5/4/2018 9:29:18 AM | ກ່ຽວກັບ ລາວ ໂທລະຄົມ

ບໍລິສັດລັດ ວິສະຫະກິດ ລາວ ໂທລະຄົມ ຮັບຟັງປາຖະກະຖາກ່ຽວກັບ ມູນເຊື້ອວັນກຳມະກອນສາກົນ ຄົບຮອບ 132 ປີ

ໃນຕອນເຊົ້າ ວັນທີ 27 ເມສາ 2018 ໄດ້ມີການຈັດພິທີຮັບຟັງ, ການປາຖະກະຖາກ່ຽວກັບມູນເຊື້ອວັນກຳມະ ກອນສາກົນ ຄົບຮອບ 132 ປີ ແລະ ການເຕີບໃຫຍ່ຂະຫຍາຍຕົວ ຂອງ ອົງກອນກຳມະບານລາວ ( 1/5/1886 – 1/5/2018 ) ບໍລິສັດລັດ ວິສະຫະກິດ ລາວ ໂທລະຄົມ ໄດ້ຈັດຕັ້ງການປາຖະກະຖາ ວັນສໍາຄັນ ດັ່ງກ່າວ ຂື້ນ ທີ່ ຫ້ອງປະຊຸມ 403 A ສໍານັກງານໃຫຍ່ ບໍລິສັດລັດ ວິສະຫະກິດ ລາວ ໂທລະຄົມ (ສາຍລົມ) ໂດຍ: ໃຫ້ກຽດປາຖະ ກະ ຖາ ຂອງ ທ່ານ ສີມູນ ອຸ່ນລາສີ ຮອງເລຂາຄະນະພັກ ຮອງປະທານສູນກາງກຳມະບານລາວ ແລະ ເປັນກຽດເຂົ້າ ຮ່ວມມີ ທ່ານ ຖາວອນ ສົມສະກຸນ ເລຂາຄະນະພັກ, ຜູ້ອໍານວຍການໃຫຍ່ ບໍລິສັດລັດ ວິສະຫະກິດ ລາວ ໂທລະຄົມ , ທ່ານ ສຸພົນ ຈັນທະວີໄຊ ຄະນະພັກ, ປະທານສະຫະພັນກຳມະບານຮາກຖານ, ຮອງຜູ້ອໍານວຍການໃຫຍ່ ບໍລິສັດລັດ ວິສະຫະກິດ ລາວ ໂທລະຄົມ ພ້ອມຄະນະ , 3 ອົງການຈັດຕັ້ງ , ຜູ້ບໍລິຫານ, ພະນັກງານ ແລະ ສະມາຊິກ ກຳມະບານ ເຂົ້າຮ່ວມ ຮັບ ຟັງທັງໝົດ 186 ສະຫາຍ, ຍິງ 83 ສະຫາຍ

ຈຸດປະສົງໃນການຮັບຟັງປະຖະກະຖາ ເລົ່າມູນເຊື້ອວັນກຳມະກອນສາກົນ, ພ້ອມທັງຍົກໃຫ້ເຫັນຜົນງານການເຄື່ອນໄຫວຂອງກຳມະ ກອນລາວໃນພາລະກິດປະຕິວັດຕໍ່ສູ້ປົດປ່ອຍຊາດ ກໍ່ຄືການປົກປັກຮັກສາ ພັດທະນາປະເທດຊາດ ແລະ ສ້າງຂະບວນການຕ່າງໆ ໃຫ້ຟົດຟື້ນ ທັງລະດົມໃຫ້ສະມາຊິກກຳມະບານ, ກຳມະກອນຊາວຜູ້ອອກແຮງງານ ມີຄວາມເບີກບານມ່ວນຊື່ນທັງເປັນການ ຍົກລະດັບຄວາມຮູ້ຄວາມເຂົ້າໃຈຕໍ່ວຽກງານກຳມະບານ ແລະ ເສີມຂະຫຍາຍສິດປະຊາ ທິປະໄຕເພີ່ມທະວີຄວາມສາມັກຄີໃນຖັນແຖວກຳມະກອນ, ຊາວຜູ້ອອກແຮງງານບັນດາເຜົ່າໃຫ້ເປັນປຶກແຜ່ນແໜ້ນໜາ, ເປັນກຳລັງແຮງໃນການຈັດຕັ້ງປະຕິບັດແນວທາງຂອງພັກ ສຶບຕໍ່ເຮັດຫຼ້ອນໜ້າທີ່ ທີ່ພັກລັດວາງອອກໃຫ້ປະກົດຜົນເປັນຈິງ

