ລາວ ໂທລະຄົມ ມອບອຸປະກອນ VDO Conference ແລະ Internet ຄວາມໄວສູງໃຫ້ ຫ້ອງວ່າການສູນກາງພັກ

ໃນຕອນບ່າຍ ວັນທີ 16 ກັນຍາ 2021 ຢູ່ທີ່ ຫ້ອງວ່າການສູນກາງພັກ ໄດ້ມີພິທີມອບອຸປະກອນ VDO Conference ພ້ອມອຸປະກອນຄົບຊຸດ ຈໍານວນ 01 ຊຸດ ມູນຄ່າ 66,536,250 ກີບ ແລະ Internet FTTH ຄວາມໄວສູງ 100Mbps ມູນຄ່າ 144,000,000 ກີບ ລວມມູນຄ່າທັງໝົດ 210,536,250 ກີບ ຈາກ ບໍລິສັດ ລາວ ໂທລະຄົມມະນາຄົມ ມະຫາຊົນ ໃຫ້ຫ້ອງວ່າການສູນກາງພັກ ເພື່ອຮັບໃຊ້ເຂົ້າໃນວຽກງານວິຊາສະເພາະ ຂອງຫ້ອງວ່າການ ແລະ ຮັບໃຊ້ວຽກງານລວມຂອງການນໍາຂັ້ນສູງຂອງພັກ, ລັດ ເປັນຕົ້ນແມ່ນ ການປະຊຸມທາງໄກ ແບບ Online ໃຫ້ມີຄວາມສະດວກສະບາຍ, ວ່ອງໄວ ທັນກັບສະພາບການ ຫຼີກຫຼ່ຽງການປະຊຸມແບບໜ້າເຊິ່ງໜ້າ ທີ່ມີຈໍານວນຄົນຫຼາຍໃນຫ້ອງປະຊຸມດຽວກັນ ໂດຍສະເພາະແມ່ນ ໃນເງື່ອນໄຂທີ່ມີການແຜ່ລະບາດຂອງພະຍາດໂຄວິດ-19. ກ່າວມອບໃນຄັ້ງນີ້ໂດຍ ທ່ານ ສຸພົນ ຈັນທະວີໄຊ ເລຂາຄະນະພັກຮາກຖານ ຜູ້ອໍານວຍການໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ ແລະ ໃຫ້ກຽດຮັບໂດຍ ທ່ານ ທອງສະລິດ ມັງໜໍ່ເມກ, ຄະນະເລຂາທິການສູນກາງພັກ, ຫົວໜ້າຫ້ອງວ່າການສູນກາງພັກ ໂດຍມີຄະນະນໍາຂອງທັງສອງຝ່າຍເຂົ້າຮ່ວມ. ໃນໂອກາດດັ່ງກ່າວ ທ່ານ ທອງສະລິດ ມັງໜໍ່ເມກ, ຄະນະເລຂາທິ ການສູນກາງພັກ, ຫົວໜ້າຫ້ອງວ່າການສູນກາງພັກ ໄດ້ກ່າວສະແດງຄວາມຂອບໃຈ ແລະ ຕີລາຄາສູງ ຕໍ່ການປະກອບສ່ວນທີ່ຫຼວງຫຼາຍ ຂອງ ບໍລິສັດ ລາວ ໂທລະຄົມມະນາຄົມ ມະຫາຊົນ ໃນຄັ້ງນີ້ ເຊິ່ງແມ່ນເຕັກໂນໂລຊີທີ່ທັນສະໄໝ ແລະ ມີຄວາມຈໍາເປັນຫຼາຍໃນສະພາບການຂອງວຽກງານໃນສະຖານະການປະຈຸບັນ.

img

View: 141 | 9/16/2021 5:30:22 PM | ຊ່ວຍເຫຼືອສັງຄົມ

ຍ້ອນກັບ

ຮູບພາບທີ່ກ່ຽວຂ້ອງ



Copyright © 2021 , All Rights Reserved | Version : 2.0