img

ລາວ ໂທ​ລະ​ຄົມ​ ມອບ​ເຄື່ອງ​ອຸ​ປະ​ໂພກ​ໃຫ້​ກັບ​ນັກ​ສຶກ​ສາ ທີ່​ຕົກ​ຄ້າງ​ຢູ່ 4 ຫໍ​ພັກ​ໂຮງ​ຮຽນ ລວມ​ມູນ​ຄ່າ 500,094,079 ກີບ

ໃນວັນທີ 17 ພຶດສະພາ 2021 ນີ້ ບໍລິສັດ ລາວ ໂທລະຄົມມະນາຄົມ ມະຫາຊົນ ເຊິ່ງນໍາໂດຍ ທ່ານ ອາລຸນນະເດດ ບານຈິດ ຮອງຜູ້ອໍານວຍການໃຫຍ່ ພ້ອມດ້ວຍຄະນະໄດ້ເດີນທາງໄປມອບເຄື່ອງຊ່ວຍເຫຼືອໃຫ້ກັບນັກສຶກສາຫໍພັກ 4 ສະຖາບັນຄື: ມະຫາວິທະຍາໄລແຫ່ງຊາດ(ດົງໂດກ), ຄະນະວິສະວະກໍາສາດ(ຄວສ), ວິທະຍາໄລເຕັກນິກປາກປ່າສັກ ແລະ ວິທະຍາໄລເຕັກນິກ ລາວ-ເຢຍລະມັນ ທີ່ໄດ້ຮັບຜົນກະທົບຈາກສະພາບການແຜ່ລະບາດຂອງພະຍາດ COVID-19 ເຮັດໃຫ້ມີການຢຸດການຮຽນຊົ່ວຄາວ ແລະ ມີນັກສຶກສາຕ່າງແຂວງທີ່ນອນຫໍພັກຈໍານວນໜຶ່ງແມ່ນບໍ່ສາມາດເດີນທາງກັບພູມລໍາເນົາຂອງຕົນເອງໄດ້ໃນໄລຍະນີ້ ສະນັ້ນ, ເພື່ອເປັນການແບ່ງເບົາຄວາມຫຍຸ້ງຍາກດັ່ງກ່າວ ລາວ ໂທລະຄົມ ຈຶ່ງໄດ້ນໍາເອົານໍ້າຈິດນໍ້າໃຈເປັນເຄື່ອງບໍລິໂພກໃນຊີວິດປະຈໍາວັນ ແລະ ບໍລິການອິນເຕີເນັດ ເພື່ອອໍານວຍຄວາສະດວກໃຫ້ນ້ອງໆ ສາມາດຮຽນຜ່ານທາງອອນລາຍໄດ້ຢ່າງສະດວກສະບາຍ. ເຄື່ອງທີ່ນໍາມາມອບໃຫ້ກັບ 4 ສະຖາບັນໃນຄັ້ງນີ້ມີທັງໝົດ 1,050 ຊຸດ ແລະ ບໍລິການອິນເຕີເນັດຈໍານວນ 3,500 ນໍ້າເບີ ລວມເປັນມູນຄ່າທັງໝົດ 500,094,079 ກີບ.

View: 88 | 5/17/2021 4:14:42 PM | ຊ່ວຍເຫຼືອສັງຄົມ

ຍ້ອນກັບ




Copyright © 2021 , All Rights Reserved | Version : 2.0