img

ລາວ ໂທລະຄົມ ສາຂາແຂວງ ທົ່ວປະເທດຈັດຕັ້ງການສີດພົ່ນຢາຂ້າເຊື້ອ ພາຍໃນສໍານັກງານ ແລະ ສູນບໍລິການ.

ໂດຍສືບຕໍ່ປະຕິບັດຕາມຄໍາສັ່ງຂອງທ່ານນາຍົກລັດຖະມົນຕີສະບັບເລກທີ 15/ນຍ, ລົງວັນທີ 21 ເມສາ 2021 ວ່າດ້ວຍການເພີ່ມທະວີມາດຕະການ ສະກັດກັ້ນ, ຄວບຄຸມ ແລະ ກຽມຄວາມພ້ອມຮອບດ້ານເພື່ອຕ້ານພະຍາດ COVID-19. ເນື່ອງຈາກສະຖານະການປະຈຸບັນການແຜ່ລະບາດຂອງພະ ຍາດ COVID-19 ແມ່ນໄດ້ແຜ່ລາມໄປສູ່ບັນດາແຂວງເກືອບທຸກແຂວງ ທົ່ວປະເທດ ຈາກການລາຍງານຂອງຄະນະສະເພາະກິດ ເຫັນວ່າຕົວເລກ ຜູ້ຕິດເຊື້ອຍັງມີເພີ້ມຂື້ນໃນແຕ່ລະວັນ ສະນັ້ນ, ເພື່ອເປັນການປ້ອງກັນ ແລະ ຮັບປະກັນຄວາມປອດໄພທາງດ້ານສຸຂະພາບຂອງພະນັກງານ, ລູກຄ້າ ແລະ ສ້າງຄວາມໝັ້ນໃຈແກ່ລູກຄ້າທີ່ເຂົ້າມາໃຊ້ບໍລິການທີ່ສູນບໍລິການໃນ ແຕ່ລະວັນ. ໃນວັນທີ 2 ພຶດສະພາ 2021 ຜ່ານມາ ລາວ ໂທລະຄົມ ສາຂາ ແຂວງທົ່ວປະເທດຈຶ່ງໄດ້ຈັດຕັ້ງການສີດພົ່ນຢາຂ້າເຊື້ອພາຍໃນສໍານັກງານ ແລະ ສູນບໍລິການຕ່າງໆພາຍໃນແຂວງຂອງຕົນ ພ້ອມດຽວກັນນີ້ໄດ້ສືບຕໍ່ ປະຕິບັດມາດຕະການ ການກວດວັດແທກອຸຫະພູມ, ໃສ່ຜ້າອັດປາກອັດດັງ, ມີຈຸດລ້າງມື ແລະ ເຈວລ້າງມື ສໍາລັບພະນັກງານ ແລະ ລູກຄ້າກ່ອນເຂົ້າເຮັດ ວຽກ ແລະ ກ່ອນເຂົ້າໃຊ້ບໍລິການໃນແຕ່ລະຄັ້ງ “ ຮ່ວມແຮງຮ່ວມໃຈຕ້ານໄພໂຄວິດ”

View: 531 | 5/3/2021 9:08:34 PM | ກ່ຽວກັບ ລາວ ໂທລະຄົມ

ຍ້ອນກັບ




Copyright © 2021 , All Rights Reserved | Version : 2.0