3/5/2020 10:18:41 AM | ອື່ນໆ...

ກິດຈະກໍາແຂ່ງຂັນກິລາເຕະບານມິດຕະພາບຊີງຂັນ ຫົວໜ້າບັນນາທິການ ໜັງສືພີມກອງທັບປະຊາຊົນລາວ.

ໃນຕອນບ່າຍວັນທີ່ 28 ກຸມພາ 2020 ຜ່ານມາຢູ່ທີ່ ສະໜາມກິລາ ກອງບັນຊາການທະຫານ ນະຄອນຫລວງວຽງຈັນ ໄດ້ມີພິທີເປີດການ ແຂ່ງຂັນກິລາເຕະບານມິດຕະພາບ ລະຫວ່າງ ລາວ ໂທລະຄົມ ກັບສື່ ມວນຊົນຂື້ນ ໃຫ້ກຽດເຂົ້າຮ່ວມໃນພິທີມີ ທ່ານ ລັດຖະປັນຍາ ຂຽວວົງພະຈັນ ຮອງຜູ້ອໍານວຍການໃຫຍ່ ລລທ , ທ່ານພັນ ເອກ ຄໍາສາວ ແກ້ວວິເສດ ຫົວໜ້າບັນນາທິການ ໜັງສືພີມກອງທັບ, ທ່ານ ພັນໂທ ເພັດບັນດິິດ ແປງນາທີ ຫົວໜ້າຫ້ອງການ ກອງບັນຊາ ການທະຫານ ນະຄອນຫຼວງວຽງຈັນ, ທ່ານ ນາງ ແກ້ວຊ້ອນ ຈັນທະ ນາມ ຫົວໜ້າບັນນາທິການ ໜັງສືພີມວຽງຈັນໃໝ່ ມີຄະນະຜູ້ບໍລິ ຫານ ແລະ ຄະນະນັກກິລາຈາກ 4 ພາກສ່ວນເຂົ້າຮ່ວມ.

ຈຸດປະສົງຂອງການຈັດການແຂ່ງຂັນກິລາໃນຄັ້ງນີ້ເປັນການຮັດແໜ້ນຄວາມສາມັກຄີ ແລະ ເພື່ອຊົມເຊີຍວັນສ້າງຕັ້ງໜັງສືພີມກອງ ທັບປະຊາຊົນລາວ ຄົບຮອບ 55 ປີ, ຂໍ່ານັບຮັບຕ້ອນກອງປະຊຸມໃຫຍ່ ອົງຄະນະພັກ ກອງບັນຊາການນະຄອນຫຼວງວຽງຈັນ ທີ່ຈະມາເຖິງນີ້ . ໃນພິທີ ທ່ານ ລັດຖະປັນຍາ ຂຽວວົງພະຈັນ ຮອງຜູ້ອໍານວຍການໃຫຍ່ ໄດ້ຂື້ນກ່າວມອບປັດໃຈຈໍານວນໜຶ່ງເພື່ອປະກອບສ່ວນຊຸກຍູ້ກິດຈະກໍາໃນຄັ້ງນີ້ ເປັນມູນຄ່າທັງໝົດ 7,020,000 ກີບ. ໃນນັ້ນເປັນເງິນສົດ 3,800,000 ກີບ ແລະ ເປັນວັດຖຸຂອງຂວັນ ມູນຄ່າ 3,020,000 ກີບ ໃຫ້ກັບ ກອງບັນຊາການທະຫານ ນະຄອນຫຼວງວຽງຈັນ. ຜົນການແຂ່ງຂັນ ຮອບ 4 ທີມ ກອງບັນຊາການທະຫານ ນະຄອນ ຫຼວງ ຊະນະ ໜັງສື ພີມກອງທັບ 2-0 , ລາວ ໂທລະຄົມ ຊະນະ ໜັງສືພີມວຽງຈັນໃໝ່ 2-0 , ຮອບຊີງຊະນະເລີດ ລາວ ໂທລະຄົມ ຊະນະ ກອງບັນຊາການ ທະຫານນະຄອນຫຼວງ 5-1 ເຮັດໃຫ້ ລາວ ໂທລະຄົມ ສາມາດຄວ້າຂັນລາງວັນໃນລາຍການນີ້.