2/3/2020 4:32:31 PM | ອື່ນໆ...

ລາວ ໂທລະຄົມ ຮ່ວມສ້າງຂະບວນການ ແຂ່ງຂັນກິລາເປຕັງມິດຕະພາບ ເພື່ອສະເຫຼີມສະຫຼອງ ວັນສ້າງຕັ້ງສະຫະພັນກຳມະບານລາວ ຄົບຮອບ 64 ປີ

ໃນວັນທີ 31 ມັງກອນ 2020 ທີ່ຜ່ານມາ ທີ່ ເດີ່ນກິລາເປຕັງສາຍລົມ, ນະຄອນຫຼວງວຽງຈັນ ໄດ້ຈັດການແຂ່ງຂັນ ກິລາເປຕັງ ມິດຕະພາບຂື້ນ ເພື່ອສະເຫຼີມສະຫຼອງວັນສ້າງຕັ້ງສະຫະພັນກຳມະບານລາວ ຄົບ ຮອບ 64 ປີ ( 01/2/1956 - 01/2/2020 ) ໂດຍໃຫ້ກຽດເຂົ້າຮ່ວມຂອງ : ທ່ານ ຄຳໃບ ພົມຮັກສາ ຮັກສາການ ຝ່າຍພັດທະນາບຸກຂະລາກອນ, ປະທານກຳມະບານ ລລທ ເຊິ່ງມີ ຄະນະນັກກິລາ 9 ໜ່ວຍ ຈາກ ລລທ ເຂົ້າຮ່ວມ, ເຊິ່ງໃນນັ້ນມີ: ຄະນະພັກຮາກຖານ, ຄະນະສະຫະພັນແມ່ຍິງ ຮາກຖານ ແລະ ຄະນະຊາວໜຸ່ມ ຮາກຖານ ລວມທັງໝົດ 12 ທີມ ແບ່ງເປັນ 2 ສາຍ ມີຄະນະຜູ້ບໍລິຫານ ແລະ ພະນັກງານວິຊາການ ລລທ ເຂົ້າຮ່ວມຢ່າງພ້ອມພຽງ.

ນອກຈາກນັ້ນ ໃນວັນດຽວກັນ ລລທ ກໍໄດ້ສົ່ງ 2 ທີມ ເຂົ້າຮ່ວມການແຂ່ງຂັນ ເຊິ່ງ ສະຫະພັນກຳມະບານລາວ ເປັນເຈົ້າພາບ ທີ່ ເດີ່ນສະໜາມກິລາເປຕັງແຫ່ງຊາດ ( ດົງໂດກ )