1/2/2020 4:44:11 PM | ກ່ຽວກັບ ລາວ ໂທລະຄົມ

ລາວ ໂທລະຄົມ ເຂົ້າອວຍພອນ ການນຳພັກ-ລັດ, ກະຊວງ ແລະ ບັນດາ ກົມກອງຕ່າງໆ

ໃນລະຫວ່າງ ເດືອນ 12 / 2019 ທີ່ ຜ່ານມາ ທ່ານ ສຸພົນ ຈັນທະວີໄຊ ຜູ້ອໍານວຍການໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ ( ລລທ ) ພ້ອມດ້ວຍຄະນະ ແລະ ຕາງໜ້າ 3 ອົງ ການຈັດຕັ້ງມະຫາຊົນ ຂອງ ລລທ ໄດ້ເຂົ້າອວຍພອນ ການນຳພັກ-ລັດ, ບັນດາກະຊວງ ແລະ ບັນດາ ກົມກອງຕ່າງໆ ເນື່ອງໃນໂອກາດສົ່ງທ້າຍປີເກົ່າ 2019 ແລະ ຕ້ອນຮັບປີໃໝ່ 2020 ເພື່ອເປັນການສະແດງຄວາມຄົບລົບນັບຖືຢ່າງສູງ, ຄວາມຮູ້ບຸນຄຸນ, ຄວາມຮັກແພງສາມັກຄີ ພ້ອມຄຳອວຍພອນ ອັນປະເສີດ ໃນນາມຄະນະພັກ, ຄະນະອຳນວຍການໃຫຍ່ ແລະ ພະນັກງານ ລາວ ໂທລະຄົມ ທັງໝົດ, ຂໍອວຍພອນໄຊແດ່ ການນໍາພັກ-ລັດ, ບັນດາກະຊວງ ແລະ ບັນດາ ກົມກອງຕ່າງໆໃຫ້ມີສຸຂະພາບພາລະນາໄມ ທີ່ ສົມບູນ ປະສົບຜົນສຳເລັດ ໃນໜ້າທີ່ວຽກງານອັນມີກຽດ ແລະ ສູງສົ່ງ ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ ສືບຕໍ່ນໍາພາ-ຊີ້ນຳ ປະເທດຊາດ ຂອງ ພວກເຮົາເພື່ອຍາດໄດ້ຜົນສໍາເລັດອັນໃໝ່ທີ່ໃຫຍ່ຫຼວງກວ່າເກົ່າ ແລະ ສືບຕໍ່ນໍາພາ-ຊີ້ນຳ ລາວ ໂທລະຄົມ ໃນການດຳເນີນ ທຸລະກິດ ໃນປີ 2020 ໃຫ້ບັນລຸ ຕາມແຜນການທີ່ວາງໄວ້.