5/4/2019 7:00:40 AM | ອື່ນໆ...

ຄະນະຜູ້ບໍລິຫານ ແລະ ພະນັກງານ ລາວ ໂທລະຄົມ ຮ່ວມ ຍ່າງເພື່ອສຸຂະພາບ ເນື່ອງໃນໂອກາດວັນກຳມະກອນສາກົນ ຄົບຮອບ 133 ປີ

ໃນຕອນເຊົ້າວັນທີ 1 ພຶດສະພາ 2019 ທີ່ຜ່ານມາ ຄະນະຜູ້ບໍລິຫານ ແລະ ພະນັກງານ ລາວ ໂທລະຄົມ ຮ່ວມ ຍ່າງເພື່ອສຸ ຂະພາບ ເນື່ຶອງໃນໂອກາດ ວັນກຳມະກອນສາກົນ ຄົບຮອບ 133 ປີ (1/5/ 1886 – 1/5/2019) ຊຶ່ງໄດ້ຈັດຂື້ນທີ່ ປະຕູໄຊ ນະຄອນ ຫຼວງວຽງຈັນ ເຂົ້າຮ່ວມໃນການຍ່າງໃນຄັ້ງນີ້ມີ ຕາງໜ້າ ລາວ ໂທລະຄົມ ໂດຍ ທ່ານ ສຸພົນ ຈັນທະວີໄຊ ປະທານກຳມະບານຮາກຖານ ລລທ ພ້ອມດ້ວຍຄະນະຜູ້ບໍລິຫານ ແລະ ພະນັກງານ ລລທ ເຂົ້າຮ່ວມຍ່າງຈຳນວນໜຶ່ງ ແລະ ໃນນັ້ນກໍຍັງມີບັນດາ ພະນັກງານລັດຖະກອນ, ກຳມະກອນ ແລະ ຊາວຜູ້ອອກແຮງງານອ້ອມຂ້າງນະຄອນຫຼວງວຽງຈັນ ກໍ່ໄດ້ເຂົ້າຮ່ວມ ຢ່າງພ້ອມພຽງ.

ຈຸດປະສົງ ການຍ່າງເພື່ອສູຂະພາບໃນຄັ້ງນີ້ ແມ່ນເພື່ອລະນຶກເຖິງວັນສຳຄັນດັ່ງກ່າວ ຊຶ່ງເປັນວັນແຫ່ງ ໄຊຊະນະ ຂອງ ກຳມະກອນ ແລະ ຊາວຜູ້ອອກແຮງງານ ໃນການຕໍ່ສູ້ກັບຊົນຊັ້ນນາຍທືນ ສະນັ້ນຈຶ່ງຮຽກຮ້ອງມາຍັງການຈັດຕັ້ງ ພັກ - ລັດ ອົງການຈັດຕັ້ງກໍາມະບານ ແຕ່ລະຂັ້ນ, ຫົວໜ່ວຍແຮງງານ ແລະ ສັງຄົມ ຈົ່ງເພີ່ມທະວີ ຄວາມຮັບຜິດຊອບຂອງຕົນຕໍ່ກັບການສຶກສາອົບຮົມ ຊ່ວຍເຫຼືອ, ກໍ່ສ້າງ ແລະ ພັດທະນາຊົນຊັ້ນກຳມະກອນລາວ ໃຫ້ເຕີບໃຫຍ່ເຂັ້ມແຂງ ທາງດ້ານຈຳນວນ ແລະ ຄຸນນະພາບ ຄູ່ກັບຄວາມຮຽກຮ້ອງ ຕ້ອງການ ໃນການເຊື່ອມໂຍງສາກົນໄລຍະໃໝ່ ແລະ ພ້ອມກັນຍົກສູງຄຸນຄ່າແຮງງານ ຂອງ ກຳມະກອນ ໃຫ້ສູງຂື້ນຢ່າງຕໍ່ເນື່ອງ ເພາະກຳມະກອນ ແລະ ຊາວຜູ້ອອກແຮງງານ ຄືກະດູກສັນຫຼັງຂອງຊາດ.