img

ບໍລິສັດ ລາວໂທລະຄົມມະນາຄົມ ມະຫາຊົນ ສາຂາ ແຂວງວຽງຈັນ ດຳເນີນກອງປະຊຸມສະຫຼຸບຜົນງານການເຄື່ອນໄຫວວຽກງານ ປະຈໍາປີ 2020 ແລະ ທິດທາງແຜນການປີ 2021.

ໃນຕອນບ່າຍຂອງວັນທີ 11 ກຸມພາ 2021 ຜ່ານມາ ຢູ່ທີ່່ສຳນັກງານ ບໍລິສັດ ລາວ ໂທລະຄົມມະນາຄົມ ມະຫາຊົນ ສາຂາ ແຂວງວຽງຈັນ ໄດ້ໄຂກອງປະຊຸມ ປະຈຳປີ 2020 ຂຶ້ນຢ່າງເປັນທາງການ, ພາຍໃຕ້ການເປັນປະທານຂອງ ທ່ານ ນາງ ແສງສະເດັດ ແສງມະນີ ຮັກສາການອຳນວຍ ບໍລິສັດ ລາວ ໂທລະຄົມ ມະນາຄົມ ມະຫາຊົນ ສາຂາແຂວງວຽງຈັນ. ໃຫ້ກຽດເຂົ້າຮ່ວມມີ ທ່ານ ບົວລະພັນ ສຸພິດາ ເລຂາຄະນະພັກຮາກຖານ ຫົວໜ້າພະແນກໄປສະນີໂທລະ ຄົມ ແລະ ການສື່ສານ ແຂວງວຽງຈັນ ເຂົ້າຮ່ວມກອງປະຊຸມມີ ຄະນະອໍາ ນວຍການ ລລທ ແຂວງວຽງຈັນ, ຫົວໜ້າພາກສ່ວນ, ສູນ ພ້ອມດ້ວຍພະ ນັກງານວິຊາການ ແລະ ບັນດາ ລລທ ສາຂາເມືອງ ເຂົ້າຮ່ວມທັງໝົດ 68 ທ່ານ. ໃນພິທີດັ່ງກ່າວ ທ່ານ ນາງ ແສງສະເດັດ ແສງມະນີ ຮັກສາການອຳ ນວຍ ບໍລິສັດ ລາວ ໂທລະຄົມມະນາຄົມ ມະຫາຊົນ ສາຂາແຂວງວຽງຈັນ. ໄດ້ຂຶ້ນຜ່ານບົດສະຫຼຸບຜົນງານການເຄື່່ອນໄຫວວຽກງານດຳເນີນທຸລະກິດໃນປີ 2020 ແລະ ທິດທາງແຜນການໃນປີ 2021 ຂອງ ລລທ ແຂວງວຽງຈັນຕໍ່ ກອງປະຊຸມ ເຊິ່ງທ່ານໄດ້ຍົກໃຫ້ເຫັນຜົນງານພົ້ນເດັ່ນ ທີ່ສາມາດຍາດແຍ່ງ ມາໄດ້ໃນໜຶ່ງປີຜ່ານມາເປັນຕົ້ນແມ່ນ: ທາງດ້ານເຕັກນິກ ໃນ 1 ປີ ຜ່ານມາ ລລທ ສາຂາແຂວງວຽງຈັນ ໄດ້ຈັດຕັ້ງປະຕິບັດໃນການຂະຫຍາຍ ແລະ ປັບ ປຸງຄຸນນະພາບຕາໜ່າງລະບົບໂທລະຄົມມະນາຄົມ ເພື່ອຮັບໃຊ້ສັງຄົມຢ່າງ ບໍຢຸດຢັ້ງ ໂດຍສະເພາະແມ່ນໂຄງການ Phase 28, 28.5 ເຊິ່ງແມ່ນ Phase ເສີມຕາມແລວເສັ້ນທາງດ່ວນວຽງຈັນ-ວັງວຽງ ແລະ Link OTN 