1/3/2020 10:29:10 AM | ກ່ຽວກັບ ລາວ ໂທລະຄົມ

ພິທີມອບໃບກຽດຕິຄຸນໃຫ້ ຜູ້ບໍລິຫານ ທີ່ ກະສຽນອາຍຸ ແລະ ອອກສ້າງເສດຖະກິດຄອບຄົວ

ໃນຕອນບ່າຍ ຂອງວັນທີ 23 ທັນວາ 2019 ທີຜ່ານມາ ຢູ່ທີ່ ຫ້ອງ Learning Center ໄດ້ມີພິທີມອບໃບກຽດຕິຄຸນໃຫ້ ຜູ້ບໍລິຫານທີ່ກະສຽນອາຍຸເພື່ອອອກສ້າງເສດຖະກິດຄອບຄົວຂື້ນ ເຊິ່ງໃຫ້ກຽດເປັນປະທານໃນພິທີໂດຍ ທ່ານ ສຸພົນ ຈັນທະວີໄຊ ຜູ້ອຳນວຍການ ໃຫຍ່ ລລທ ພ້ອມດ້ວຍ ຄະນະອຳນວຍການ ແລະ ຄະນະພະແນກການ ທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ .

ຈຸດປະສົງພິທີ ໃນຄັ້ງນີ້ ແມ່ນເພື່ອເປັນການ ສະແດງຄວາມຮູ້ບຸນຄຸນ ແລະ ລະລຶກ ເຖິງຜົນງານ, ຄຸນງາມ ຄວາມດີ ຂອງ ຄະນະຜູ້ບໍລິຫານດັ່ງກ່າວ ທີ່ໄດ້ປະກອບສ່ວນໃນການພັດທະນາ ແລະ ສ້າງສາ ລລທ ແຕ່ອາດີດຈົນເຖິງປະຈຸບັນ ລລທ ຈະນຳ ເອົາແນວທາງ ໃນການ ປະຕິບັດ ຂອງ ພວກທ່ານໄວ້ເປັນແບບ ຢ່າງທີ່ດີຕະຫລອດໄປ.

ໂດຍຜູ້ບໍລິຫານ ທີ່ ກະສຽນອາຍຸອອກສ້າງເສດຖະກິດຄອບຄົວໃນຄັ້ງນີ້ມີ 5 ທ່ານ ຄື: 1. ທ່ານ ຄອນສະຫວັນ ທຳມະສອນ ຫົວໜ້າຄະນະກວດສອບພາຍໃນ 2. ທ່ານ ບຸນນະລິດ ອິນສີຊຽງໃໝ່ ຫົວໜ້າຝ່າຍສະໜັບສະໜູນພາກກາງ 3. ທ່ານ ຂັນທະວອນ ວົງໄຊ ຮອງຫົວໜ້າຝ່າຍບຸກຄະລາກອນ 4. ທ່ານ ບົວຄຳ ພິມມະສານ ຫົວໜ້າພະແນກມືຖື 5. ທ່ານ ນາງ ວົງມະນີ ວໍລະສິງ ຮອງຫົວໜ້າສູນ ພະແນກຕັ້ງໂຕະ ແລະ ອິນເຕີເນັດ