img

ລາວ ໂທລະຄົມ ມອບເຄື່ອງຊ່ວຍເຫຼືອສັງຄົມຮ່ວມກັບທີມງານໂຄງການ “ ໂລກມືສອງ ”

ໃນວັນທີ 17 ມັງກອນ 2021 ຜ່ານມາ ບໍລິສັດ ລາວ ໂທລະຄົມມະນາຄົມ ມະຫາຊົນ (ລລທ) ໄດ້ເດີນທາງໄປມອບເຄື່ອງຊ່ວຍເຫຼືອໃຫ້ກັບຊຸມຊົນກຸ່ມ ບ້ານນໍ້າແຜນ (ບ້ານນາມົນ, ບ້ານນໍ້າແຜນ, ບ້ານປາກແຜນ ແລະ ບ້ານສາມັກຄີໄຊ) ເມືອງແມດ ແຂວງວຽງຈັນ ຮ່ວມກັບທີມງານໂຄງການ “ ໂລກມືສອງ ”. ຕາງໜ້າ ລາວ ໂທລະຄົມ ເຂົ້າຮ່ວມມອບເຄື່ອງໃນຄັ້ງນີ້ໂດຍ ທ່ານ ນາງ ແສງສະເດັດ ແສງມະນີ ຮັກສາການອໍານວຍການ ລລທ ສາຂາແຂວງວຽງຈັນ ແລະ ກ່າວຮັບໂດຍ ທ່ານ ຄໍາສິນ ຈັນທະຖັກຂິນ ກໍາມະການພັກເມືອງ ຫົວໜ້າກຸ່ມບ້ານນໍ້າແຜນ ເຂົ້າຮ່ວມໃນພິທີມີອໍາ ນາດການປົກຄອງບ້ານ, ຄະນະອໍານວຍການໂຮງຮຽນປະຖົມບ້ານສາມັກ ຄີໄຊ, ພໍ່ແມ່ປະຊາຊົນ, ທີມງານໂລກມືສອງ, ທີມງານ ລລທ ສູນກາງ, ສາຂາແຂວງວຽງຈັນ ແລະ ຫຼານນ້ອຍນັກຮຽນເຂົ້າຮ່ວມຢ່າງພ້ອມພຽງ.|ກິດຈະກໍາຄັ້ງນີ້ ລາວ ໂທລະຄົມ ໄດ້ປະກອບສ່ວນເປັນເງິນສົດ ມູນຄ່າ 14,920,000 ກີບ ເພື່ອຊື້ເຄື່ອງຊ່ວຍເຫຼືອຕ່າງໆ ໄດ້ແກ່, ອຸປະກອນການສຶກ ສາ, ອຸປະກອນກິລາ, ເຄື່ອງກິລາ ສໍາລັບນ້ອງໆນັກຮຽນ, ອຸປະກອນໂທລະ ໂຄ່ງບ້ານຄົບຊຸດ ເພື່ອອໍານວຍຄວາມສະດວກໃຫ້ກັບກຸ່ມບ້ານໃນການໂຄ ສະນາ-ປະຊາສໍາພັນ ເຜີຍແຜ່ແນວທາງນະໂຍບາຍຂອງພັກ-ລັດ ໂດຍສະ ເພາະ ການປ້ອງກັນພະຍາດ COVID-19 ໃຫ້ພໍ່ແມ່ປະຊາຊົນໄດ້ຮັບ ຮູ້ຢ່າງ ວ່ອງໄວ ແລະ ທົ່ວເຖີງ ນອກນີ້ຍັງມີ ວັກຖຸອຸປະກອນຈໍານວນໜຶ່ງແລະ ປູນຊີມັງ ຈໍານວນ 6 ໂຕ່ນ ເພື່ອນໍາໃຊ້ເຂົ້າໃນການກໍ່ສ້າງຫ້ອງການກຸ່ມ ບ້ານນໍ້າແຜນຫຼັງໃໝ່ອີກດ້ວຍ.| ຈຸດປະສົງໃນການເຂົ້າຮ່ວມກິດຈະກໍາຂອງ ລລທ ໃນຄັ້ງ ນີ້ແມ່ນເພື່ອ ເປັນເປັນການສ້າງຂະບວນການຕ້ອນຮັບລາວ ໂທລະຄົມ ກ້າວເຂົ້າສູ່ປີທີ 25 ໃຫ້ມີຄວາມໝາຍຄວາມສໍາຄັນ ແລະ ເປັນການສືບຕໍ່ຮ່ວມກັບໜ່ວຍ ງານຕ່າງໆທັງພາກລັດ ແລະ ເອກະຊົນ ໃນການຊ່ວຍເຫຼືອສັງຄົມ ເພື່ອເປັນສ່ວນໜຶ່ງໃນການຕອບສະໜອງທິດທາງແຜນການຂອງ ພັກ-ລັດ ໃນ 5 ປີ ຕໍ່ໜ້າໃນການສ້າງສາພັດທະນາປະເທດຊາດ ໃຫ້ຈະເລີນຮຸ່ງເຮືອງ ແລະ ມີຄວາມສໍາເລັດຕາມແຜນການທີວາງໄວ້.

View: 138 | 1/19/2021 9:29:40 AM | ຊ່ວຍເຫຼືອສັງຄົມ

ຍ້ອນກັບ




Copyright © 2021 , All Rights Reserved | Version : 2.0