20G ເຮັດໃຫ້ ປະຈຸບັນ ລລທ ແຂວງວຽງຈັນ ມີສະນີຮັບສົ່ງສັນຍານໂທລະສັບມືຖື ທັງໝົດ 310 ສະຖານີ ໃນນັ້ນມີສະຖານີ 2G ຈໍານວນ 166 ຈຸດ, 3G ຈໍານວນ 302 ຈຸດ ສະຖານີ, 4G ຈໍານວນ 267 ຈຸດ, 4Ga ຈໍານວນ 35 ຈຸດ. ດ້ານວຽກງານ Internet ແລະ PSTN ສາມາດໃຫ້ບໍລິການລູກຄ້າໄດ້ 07 ເຂດຄື: ໂພນໝີ, ທຸລະຄົມ, ໂພນໂຮງ, ຫລັກ 52, ວັງວຽງ, ຊະນະຄາມ, ກາສີ ແລະ ນຳໃຊ້ Over leased line ທີ່ມີສະຖານີມືຖື. ດ້ານວຽກງານການຕະ ຫຼາດ-ການຂາຍກໍແມ່ນວຽກງານໜື່ງທີ່ມີບົດບາດສຳຄັນໃນການສ້າງລາຍຮັບ ໃຫ້ແກ່ບໍລິສັດ ເຊິ່ງຍາມໃດຄະນະພັກ - ຄະນະອຳນວຍການ ລລທ ແຂວງວຽງຈັນ ກໍ່ໄດ້ເອົາໃຈໃສ່ນໍາພາ-ຊີ້ນໍາຢ່າງໃກ້ຊິດຕິດແທດໃນການຄົ້ນ ຄວ້ານະໂຍບາຍ. ກົນລະຍຸດດ້ານການຕະຫລາດ ແລະ ການຂາຍໃຫ້ສອດ ຄ່ອງກັບກົດລະບຽບກົດໜາຍກໍ່ຄືຄວາມຕ້ອງການຂອງສັງຄົມ - ລູກຄ້າ ແຕ່ລະໄລຍະ ມາເຖີງທ້າຍປີ 2020 ລລທ ສາຂາແຂວງວຽງຈັນ ມີປ່ອງບໍລິ ການລູກຄ້າ 11 ແຫ່ງໃນທົ່ວແຂວງ ສາມາດໃຫ້ບໍລິການລູກຄ້າໄດ້ຢ່າງທົ່ວ ເຖີງໂດຍຜ່ານຊ່ອງທາງຕ່າງໆເຊັ່ນ: ຂາຍຜ່ານຕົວແທນຈໍາໜ່າຍປະຈຸບັນມີ ຮ້ານຕົວແທນຈໍາໜ່າຍທັງໝົດ 85 ຮ້ານ, ຂາຍຜ່ານຊ່ອງທາງ CS ແລະ ຂາຍຜ່ານຊ່ອງທາງກິດຈະກໍາສົ່ງເສີມການຂາຍຕາມຕະຫຼາດ, ໂຮງຮຽນ, ຈຸດຊຸມຊົນ ແລະ ງານບຸນປະເພນີຕ່າງໆ ພາຍໃນແຂວງ. ທັງໝົດເຫຼົ່ານັ້ນ ເຮັດໃຫ້ ລລທ ສາຂາແຂວງວຽງຈັນ ສາມາດຍາດໄດ້ສ່ວນ ແບ່ງທາງການ ຕະຫລາດລູກຄ້າມືຖືກວມ: 52,67% ແລະ ມີລູກຄ້າໃຊ້ບໍລິການຂອງລາວ ໂທລະຄົມ ພາຍໃນແຂວງມີຕົວຈິງທັງໝົດຄື: ໂທລະສັບມືຖືແບບຕື່ມເງິນ (Prepaid) 95,669 ເລກໝາຍ, ແບບລາຍເດືອນ (Postpaid) 3,351 ເລກ ໝາຍ, Win-Phone 