img

ລາວ ໂທລະຄົມ ຕ້ອນຮັບ ການລົງໂຄສະນາຫາສຽງຂອງຜູ້ສະໝັກຮັບເລືອກຕັ້ງ ເປັນສະມາຊິກສະພາແຫ່ງຊາດ ຊຸດທີ IX ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ

ໃນວັນທີ 19 ກຸມພາ 2021 ທີ່ ສຳນັກງານໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ ໄດ້ຕ້ອນຮັບການລົງໂຄສະນາຫາສຽງ ຂອງ ຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ ຊຸດທີ IX ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ ເຊິ່ງໃຫ້ກຽດກ່າວຕ້ອນຮັບ ພ້ອມດ້ວຍ ນໍາສະເເໜີ ປະຫວັດຄວາມເປັນມາ ແລະ ບາງຜົນງານທີ່ພົ້ນເດັ່ນ ໃນໄລຍະຜ່ານມາ ຂອງ ລລທ ໂດຍ ທ່ານ ສຸພົນ ຈັນທະວີໄຊ ເລຂາຄະນະພັກຮາກຖານ, ຜູ້ອໍານວຍການໃຫ່ຍ ແລະ ໃຫ້ກຽດເຂົ້າຮ່ວມ ຂອງ ທ່ານ ຮສ.ປະລິນຍາເອກ ລິນຄໍາ ດວງສະຫັວນ ຜູ້ສະໝັກຮັບເລືອກຕັ້ງ(ນໍ້າເບີ 3) ກໍາມະການສໍາຮອງສູນກາງພັກ, ຮອງລັດຖະມົນຕີ ກະຊວງກະສີກໍາ ແລະ ປ່າໄມ້ ພ້ອມດ້ວຍຄະນະ ຈຳນວນ 6 ທ່ານ ໃນນັ້ນມີ ທ່ານ ຮສ. ວຽງວິໄລ ທ່ຽງຈັນໄຊ ( ນໍ້າເບີ 6 ) ກໍາມະການປະຈໍາພັກ, ຄະນະບໍດີຄະນະ ນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ, ທ່ານ ສາລະພິດ ສູນວໍລະວົງ (ນໍ້າເບີ 10) ເລຂາທິການ ສະພາປະຊາຊົນນະຄອນຫຼວງວຽງຈັນ. ທ່ານ ທອງສະຫວັນ ມີບຸນ (ນໍ້າເບີ 15) ຄະນະບໍລິຫານງານສະມາຄົມຜະລິດ ແລະ ປຸງແຕ່ງອາຫານລາວ, ທ່ານນາງ ສົມປະເສີດ ສີຫາລາດ (ນໍ້າເບີ 19) ຫົວໜ້າຄະນະໂຄສະນາອົບຮົມ ເມືອງສີໂຄດຕະບອງ ນະຄອນຫຼວງວຽງຈັນ, ທານ ອຸດົມ ສີລາເພັດ (ນໍ້າເບີ 22) ຮອງປະທານສະຫະພັນກໍາມະບານ ນະຄອນຫຼວງວຽງຈັນ ນອກນັ້ນຍັງມີ ຄະນະຜູ້ບໍລິຫານ ລລທ ໃຫ້ກຽດເຂົ້າຮ່ວມໂດຍ ທ່ານ ອາລຸນນະເດດ ບານຈິດ ຮອງຜູ້ອຳນວຍການໃຫຍ່ ລລທ ຂະແໜງຈັດຕັ້ງ-ບໍລິຫານ, ທ່ານ ທັນສະໄໝ ຊາມຸນຕີ ຜູ້​ຊີ້​ນຳວຽກງານທາງ​ດ້ານ​Commercial ລ​ລ​ທ ທັງເປັນຫົວຫນ້າອຳນວຍການ ບໍ​ລິ​ສັດ ລາວ ໂມບາຍມັນນີ ຈຳ​ກັດ​ຜູ້​ດຽວ ພ້ອມດ້ວຍຄະນະຝ່າຍ, ພະແນກ, ຫ້ອງການ ແລະ ພະນັກງານຫຼັກແຫຼ່ງ ພ້ອມດ້ວຍທິມງານຕິດຕາມຜູ້ສະໝັກຮັບເລືອກຕັ້ງເຂົ້າຮ່ວມ.|ຈຸດປະສົງ ການເຕົ້າໂຮມກັນໃນມື້ນີ້ ແມ່ນເພື່ອຮັບຟັງການແນະນໍາໂຕ ແລະ ສະເໜີປະຫວັດຫຍໍ້ ຂອງບັນດາທ່ານ ຜູ້ສະໝັກຮັບເລືອກຕັ້ງ ເປັນສະມາຊິກສະພາແຫ່ງຊາດຊຸດທີ IX ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ ເພື່ອໃຫ້ບັນດາຄະນະຜູ້ບໍລິຫານ ແລະ ພະນັກງານ ລາວ ໂທລະຄົມ ໄດ້ຮັບຊາບກ່ຽວກັບວິໃສທັດ ເພື່ອນໍາໄປພິຈາລະນາເລືອກໄດ້ ຜູ້ສະໝັກຮັບເລືອກຕັ້ງທີ່ດີ ເຂົ້າໄປເປັນຜູ້ແທນໃນສະພາ.

View: 219 | 2/22/2021 4:48:45 PM | ຊ່ວຍເຫຼືອສັງຄົມ

ຍ້ອນກັບ




Copyright © 2021 , All Rights Reserved | Version : 2.0