img

ອຸປະຖຳ Internet Leased Line ໃນການຖ່າຍທອດສົດໃຫ້ແກ່ສະຫະພັນບານເຕະແຫ່ງຊາດລາວ ປະຈຳປີ 2021

ໃນຕອນແລງ ຂອງ ວັນທີ 23 ມີນາ 2021 ຜ່ານມາ ທີ່ ສະຫະພັນບານເຕະແຫ່ງຊາດລາວ ໄດ້ມີການຈັດງານຖະແຫຼ່ງຂ່າວ ການແຂ່ງຂັນກິລາບານເຕະ ເປບຊີ ລາວລີກ 1 ປະຈຳປີ 2021 ເຊິ່ງຈັດໂດຍ ສະຫະພັນບານເຕະແຫ່ງຊາດລາວ ໃນພິທີດັ່ງກ່າວ ທ່ານ ອາລຸນນະເດດ ບານຈິດ ຮອງຜູ້ອໍານວຍການໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ ໄດ້ກ່າວມອບການອຸປະຖໍາ Internet Leased Line ຄວາມໄວສູງ ຂອງ ລາວ ໂທລະຄົມ ໂດຍເຫັນໄດ້ຄວາມສໍາຄັນຂອງວຽກງານສົ່ງເສີມ ແລະ ພັດທະນາວົງການກິລາລາວ, ໃນໄລຍະຜ່ານມາ ລາວ ໂທລະຄົມ ໄດ້ໃຫ້ການສະໜັບສະໜູນ ສະຫະພັນບານເຕະແຫ່ງຊາດລາວ ມາໂດຍຕະຫຼອດເປັນຕົ້ນແມ່ນ ການແຂ່ງຂັນ ບານເຕະ ເປບຊີ ລາວລີກ ປີ 2018, 2019, 2020 ເປັນເວລາຕໍ່ເນື່ອງກັນ 3 ປີ ແລະ ປີນີ້ກໍ່ເປັນອີກປີໜຶ່ງ ທີ່ ລລທ ໄດ້ໃຫ້ການອຸປະຖຳ Internet ໃນການຖ່າຍທອດສົດ ງານແຂ່ງຂັນ ກິລາບານເຕະ ລວມມູນຄ່າ: 422,196,000 ກີບ ໃຫ້ກັບ ສະຫະພັນ ບານເຕະແຫ່ງຊາດລາວ ເຊິ່ງຮັບໂດຍ: ທ່ານ ສົມສະໜຸກ ລຽນສະຫວັນ ຫົວໜ້າພະແນກ ຈັດການແຂ່ງຂັນທັງເປັນຮອງເລຂາທິການ ສະຫະພັນບານເຕະແຫ່ງຊາດລາວ ຊຶ່ງຜູ້ຊົມສາມາດຕິດຕາມຊົມ ການແຂ່ງຂັນທຸກນັດໄດ້ແບບຕິດຂອບສະໜາມໂດຍຜ່ານ Application Mycujoo ຂອງ ທາງສະຫະພັນບານເຕະແຫ່ງຊາດລາວ

View: 91 | 3/24/2021 10:04:45 PM | ຊ່ວຍເຫຼືອສັງຄົມ

ຍ້ອນກັບ




Copyright © 2021 , All Rights Reserved | Version : 2.0