img

ລາວ ໂທລະຄົມ ສ້າງຂະບວນການແຂ່ງຂັນກິລາຕ້ອນຮັບກອງປະຊຸມ ລລທ ປະຈໍາປີ 2020

ໃນຕອນແລງວັນທີ 3 ກຸມພາ 2021 ຜ່ານມາ ທີ່ເດີ່ນກິລາເປຕັງ ລລທ (ໜ້າສູນອິນເຕີເນັດແຫ່ງຊາດ) ບໍລິສັດ ລາວ ໂທລະຄົມມະນາຄົມ ມະຫາຊົນ ໄດ້ສ້າງຂະບວນການແຂ່ງຂັນກິລາເປຕັງ ຂື້ນ. ໃຫ້ກຽດເຂົ້າຮ່ວມ ໃນພິທີເປີດການແຂ່ງຂັນຄັ້ງນີ້ໂດຍ ທ່ານ ສຸພົນ ຈັນທະວີໄຊ ຜູ້ອໍານວຍ ການໃຫຍ່ ພ້ອມດ້ວຍຄະນະ, ມີຄະນະຝ່າຍ, ຄະນະພະແນກ, ຄະນະອໍານວນ ການ ລລທ ສາຂາແຂວງ ແລະ ນັກກິລາ ເຂົ້າຮ່ວມຢ່າງພ້ອມພຽງ. ໃນພິທີ ທ່ານ ລັດຖະປັນຍາ ຂຽວວົງພະຈັນ ຮອງຜູ້ອໍານວຍການໃຫຍ່ ໄດ້ຂື້ນກ່າວ ຈຸດປະສົງຂອງການຈັດການແຂ່ງຂັນໃນຄັ້ງນີ້ວ່າເພື່ອເປັນການສ້າງຂະບວນການຕ້ອນຮັບກອງປະຊຸມ ລລທ ປະຈໍາປີ 2020 ໃຫ້ມີບັນຍາກາດ ແລະ ມີຄວາມໝາຍສໍາຄັນ ທັງເປັນການສ້າງຄວາມຮັກແພງສາມະຄີ, ຄວາມສະນິດສະໜົມ ລະຫວ່າງ ຄະນະຜູ້ບໍລິຫານ ກັບ ຄະນະຝ່າຍ, ຄະນະພະແນກ, ຄະນະອໍານວຍການ ລລທ ສາຂາແຂວງທີເດີນທາງ ເຂົ້າຮ່ວມກອງປະຊຸມ ແລະ ນັກກິລາ. ເຊິ່ງການແຂ່ງຂັນຄັ້ງນີ້ມີນັກກິລາເຂົ້າ ຮ່ວມທັງໝົດ 08 ທີມ ຄື: 1. ທີມຄະນະຜູ້ອຳນວຍການໃຫຍ່ 2. ທີ່ມພາກເໜືອ 1 (ລລທ ຜົ້ງສາລີ+ອຸດົມໄຊ) 3. ທີມພາກເໜືອ 2 (ລລທ ຊຳເໜືອ+ຊຽງຂວາງ+ຫຼວງພະບາງ+ໄຊຍະບູລີ) 4. ທີມພາກກາງ (ລລທ ໄຊສົມບູນ+ວຽງຈັນ+ບໍລິຄຳໄຊ+ຄຳມ່ວນ+ສະຫວັນນະເຂດ) 5. ທີມພາກໃຕ້ (ລລທ ຈຳປາສັກ+ສາລະວັນ+ເຊກອງ+ອັດຕະປື) 6. ທີມຝ່າຍຈັດຕັ້ງ-ບໍລິຫານ 7. ທີມຝ່າຍປະຕິບັດການ ແລະ ພັດທະນາເຄືອຂ່າຍ 8. ທີມຝ່າຍນະຄອນຫຼວງ+ຝ່າຍການຕະຫຼາດ+ບໍລິສັດ LMM| ສະຫຼຸບຜົນການແຂ່ງຂັນຮອບຊີງຊະນະເລີດໄດ້ແກ່ ທີມຝ່າຍປະຕິ ບັດການ ແລະ ພັດທະນາເຄືອຂ່າຍ ເອົາຊະນະ ທີມພາກເໜືອ 1(ລລທ ຜົ້ງສາລີ+ອຸດົມໄຊ)ດ້ວຍຄະແນນ 9 ຕໍ່ 4 ຄະແນນ.

View: 95 | 2/4/2021 5:02:54 PM | ກ່ຽວກັບ ລາວ ໂທລະຄົມ

ຍ້ອນກັບ




Copyright © 2021 , All Rights Reserved | Version : 2.0