຄາດວ່າຈະຜະລິດ 10 ລ້ານໂດສ ພາຍໃນທ້າຍປີນີ້.

ລາຍງານລະບຸວ່າ: ບໍລິສັດ ເມີກ ເປີດເຜີຍຜົນການທົດລອງໄລຍະທີ່ 3 ທົດລອງຫຼາຍກວ່າ 170 ແຫ່ງ ຢູ່ໃນສະຫະລັດອາເມລິກາ, ບຣາຊິລ, ກົວເຕມາລາ, ອັບຟຣິກາໃຕ້, ຍີ່ປຸ່ນ ແລະ ໄຕ້ຫວັນ ເຫັນວ່າໄດ້ຜູ້ຕິດໂຄວິດ-19 ໄດ້ຮັບຢາ ໂມນນູພີລາເວຍລ໌ ຈໍານວນພຽງ 7.3% ທີ່ຕ້ອງເຂົ້າໄປຮັກສາອາການຢູ່ໂຮງຫມໍພາຍໃນ ເວລາ 29 ມື້ ແລະ ບໍ່ມີຜູ້ເສຍຊີວິດ ຂະນະທີ່ຜູ້ຕິດໂຄວິດ-19 ໄດ້ຮັບຢາຫລອດ ຈໍານວນ 14.1% ທີ່ຕ້ອງເຂົ້າໄປຮັກສາອາການຢູ່ໂຮງຫມໍພາຍໃນ ເວລາ 29 ມື້ ແລະ ມີຜູ້ເສຍຊີວິດ ຈຳນວນ 8 ຄົນ ໂດຍອາສາສະໝັກທີ່ເຂົ້າຮ່ວມການທົດລອງມີຈຳນວນ 755 ຄົນ ທີ່ໄດ້ຮັບການຢືນຢັນເປັນຜູ້ຕິດໂຄວິດ-19 ທີ່ສະແດງອາການ.

ລາຍງານລະບຸວ່າ: ຢາເມັດ ໂມນນູພີລາເວຍລ໌ ຈະສາມາດປ້ອງກັນບໍ່ໃຫ້ເຊື້ອໄວຣັສແຜ່ກະຈາຍພາຍໃນຮ່າງກາຍ ມັນບໍ່ໄດ້ແນ່ໃສ່ໂປຣຕີນທີ່ໜາຂອງໄວຣັດ COVID-19 ເຊີ່ງແຕກຕ່າງຈາກວັກຊີນ COVID-19 ທົ່ວໄປ ຈິ່ງເຮັດໃຫ້ຢາ ໂມນນູພີລາເວຍລ໌ ມີປະສິດທິພາບໃນການສະກັດກັ້ນເຊື້ອໄວຣັສ ເຖິງແມ່ນວ່າມີການກາຍພັນ ແຕ່ຢາເມັດ ໂມນນູພີລາເວຍລ໌ ແນ່ເປົ້າໃສ່ viral polymerase ໄວຣັດ ເຊິ່ງເປັນເອນໄຊທີ່ຈຳເປັນຕໍ່ເຊື້ອໄວຣັສ COVID-19 ເພື່ອຄັດລອກຕົວມັນເອງເພື່ອເຜີຍແຜ່ ໂດຍຢາ ໂມນນູພີລາເວຍລ໌ ຈະເຮັດໃຫ້ພັນທຸກໍາຂອງເຊື້ອໄວຣັສຜິດພາດຈົນກ່ວາມັນບໍ່ສາມາດຂະຫຍາຍໄດ້.

ລາຍງານລະບຸວ່າ: ເມີກ Merck ຈະບໍ່ມີຜົນກະທົບຕໍ່ພັນທຸກໍາໃນຈຸລັງຂອງມະນຸດໃນທາງໃດກໍ່ຕາມ.

img

View: 2054 | 11/19/2021 10:40:17 AM | Covid-19

ຍ້ອນກັບ

ຮູບພາບທີ່ກ່ຽວຂ້ອງ



Copyright © 2022 , All Rights Reserved | Version : 2.0