2/14/2020 3:08:25 PM | ກ່ຽວກັບ ລາວ ໂທລະຄົມ

ການແຂ່ງຂັນກິລາ ຕ້ອນຮັບກອງປະຊຸມ ລລທ ປະຈໍາປີ 2019

ໃນຕອນແລງວັນທີ່ 9 ກຸມພາ 2020 ຜ່ານມາຢູ່ທີ່ ສະໜາມກິລາບານເຕະ ເຟີລາລີ ນະຄອນຫລວງວຽງຈັນ ໄດ້ມີພິທີເປີດການແຂ່ງຂັນກິລາ ບານເຕະ ແລະ ກິລາ ເປຕັງ ຂອງ ບໍລິສັດ ລາວ ໂທລະຄົມມະນາຄົມ ມະຫາຊົນ ຂື້ນ ໃຫ້ກຽດເຂົ້າຮ່ວມໃນພິທີມີ ທ່ານ ສຸພົນ ຈັນທະວີໄຊ ຜູ້ອໍານວຍການໃຫຍ່, ມີຄະນະຜູ້ບໍລິຫານ, ຄະນະນັກກິລາ ຈາກ ລລທ ສູນກາງ ແລະ ສາຂາແຂວງທົ່ວປະເທດເຂົ້າຮ່ວມ.

ໃນພິທີ ທ່ານ ລັດຖະປັນຍາ ຂຽວວົງພະຈັນ ຮອງຜູ້ອໍານວຍການໃຫຍ່ ໄດ້ຂື້ນກ່າວເປີດພິທີ ເຊິ່ງຈຸດປະສົງແມ່ນເພື່ອເປັນການສ້າງຂະບວນການຂໍ່ານັບຮັບຕ້ອນກອງປະຊຸມປະຈໍາປີ 2019 ເຊິ່ງຈະໄຂຂື້ນໃນລະຫວ່າງວັນທີ 10-11 ກຸມພາ 2020 ນີ້. ແລະ ເພື່ອເປັນການຮັດແໜ້ນສ້າງຄວາມສາມັກຄີຮັກແພງ, ມິດຕະພາບ ລະຫວ່າງຜູ້ບໍລິຫານ, ພະນັກງານ, ນັກກິລາຈາກສູນກາງ ແລະ ສາຂາແຂວງ. ການແຂ່ງຂັນກິລາບານເຕະໄດ້ແບ່ງອອກເປັນ 4 ທີມຄື: ທີມຜູ້ບໍລິຫານສູນກາງ, ທີມຝ່າຍນະຄອນຫຼວງ, ທີມຝ່າຍສະໜັບສະໜູນພາກເໜືອ 1+2, ທີມຝ່າຍສະໜັບສະໜູນພາກກາງ+ໃຕ້ ກະຕິກາແຂ່ງຂັນແບບນ໋ອກເອົ້າ. ການແຂ່ງຂັນດໍາເນີນໄປດ້ວຍບັນຍາກາດອັນອົບອຸ່ນ, ຄຶກຄື້ນມ່ວນຊື່ນທັງເກມການແຂ່ງຂັນໃນສະໜາມ ແລະ ກອງເຊຍຂອບສະໜາມ. ຜົນການແຂ່ງຂັນຮອບຊີງຊະນະເລີດປະກົດວ່າ ທີມຜູ້ບໍລິຫານສູນກາງ ຊະນະ ທີມຝ່າຍສະໜັບສະໜູນພາກເໜືອ 1+2 ດ້ວຍຄະແນນ 8 : 2 ປະຕູ. ສໍາລັບຜົນການແຂ່ງຂັນກິລາເປຕັງແມ່ນ: ທີມຜູ້ບໍລິຫານສູນກາງ ເອົາຊະນະ ທີມປະສົມ ລລທ ສາຂາແຂວງ.