img

ງານຕະຫຼາດນັດ “Lao Telecom Market ຄັ້ງທີ 1 ປະຈຳປີ 2021”

ໃນ​ວັນທີ: 20 ມີນາ 2020 ທີ່ ​ຜ່ານ​ມາ ບໍລິສັດ ລາວ ໂທລະຄົມມະນາຄົມ ມະຫາຊົນ ໄດ້ໄຂງານຕະຫຼາດນັດ “Lao Telecom Market ຄັ້ງທີ 1 ປະຈຳປີ 2021” ອີເລັກໂທຣນິກ ແລະ ເທັກໂນໂລຢີ ( Electronic & Technology ) ຂື້ນທີ່ສູນການຄ້າ ວຽງຈັນເຊັນເຕີ ນະຄອນຫຼວງວຽງຈັນ ກ່າວເປີດງານໂດຍ ທ່ານ ທັນສະໄໝ ຊາມຸນຕີ ຜູ້ຊີ້ນໍາວຽກງານ Commercial ລລທ ທັງເປັນຜູ້ອໍານວຍການ ບໍລິສັດ ລາວ ໂມບາຍມັນນີ ຈໍາກັດຜູ້ດຽວ ເຊິ່ງໃຫ້ກຽດເຂົ້າຮ່ວມງານຄັ້ງນີ້ ໂດຍ ທ່ານ ປາວະລິດ ອ່ຽມອຳ ຮອງຜູ້ອໍານວຍການໃຫຍ່ ລາວ ໂທລະຄົມ ພ້ອມດ້ວຍຄະນະ ແລະ ຄະນະຝ່າຍ, ຄະນະພະແນກການ, ພະນັກງານວິຊາການ , ລູກຄ້າ, ດາລານັກຮ້ອງສິລະປິນຊື່ດັງ, ທີມເຕັ້ນ ສຸດ Hot ແລະ ນ້ອງໆນັກຮ້ອງ ຜູ້ເຂົ້າຮອບ 15 ຄົນ ຂອງ ການປະກວດ LTC SINGING CONTEST 2021 ເຂົ້າຮ່ວມຢ່າງພ້ອມພຽງ. |ງານຕະຫຼາດນັດ ແມ່ນກິດຈະກໍາໜຶ່ງ ທີ່ ລາວ ໂທລະຄົມ ໄດ້ຈັດຂື້ນ ໃນປີ 2021 ນີ້ ເປັນຄັ້ງ ທີ່ 1 ໂດຍ ມີບັນດາຮ້ານຄ້າຄູ່ຮ່ວມທຸລະກິດຮ້ານໃໝ່ໆ ທີ່ບໍ່ຊໍ້າເກົ່າໝູນໄປເລື້ອຍໆ | ຈຸດປະສົງເພື່ອເປັນການສ້າງສີສັນໃໝ່ ແລະ ປະສົບການໃໝ່ໃຫ້ກັບລູກຄ້າໃນຍຸກ Digital ເຊິ່ງໃນງານຕະຫຼາດນັດ ຄັ້ງທີ່ 1 ປີ 2021 ນີ້ ລາວ ໂທລະຄົມ ໄດ້ຈັບມືກັບຮ້ານຄ້າທີ່ຈໍາໜ່າຍສີນຄ້າກ່ຽວກັບ ອີເລັກໂທຣນິກ ແລະ ເທັກໂນໂລຢີ ( Electronic & Technology ) ມາໂຮມຕົວກັນຢູ່ບ່ອນດຽວ ແລະ ມື້ດຽວເທົ່ານັ້ນ ເພື່ອວາງສະແດງ ແລະ ຈໍາໜ່າຍ ສິນຄ້າ ຂອງ ແຕ່ລະຮ້ານຄ້າ ໃຫ້ລູກຄ້າຜູ້ເຂົ້າຮ່ວມງານໄດ້ທົດລອງນໍາໃຊ້ ແລະ ເລືອກຊື້ໄປຊົມໃຊ້ຕາມຄວາມຕ້ອງການ, ພາຍໃນງານມີກິດຈະກໍາຫຼາຍຢ່າງເພື່ອໃຫ້ລູກຄ້າໄດ້ມີສ່ວນຮ່ວມ ແລະ ຮ່ວມມ່ວນຊື່ນ ເປັນຕົ້ນແມ່ນການປະກວດ LTC SINGING CONTEST 2021, ການລົງທະບຽນເບີໂທລະສັບ, ການແຈກເຄື່ອງລາງວັນ ແລະ ກິດຈະກໍາອຶ່ນໆ ເຊິ່ງສ້າງຄວາມສົນໃຈໃຫ້ກັບຜູ້ເຂົ້າຮ່ວມງານຄັ້ງນີ້ໄດ້ເປັນຢ່າງດີ.| ຜູ້ຊະນະເລີດໃນການເເຂ່ງຂັນການປະກວດ LTC SINGING CONTEST 2021 ລາງວັນຊະນະເລີດອັນດັບ 1 ໄດ້ແກ່ LTC 05 : ມ໋ອກກີ້ ລິດທິເດດ, ລາງວັນຮອງອັນດັບ 1 LTC 08 : ສົມສະໜຸກ ຈັນທະລາດ, ລາງວັນຮອງອັນດັບ 2 LTC 11 : ຈີ່ອ້ອນ ໄຊຍະທຳ ແລະ ລາງວັນຊົມເຊີຍ LTC 15 : ຈິລາພອນ ບິນນາລົງ, LTC 12 : ເຜົ່າວັນ ສີລຳພັນ ແລະ ລາງວັນ POPULAR VOTE LTC 13 : ນໍ້າມົນ ສິນຈະເລີນ

View: 82 | 3/22/2021 4:19:53 PM | ກິດຈະກຳ

ຍ້ອນກັບ




Copyright © 2021 , All Rights Reserved | Version : 2.0