ຢູ່ບ້ານ ເຮັດຫຍັງດີໃນຊ່ວງ COVID?

ເນື່ອງຈາກສະຖານະການ ໂຄວິດຕອນນີ້ ຫລາຍໆຄົນຕ້ອງຢູ່ບ້ານກັກໂຕ ເພື່ອຫລຸດຜ່ອນການແຜ່ເຊື້ອ, ສະນັ້ນການຢູ່ບ້ານ ໂດຍບໍ່ມີກິດຈະກຳ ຄົງຈະເປັນໄປໄດ້ຍາກ ມື້ນີ້ເຮົາເລີຍມານຳສະເໜີ 5 ວິທີແກ້ຄວາມອືດອັດແຖມຊ່ວຍຫລຸດຜ່ອນຄວາມຄຽດໄດ້.

1. ເບິ່ງຫນັງ ເຊື່ອໄດ້ວ່າຫລາຍຄົນຄົງຊີນກັບວິທີນີ້ແລ້ວ ແຕ່ຖ້າເຮົາລອງປ່ຽນຈາກການເບິ່ງຫນັງຄົນດຽວ ເປັນເບິ່ງກັບຄອບຄົວ ໃນເຮືອນມັນຈະເປັນຄົນລະອາລົມ ກັບເວລາເບິ່ງຄົນດຽວ ລວມເຖິງການເບິ່ງຫນັງແນວອື່ນໆ ທີ່ເຮົາເບິ່ງຂ້າມໄປ ກໍ່ຊ່ວຍເຮົາໄດ້ຫລາຍ.

2. ການຈັດຫ້ອງນອນ ຫລື ປັບປ່ຽນຮູບແບບຂອງເຮືອນໃຫມ່ ການຈັດສັນຫ້ອງນອນ ຫລື ປັບປ່ຽນຮູບແບບຂອງເຮືອນໃຫມ່ ກໍ່ຊ່ວຍຕື່ມເຕັມຈິດໃຈ ແລະ ແກ້ຄວາມຄຽດໃຫ້ເຮົາໄດ້, ມີໜຶ່ງເທັກນີກທີ່ຫນ້າສົນໃຈໃນຊ່ວງນີ້ຄືອາດຈະຊວນຄົນໃນຄອບຄົວ ມາຈັດລຽງອາລະບຳຮູບພາບເກົ່າໆ ແລະ ຊ່ວຍເພີ່ມສີສັນ ຄວາມມ່ວນຊື່ນໃຫ້ກັບ ຄອບຄົວໃນການສົນທະນາໃນຄອບຄົວນຳກັນ.

3. ການເຮັດອາຫານ ທົດລອງຝືກເຮັດອາຫານດ້ວຍຕົວເອງ ການເຮັດອາຫານສຳຫລັບມື້ໃຫມ່ເປັນສິ່ງທີທ້າທາຍ ແກ້ອາການ ຄວາມຄຽດໄດ້ດີ.

4. ສະສາງສິ່ງທີເຮົາຄົງຄ້າງ ໃນຊ່ວງໂຄວິດເຮົາອາດຈະມີເວລາຫລາຍຂື້ນ ເຮົາກໍ່ສາມາດຈັດການເລື່ອງທີຄົງຄ້າງໄດ້ ທີ່ສຳຄັນຄື ການຈັດເວລາ ລຽງລຳດັບຄວາມສຳຄັນ ໂດຍແບ່ງເວລາວຽກທາງຫ້ອງການ ແລະ ເວລາສ່ວນຕົວ ໃຜທີ່ບໍ່ມີເວລາໃນຊ່ວງກ່ອນຫນ້ານີ້ ຕ້ອງລອງປະຕິບັດ.

5. ການເຮັດສິ່ງໃຫມ່ໆ ໃນຍາມເວລາຕົວເອງຫວ່າງ ການເຮັດວຽກສິ່ງໃຫມ່ໆ ໃນຍາມເວລາຕົວເອງຫວ່າງ ຈະຊ່ວຍໃຫ້ເຮົາໄດ້ສຳຫລວດຄວາມສົນໃຈທີ່ຢູ່ນອກເໜືອຈາກເສັ້ນທາງການເຮັດວຽກຂອງຕົວເອງ ການເຮັດວຽກສິ່ງໃຫມ່ ໃນຍາມຫວ່າງຈະເຮັດໃຫ້ເຮົົາໄດ້ໃຊ້ຄວາມຄິດສ້າງສັນ ແລະ ລອງສິ່ງໃຫມ່ໆ ແລ້ວຈະຊ່ວຍໃຫ້ເຮົາຮູ້ສຶກດີຂື້ນອີກຄັ້ງ ຫລັງຈາກທີ່ຕ້ອງຢູ່ແຕ່ເຮືອນດົນໆ ແລ້ວອາດຈະສ້າງລາຍຮັບ ໃຫ້ເຮົາກໍເປັນໄປໄດ້ອີກ.

img

View: 431 | 10/23/2021 10:18:12 AM | Covid-19

ຍ້ອນກັບ

ຮູບພາບທີ່ກ່ຽວຂ້ອງ



Copyright © 2021 , All Rights Reserved | Version : 2.0