1/20/2020 4:30:02 PM | ອື່ນໆ...

ລາວ ໂທລະຄົມ ເຂົ້າອວຍພອນວັນຄ້າຍວັນເກີດຮ້ານຕົວແທນຈຳໜ່າຍສິນຄ້າ ປະຈຳປີ 2019

ໃນລະຫວ່າງ ເດືອນ 1 / 2019 - ເດືອນ 12 / 2019 ພະແນກການຂາຍ ຂອງ ບໍລິສັດ ລາວ ໂທລະຄົມມະນາຄົມ ມະຫາຊົນ ( ລລທ ) ເຊິ່ງຕາງໜ້າໂດຍ ທ່ານ ນາງ ມະນີຈັນ ພິລາວົງ ຫົວໜ້າພະແນກການຂາຍ ພ້ອມດ້ວຍ ຄະນະພະ ແນກ, ຄະນະພາກສ່ວນ ແລະ ທິມງານການຂາຍ Dealer VTE ໄດ້ໄປອວຍພອນ ວັນຄ້າຍວັນເກີດ ໃຫ້ກັບບັນດາ ຮ້ານຕົວແທນຈຳໜ່າຍສິນຄ້າ ຂອງ ລລທ ນະຄອນຫຼວງວຽງຈັນ ຈຳນວນ 61 ຮ້ານໃນປີ 2019

ຈຸດປະສົງການເຂົ້າໄປອວຍພອນຄັ້ງນີ້ແມ່ນເພື່ອເປັນການສ້າງສາຍສໍາພັນອັນດີງາມ ລະຫວ່າງ ລລທ ກັບບັນດາຮ້ານຕົວແທນຈຳໜ່າຍສິນຄ້າ ໃຫ້ແຫນ້ນແຟ້ນຂື້ນກວ່າເກົ່າ ແລະ ເປັນການສ້າງຂວັນກຳລັງໃຈໃຫ້ກັບຮ້ານຕົວແທນຈຳໜ່າຍ ໃນການດຳເນີນທຸລະກິດຮ່ວມກັບ ລລທ ຕະຫຼອດໄປ