29,027 ເລກໝາຍ, Net Sim 105,016 ເລກໝາຍ. ນອກນີ້ຍັງສາມາດຂື້ນທະບຽນເລກໝາຍໂທລະສັບຜ່ານລະບົບ 3 ແກຼັບ ໄດ້ທັງໝົດ 95,173 ເລກໝາຍ. ເປີດໃຫ້ບໍລິການ M-money ກະເປົາເງິນ ເທິງມືຖື ໄດ້ທັງໝົດ 985 ເລກໝາຍ. ດ້ານຜົນປະກອບການທຸລະກິດ ໃນປີ 2020 ລລທ ສາຂາແຂວງວຽງຈັນ ສາມາດສ້າງລາຍຮັບໄດ້ທັງໝົດ 105 ຕື້ ກວ່າກີບເທົ່າກັບ 95% ຂອງແຜນການປີ, ປະຕິບັດລາຍຈ່າຍໄດ້ທັງໝົດ 44 ຕື້ກວ່າກີບ ເທົ່າກັບ 101% ຂອງແຜນການປີ ມີກໍາໄລສຸດທິທັງໝົດ 61 ຕື້ ກວ່າກີບ ເທົ່າກັບ 90% ຂອງແຜນການປີ ສາມາດມອບພັນທະໃຫ້ລັດທັງ ໝົດ 16 ຕື້ກວ່າກີບ ໃນນັ້ນລວມມີອາກອນເງິນເດືອນ 363 ລ້ານກີບ, ອາກອນຊົມໃຊ້ 5 ຕື້ກວ່າກີບ, ອາກອນມູນຄ່າເພີ່ມ 10 ຕື້ກວ່າກີບ. ດ້ານວຽກງານອຸປະຖໍາການຈັດຕັ້ງພັກ-ລັດ ແລະ ຊ່ວຍເຫຼືອສັງຄົມປະຕິບັດ ໄດ້ 77 ລ້ານກວ່າກີບ. ສໍາລັບທິດທາງລວມ, ຄາດໝາຍສູ້ຊົນ ແລະ ແຜນການວຽກງານໃນປີ 2021 ລລທ ແຂວງວຽງຈັນ ໂດຍສຶບຕໍ່ນະໂຍບາຍ, ປັບປຸງ ແລະ ພັດທະນາ ຄຸນນະພາບເຄືອຂ່າຍຂອງ ລາວ ໂທລະຄົມ ສາຂາ ແຂວງວຽງຈັນ ໃຫ້ບັນລຸ KPI ທີ່ ລລທ ສູນກາງວາງອອກ,ສືບຕໍ່ກໍ່ສ້າງເງື່ອນໄຂເພື່ອເພີ່ນລາຍຮັບໃຫ້ ສູງຂື້ນກວ່າເກົ່າ ແລະ ຫຼຸດລາຍຈ່າຍໃຫ້ຕ່ຳລົງ, ສູ້ຊົນຮັກສາສ່ວນແບ່ງການ ຕະຫລາດ, ສ່ວນແບ່ງລູກຄ້າໂທລະສັບມືຖື ໃຫ້ຢູ່ໃນລະດັບທີ່ດີກວ່າຄູ່ແຂ່ງ ເພືອສ້າງທ່າແຮງໃຫ້ແກ່ການຂຸດຄົ້ນແຫຼ່ງລາຍຮັບໃຫ້ບັນລຸຕາມແຜນ ການ ແລະ ຕົວເລກຄາດໝາຍສູ້ຊົນ (KPI) ທີ່ ລລທ ສູນກາງມອບໃຫ້ໂດຍ ໃຫ້ຍຶດຖືເອົາ 6 ຫຼັກການ LPM ທີ່ສອນໃຫ້ເປັນພະນັກງານທີດີຮອດດ້ານ ແລະ 5 ຫຼັກການ BPI ທີ່ສອນໃຫ້ເປັນຄົນເກັ່ງ. ພາຍຫຼັງໄດ້ຮັບຟັງການລາຍງານ ຂອງ ທ່ານ ນາງ ແສງສະເດັດ ແສງມະນີ ຮັກສາການອໍານວຍການ ລລທ ສາຂາແຂວງວຽງຈັນ ທີ່ປະຊຸມໄດ້ເປີດ ກວ້າງໃຫ້ຜູ້ແທນທີ່ເຂົ້າຮ່ວມກອງປະຊຸມປະກອບຄໍາຄິດຄໍາເຫັນໃສ່ບົດສະ ຫຼຸບ ແລະ ເປັນເອກະພາບຮັບຮອງເອົາບົດລາຍງານດັ່ງກ່າວ ພ້ອມທັງຕົບ ມືຊົມເຊີຍໃນຜົນງານ ປີ 2020 ທີ່ຍາດມາໄດ້ ແລະ ພ້ອມກັນນໍາເອົາທິດທາງ ແຜນການປີ 2021 ໄປສືບຕໍ່ຈັດຕັ້ງປະຕິບັດໃຫ້ປະກົດຜົນເປັນຈິງ ແລະ ມີການມອບໃບຍ້ອງຍໍຂອງ ບໍລິສັດ ໃຫ້ກັບພະນັກງານ ທີ່ດີເດັ່ນ ແລະ ຫ້າວຫັນ ໃນການປະກອບສ່ວນວຽກງານເຂົ້າໃນການດໍາເນີນທຸລະກິດ ຂອງ ລລທ ໃນປີ 2020. ໃນຕອນທ້າຍຂອງກອງປະຊຸມ ຍັງໄດ້ຮັບຟັງບົດໂອ້ລົມ ຂອງ ທ່ານ ບົວລະພັນ ສຸພິດາ ເລຂາຄະນະພັກຮາກຖານ ຫົວໜ້າພະແນກ ໄປສະນີໂທລະຄົມ ແລະ ການສື່ສານ ແຂວງວຽງຈັນ ເຊິ່ງ ທ່ານ ໄດ້ສະແດງ ຄວາມຍ້ອງຍໍຊົມເຊີຍ ການນໍາພາຊີ້-ຊີ້ນໍາ ຂອງຄະນະພັກຄະນະອໍານວຍ ການ ລລທ ແຂວງວຽງຈັນ, ຊົມເຊີຍອ້າຍເອື້ອຍນ້ອງພະນັກງານວິຊາການ ໝົດທຸກຄົນ ທີເປັນຈິດໜຶ່ງໃຈດຽວກັນ ເຮັດໃຫ້ ລລທ ແຂວງວຽງຈັນ ສາມາດສ້າງລາຍຮັບ ແລະ ປະຕິບັດການມອບພັນທະໃຫ້ລັດ ໄດ້ຢ່າງຫຼວງ ຫຼາຍ. ພ້ອມກັນນີ້ ທ່ານ ຍັງໄດ້ຮຽກຮ້ອງໃຫ້ພະນັກງານທຸກຄົນສືບຕໍ່ເອົາໃຈ ໃສ່ໃນແບບແຜນການເຮັດວຽກ ໂດຍສະເພາະດ້ານວຽກງານແນວຄິດ ການເມືອງ ແລະ ວຽກງານວິຊາສະເພາະໄປຄຽງຄູກັນ ເພື່ອເຮັດໃຫ້ ລລທ ມີຄວາມເຂັ້ມແຂງ ແລະ ເຕີບໃຫຍ່ຂະຫຍາຍຕົວ ກາຍເປັນຕົວແບບທີ່ດີ ໃຫ້ກັບຂະແໜງການອຶ່ນໄດ້.

View: 367 | 2/15/2021 10:29:43 PM | ກ່ຽວກັບ ລາວ ໂທລະຄົມ

ຍ້ອນກັບ




Copyright © 2021 , All Rights Reserved | Version : 2.0