img

ບໍລິສັດ ລາວ ໂທລະຄົມມະນາຄົມ ມະຫາຊົນ ມອບເງິນສົດ ແລະ ວັດຖຸ ໃຫ້ 3 ໂຮງໝໍໃຫຍ່ໃນ ນະຄອນຫຼວງວຽງຈັນ

ໃນວັນທີ 4 ພຶດສະພາ 2021 ນີ້ ບໍລິສັດ ລາວ ໂທລະຄົມມະນາຄົມ ມະຫາຊົນ ເຊິ່ງນໍາໂດຍ ທ່ານ ສຸພົນ ຈັນທະວີໄຊ ຜູ້ອໍານວຍການໃຫຍ່ ພ້ອມດ້ວຍຄະນະ ໄດ້ເຂົ້າມອບການອຸປະຖໍາເພື່ອເປັນກໍາລັັງໃຈໃຫ້ກັບທີມແພດໝໍຜູ້ປະຕິບັດໜ້າທີ່ປ້ອງກັນ, ຄວບຄຸມ, ແລະ ປິ່ນປົວຜູ້ປ່ວຍຕິດພະຍາດ COVID-19 ຢູ່ 3 ໂຮງໝໍໃຫຍ່ໃນ ນະຄອນຫຼວງວຽງຈັນ ຄື: ໂຮງໝໍມິດຕະພາບ (150 ຕຽງ), ໂຮງໝໍມະໂຫສົດ ແລະ ໂຮງໝໍ 103 . ເຊິ່ງລາຍການມອບໃນຄັ້ງນີ້ປະກອບ ມີ ເງິນສົດມອບໃຫ້ໂຮງໝໍລະ 10,000,000 ກີບ, ເຄື່ອງບໍລິໂພກມີອາຫານ ແຫ້ງ ແລະ ນໍ້າດື່ມ ມູນຄ່າ 5,720,000 ກີບ/ໂຮງໝໍ, ພ້ອມນີ້ຍັງມີເບີ Net sim + Data ຈໍານວນ 599 ເບີ (ລວມໃຫ້ທັງ 3 ໂຮງໝໍ) ມູນຄ່າ 95,840,000 ກີບ ເພື່ອນໍາໃຊ້ເຂົ້າໃນ ການຕິດຕໍ່ປະສານງານວຽກງານວິຊາ ສະເພາະໃຫ້ມີຄວາມສະດວກສະບາຍ ແລະ ວ່ອງໄວ. ລວມມູນຄ່າລາຍການ ທີ່ ລາວ ໂທລະຄົມ ມອບໃຫ້ທັງ 3 ໂຮງ ໝໍ ເປັນມູນຄ່າທັງໝົດ: 143,360,000 ກີບ. ເຊິ່ງກ່າວຮັບໂດຍຄະນະອໍາ ນວຍການພ້ອມດ້ວຍຜູ້ບໍລິ ຫານ ແລະ ພະນັກງານແພດໝໍ ທັງ 3 ໂຮງໝໍ ດັ່ງກ່າວ. “ລາວ ໂທລະຄົມ ໂທລະຄົມຂອງຄົນລາວ ເພື່ອສັງຄົມລາວ”

View: 120 | 5/5/2021 8:46:28 AM | ຊ່ວຍເຫຼືອສັງຄົມ

ຍ້ອນກັບ




Copyright © 2021 , All Rights Reserved | Version : 2.0