12/3/2019 4:59:18 PM | ກ່ຽວກັບ ລາວ ໂທລະຄົມ

ການແຂ່ງຂັນກິລາເປຕັງມິດຕະພາບລະຫວ່າງ ລາວ ໂທລະຄົມ ຮ່ວມກັບ ຊົມລົມເປຕັງລັດວິສາຫະກິດ ( ຣາຊະອານາຈັກໄທ)

ໃນ ວັນທີ 24 /11/ 2019 ຜ່ານມາ ທີ່ ເດີ່ນສະຫະພັນກິລາເປຕັງແຫ່ງຊາດລາວ ໄດ້ມີການຈັດການແຂ່ງຂັນກິລາມິດຕະພາບ ລະຫວ່າງ ບໍລິສັດ ລາວ ໂທລະຄົມມະນາ ຄົມ ມະຫາຊົນ ແລະ ຊົມລົມເປຕັງ ລັດວິສາຫະກິດ ( ຣາຊະອານາຈັກໄທ )

ເຊິ່ງໃຫ້ກຽດເປັນປະທານເປີດໂດຍ: ທ່ານ ຖາວອນ ສົມສະກຸນ ຜູ້ອຳນວຍການໃຫຍ່ ບໍລິສັດ ລາວ ໂທລະຄົມ ມະນາຄົມ ມະຫາຊົນ ໂດຍມີ ທ່ານ ອະນຸຊາດ ປະກາວົງນະອາຍຸທະຍາ ປະທານຊົມລົມເປຕັງ ລັດວິສາຫະກິດ ( ຣາຊະອານາຈັກໄທ ) ພ້ອມດ້ວຍຄະນະຜູ້ບໍລິຫານ, ພະນັກງານ ແລະ ນັກກິລາ ທັງ 2 ອົງກອນເຂົ້າຮ່ວມ 180 ທ່ານ.

• ຜົນການແຂ່ງຂັນກິລາເປຕັງມິດຕະພາບໃນຄັ້ງນີ້ - ປະເພດ VIP = ທີມຊະນະເລີດ ໄດ້ແກ່ LTC - ປະເພດທົ່ວໄປ = ທີມຊະນະເລີດ ໄດ້ແກ່ LTC

ຫຼັງຈາກນັ້ນກໍ່ໄດ້ມີງານລ້ຽງຊົມເຊີຍ ສະຫລຸບຜົນການແຂ່ງຂັນ ແລະ ມອບຂັນລາງວັນ ໃຫ້ທີມນັກກິລາ ທີ່ສາມາດເອົາຊະນະການແຂ່ງຂັນ ເຮັດໃຫ້ສາມາດຄົ້ວແຊ້ມໃນຄັ້ງນີ້ ແລະ ໄດ້ຮັບຂັນລາງວັນມາຄອງ ເຊຶ່ງເຮັດໃຫ້ງານລ້ຽງສັງສັນໃນຄັ້ງນີ້ ເຕັມໄປດ້ວຍຄວາມເບີກບານມ່ວນຊື່ນສະໜິດສະໜົມກົມກຽວ ແລະ ເປັນກັນເອງ. ຈຸດປະສົງ ໃນການແຂ່ງຂັນກິລາເປຕັງມິດຕະພາບໃນຄັ້ງນີ້ ແມ່ນເພື່ອເປັນການເຊື່ອມສາຍສຳພັນຮັດແໜ້ນຄວາມສາມັກຄີ ຮັກແພງ ລະຫວ່າງ ສອງອົງກອນໃຫ້ນັບມື້ນັບດີ ຂື້ນເລື້ອຍໆ.