4/24/2018 6:10:00 PM | ກ່ຽວກັບ ລາວ ໂທລະຄົມ

ລາວ ໂທລະຄົມ ແຈກອີກແລ້ວ ລົດຈັກ HONDA WAVE 100 ຈຳນວນ 01 ຄັນ

ໃນວັນທີ 19 ມີນາ 2018 ທີ່ຜ່ານມາ ລາວ ໂທລະຄົມ ໄດ້ຈັດພິທີມອບລົດຈັກ HONDA WAVE 100 ຈຳນວນ 01 ຄັນ, ໃຫ້ແກ່ທ່ານລູກຄ້າຜູ້ໂຊກດີ ເຊິ່ງເປັນລາງວັນ ໃນໂຄງການຂູດບັດລຸ້ນໂຊກພາກ 2 ຂອງ ລາວ ໂທລະຄົມ ຈາກການທີ່ ລູກຄ້າ ຊົມໃຊ້ເບີໂທລະສັບມືຖື ຂອງ ລາວ ໂທລະຄົມ, ເຊິ່ງຈັດຂຶ້ນຢູ່ທີ່ ສູນບໍລິການລູກຄ້າ ລາວ ໂທລະຄົມສາຂາແຂວງຈຳປາສັກ ໃຫ້ກຽດມອບໃນຄັ້ງນີ້ແມ່ນ: ທ່ານ ນາງ ຄຳຫຼ້າ ອຸດົມສັກ ຮອງຫົວໜ້າຝ່າຍ ສະໜັບສະໜູນ ສາຂາແຂວງພາກໃຕ້ ລາວ ໂທລະຄົມ ຮັບໂດຍລູກຄ້າຜູ້ໂຊກດີ ຊື່ ທ່ານ ນະລົງສັກ ຫຼວງກິ່ງ ຢູ່ບ້ານ ສະພານໄຊ , ເມືອງ ປາກເຊ, ແຂວງ ຈຳປາສັກ ເຊິ່ງເປັນເຈົ້າຂອງໜາຍເລກ ໂທລະສັບນໍ້າເບີ: 020 56433777 ໄດ້ຮັບລາງວັນຈາກການຂູດບັດ ຕື່ມເງິນ ມູນຄ່າ: 50,000 ກີບ.

ໃນນັ້ນຍັງມີພະນັກງານ ລລທ ແລະ ບັນດາລູກຄ້າທີ່ເຂົ້າມາໃຊ້ບໍລິການທີ່ ສູນບໍລິການລູກຄ້າ ລລທ ສາຂາແຂວງ ຈຳປາສັກ ຮ່ວມເປັນສັກຂີພະຍານອີກດ້ວຍ. ຢ່າລືມຢ່າພາດ ຖ້າທ່ານຢາກເປັນຜູ້ໂຊກດີ ທີ່ໄດ້ຮັບລາງວັນຈາກທາງ ລາວ ໂທລະຄົມ ຕ້ອງນໍາໃຊ້ເບີ ຂອງ ລາວ ໂທລະຄົມ ເທົ່ານັ້ນ. ດັ່ງຄໍາຂວັນທີ່ວ່າ: ລາວ ໂທລະຄົມ ໂທລະຄົມ ຂອງຄົນລາວ ເພື່ອສັງຄົມລາວ.