1/3/2020 11:27:49 AM | ກ່ຽວກັບ ລາວ ໂທລະຄົມ

ລາວ ໂທລະຄົມ ເຂົ້າຮ່ວມພິທີເປີດ ບໍລິສັດຂໍ້ມູນຂ່າວສານສິນເຊື່ອແຫ່ງ ສປປ ລາວ

ໃນວັນທີ 17 ທັນວາ 2019 ຢູ່ທີ່ ໂຮງແຮມດອນຈັນພາເລດ ນະຄອນຫຼວງວຽງຈັນ ໄດ້ມີພີທີ ເປີດບໍລິສັດຂໍ້ມູນຂ່າວ ສານ ສິນເຊື່ອແຫ່ງ ສປປ ລາວ ຂື້້ນ ໂດຍການໃຫ້ກຽດເຂົ້າຮ່ວມຂອງ ທ່ານ ສອນໄຊ ສິດພະໄຊ ຜູ້ວ່າການ ທະນາຄານແຫ່ງ ສປປ ລາວ (ທຫລ); ມີບັນດາພະນັກງານຂັ້ນນຳຈາກ ທຫລ-ກະຊວງ/ອົງການທຽບເທົ່າ, ບັນດາຄະນະອໍານວຍການທະນາຄານທຸລະກິດ-ສະຖາບັນການເງິນ, 5 ບໍລິສັດທີ່ໃຫ້ບໍລິການດ້ານສາທາລະນຸປະໂພກເຊັ່ນ: ລັດວິສາຫະກິດໄຟຟ້າລາວ, ລັດວິສາຫະກິດ ນໍ້າປະປາ ນະຄອນຫຼວງ, ບໍລິສັດ ລາວ ໂທລະຄົມມະນາຄົມ ມະຫາຊົນ, ບໍລິສັດ ອີທີແອວ ຈໍາກັດ, ບໍລິສັດ ສະຕາໂທລະຄົມ ແລະພະນັກງານທີ່ກ່ຽວຂ້ອງ ເຂົ້າຮ່ວມ. ໃນວາລະຂອງພິທີຍັງໄດ້ມີການເຊັນບົດບັນທຶກຄວາມເຂົ້າໃຈ ເພື່ອແລກປ່ຽນຂໍ້ມູນຂ່າວສານສາທາລະນຸປະໂພກລະຫວ່າງ ທ່ານຜູ້ອໍານວຍການ ບໍລິສັດຂໍ້ມູນຂ່າວສານສິນເຊື່ອ ກັບບັນດາຄະນະ ອໍານວຍການຈາກ 5 ບໍລິສັດທີ່ໃຫ້ບໍລິການດ້ານສາທາລະນຸປະໂພກ ດັ່ງກ່າວອີກດ້ວຍ.

ຝ່າຍ ລາວ ໂທລະຄົມ ທີ່ຮ່ວມເຊັນບົດບັນທຶກໃນຄັ້ງນີ້ໂດຍແມ່ນ ທ່ານ ສຸພົນ ຈັນທະວີໄຊ ຜູ້ອໍານວຍການໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ ພ້ອມດ້ວຍຄະນະຜູ້ບໍລິຫານຂອງ ລາວ ໂທລະຄົມ ກໍໄດ້ເຂົ້າຮ່ວມໃນຄັ້ງນີ້ດ້ວຍ.