ດັ່ງນັ້ນອົງການກຳມະບານແຕ່ລະຂັ້ນໄດ້ເອົາໃຈໃສ່ສຶກສາອົບຮົມການເມືອງແນວຄິດໃຫ້ກຳມະກອນໃນການ ສຶບ ຕໍ່ຂະຫຍາຍທາດແທ້ ລັກສະນະດີເລີດ ຂອງ ຊົນຊັ້ນກຳມະກອນ ແລະ ມູນເຊື້ອປະຕິວັດອັນດີງາມ ຂອງ ຊາດ ປະຕິບັດ ສິດ ແລະ ພັນທະເຂົ້າໃນພາລະກິດ ປະຕິ ວັດໃນໄລຍະໃຫມ່ຢ່າງຖຶກຕ້ອງ ໂດຍ ບໍລິສັດລັດ ວິສະຫະກິດ ລາວ ໂທລະຄົມ ກໍ່ໄດ້ມີ ກົງຈັກ ການຈັດ ຕັ້ງ ສະຫະພັນກຳມະບານ ໂດຍ ມີຄະນະບໍລິຫານງານ 9 ສະຫາຍ, ຍິງ 1 ສະຫາຍ , ຫນ່ວຍ 9 ໜ່ວຍ ແບ່ງຕາມ ຂົງເຂດວຽກງານວິຊາສະເພາະ ໂດຍມີ ສະມາຊິກ 1298 ສະຫາຍ , ຍິງ 543 ສະຫາຍ ໃນ ປີ 2018 ຂະຫຍາຍ ສະມາຊິກ ໄດ້ 89 ສະຫາຍ ຍິງ 23 ສະຫາຍ ແລະ ຜົນງານການເຄື່ອນໄຫວ ແມ່ນ ໄດ້ເປີດຂະບວນການ ແຂ່ງຂັນ 5 ເປັນເຈົ້າ, ໄດ້ຮັບຟັງການ ເຜີຍແພ່ ມະຕິຂອງກົມການເມືອງສູນກາງ ພັກ, ຮ່ວມໃຈບໍລິຈາກເລືອດ 111 ຄົນ ເພື່ອຕ້ອນຮັບ ວັນ ສ້າງຕັ້ງກຳມະ ບານລາວ ວັນທີ 1 ກຸມພາ 2018 ທີ່ຜ່ານມາ, ຈັດຕັ້ງການແຂ່ງຂັນກິລາ ເພື່ອ ສ້າງ ຄວາມ ສາມັກຄີ ແລະ ມ່ວນຊື່ນ ແລະ ໄດ້ຈັດຕັ້ງກອງ ທຶນ ສະຫະກອນສິນເຊື່ອເງິນຝາກປະຫຍັດ ລາວ ໂທລະຄົມ ໂດຍມີທຶນຈົດທະບຽນເບື້ອງຕົ້ນ 498,893 050 ກີບ ມີສະມາຊິກ 933 ທ່ານ ມີຊັບສິນໝູນວຽນ 2,226,898,603 ກີບ ຈຸດປະສົງແມ່ນເພື່ອແກ້ໄຂຊີວິດການເປັນຢູ່ໃຫ້ດີຂື້ນ ແລະ ເພື່ອຕັ້ງໜ້າປະຕິບັດ ໜ້າທີ່ວຽກງານ ຂອງ ລາວ ໂທລະຄົມ ຢ່າງມີປະສິດທິພາບ.