3/29/2017 12:00:00 AM | ກ່ຽວກັບ ລາວ ໂທລະຄົມ

ພິທີຖະແຫຼງຂ່າວ ການຮ່ວມມືທາງທຸລະກິດ ດ້ານການຕະຫຼາດ

ໃນຕອນບ່າຍຂອງວັນທີ: 29 ມີນາ 2017 ຢູ່ທີ່ ສໍານັກງານໃຫ່ຍ ລາວ ໂທລະຄົມ ນະຄອນຫຼວງວຽງຈັນ ໄດ້ມີພິທີຖະແຫຼງຂ່າວ ການຮ່ວມມືທາງທຸລະກິດ ດ້ານການຕະຫຼາດ ແລະ ເປີດຕົວໂຄງການ "ກິນເຂົ້ານໍາກັນເດີ” ລະຫວ່າງ ບໍລິສັດລັດ ວິສາຫະກິດ ລາວ ໂທລະຄົມມະນາຄົມ ແລະ ບໍລິສັດ ເຊັນທຣ້ານພັດທະນາ ຈໍາກັດ (ມະຫາຊົນ) ຫຼື CPN ຂື້ນ, ໂດຍການເຂົ້າຮ່ວມຂອງຜູ້ບໍລິຫານ ແລະ ພະນັກງານ ທີ່ກ່ຽວຂ້ອງຂອງທັງ 2 ບໍລິສັດ.  ຝ່າຍ ລາວ ໂທລະຄົມ ໃຫ້ກຽດຖະແຫຼງຂ່າວ ໂດຍ ທ່ານ ຈິດປະສົງ ໜູແກ້ວໄກສອນ ຮອງຜູ້ອໍານວຍການໃຫ່ຍ ບໍລິສັດລັດ ວິສາຫະກິດ ລາວ ໂທລະຄົມມະນາຄົມ  ແລະ ຝ່າຍ ບໍລິສັດ CPN ຖະແຫຼງຂ່າວໂດຍ ທ່ານ ກັນຕະພົນ ຜານິດລັດ ຜູ້ອໍານວຍການອາວຸໂສ ສາຍງານການຕະຫຼາດສາຂາ ແລະ ບໍລິຫານງານລູກຄ້າຝ່າຍການຕະຫຼາດ ບໍລິສັດ ເຊັນທຣ້ານພັດທະນາຈໍາກັດ (ມະຫາຊົນ) ຫຼື CPN ການຮ່ວມມືທາງທຸລະກິດ ດ້ານການຕະຫຼາດ ລະຫວ່າງສອງບໍລິສັດ ພາຍໃຕ້ຊື່ໂຄງການ "ກິນເຂົ້ານໍາກັນເດີ” ໃນຄັ້ງນີ້ມີຈຸດປະສົງຄື: 1. ເປັນການສ້າງປະສົບການໃໝ່ໃຫ້ກັບລູກຄ້າຂອງ ລາວ ໂທລະຄົມ ໂດຍສະເພາະແມ່ນລູກຄ້າທີ່ໃຊ້ເບີ M-Phone ແບບຕື່ມເງິນ ຫຼື ແບບລາຍເດືອນ ແລະ ມີການເປີດນໍາໃຊ້ ບໍລິການ ໂທຂ້າມແດນອັດຕະໂນມັດ ຫຼື (IR) ທຸກຄັ້ງທີ່ເດີນທາງຂ້າມໄປທ່ອງທ່ຽວ ຫຼື ຈັບຈ່າຍໃຊ້ສອຍຊື້ສິນຄ້າ ທີ່ຫ້າງຊັບພະສິນຄ້າ ເຊັນທຣ້ານ ພຣາຊ່າ ອຸດອນທານີ ພຽງກົດ ລະຫັດ USSD ຜ່ານໜ້າຈໍໂທລະສັບມືຖືຢູ່ທີ່ ຮ້ານຄ້າທີ່ເຂົ້າຮ່ວມໂຄງການຈະໄດ້ຮັບສິດທິພິເສດທັນທີ. ເຊິ່ງໂຄງການນີ້ ຈະໄດ້ເລີ່ມຕັ້ງແຕ່ ວັນທີ່ 29/03/2017 – 29/05/2017 ນີ້. 2. ສໍາລັບ ບໍລິສັດ ເຊັນທຣ້ານພັດທະນາຈໍາກັດ(ມະຫາຊົນ) ຫຼື CPN ແລ້ວແມ່ນມີຈຸດປະສົງເພື່ອດຶງດູດກຸ່ມນັກທ່ອງທ່ຽວຄຸນນະພາບທີ່ມີກໍາລັງການຊື້ສູງ ຈາກ ສປປ ລາວ ໃຫ້ເຂົ້າໄປຈັບຈ່າຍໃຊ້ສອຍຊື້ສິນຄ້າທີ່ ຫ້າງຊັບພະສິນຄ້າ ເຊັນທຣ້ານພຣາຊ່າ ອຸດອນທານີໃຫ້ຫຼາຍຂື້ນ. ແລະ ໄປໃຊ້ບໍລິການໃນຮ້ານຄ້າທີ່ເຂົ້າຮ່ວມໂຄງການຫຼາຍຂື້ນ. ລາຍລະອຽດຈໍານວນ ຮ້ານຄ້າທີ່ເຂົ້າຮ່ວມລາຍການ ແລະ ສິດທິພິເສດທີ່ລູກຄ້າ ລາວ ໂທລະຄົມ ຈະໄດ້ ຮັບມີດັ່ງນີ້: 1. ແຫຼມຈະເລີນ ຊີຟູດ ຮັບລ້າໆ ຈືນປາກະພົງນໍ້າປາ (ມີຈໍານວນຈໍາກັດ 600 ໂຕ) 2. Sukishi Chacoal Grill ຮັບລ້າໆ ເນື້ອປາເຊວມອນໝັກຊອດເກົາຫຼີ ແລະ ຊຸດກ້ຽວຊ່າ (ມີຈໍານວນຈໍາກັດ 500 ຊຸດ) 3. Sizzler ຮັບປະທານອາຫານຄົບ 800 ບາດ ຮັບລ້າໆບັດເງິນສົດມູນຄ່າ 100 ບາດ (ມີຈໍານວນຈໍາກັດ 1,000 ໃບ) 4. MK Restaurant ຮັບປະທານອາຫານຄົບ 1,000 ບາດ ແລກຊື້ Ice-cream Sunday (ຊື້ 1 ແຖມ 1) 5. Black Canyon ເມື່ອສັ່ງເມນູອາຫານເປັນຊຸດ ຮັບລ້າໆເຄື່ອງດື່ມ (ເລືອກຮັບ ນໍ້າອັນຊັນໝາກນາວ ຫຼື ຊາໝາກນາວ) 6. Gelate ເມື່ອສັ່ງ Ice-cream ອັນທີ່ 2 ຮັບສ່ວນຫຼຸດ 10% ແລະ ຮັບສ່ວນຫຼຸດ 30% ສໍາລັບອັນທີ່ 3 ແລະ ເມື່ອຊື້ 5 ອັນຈ່າຍພຽງ 200 ບາດຈາກລາຄາປົກກະຕິ 275 ບາດ 7. Auntie Anne's ເມື່ອຊື້ຊຸບເປີ ເພດສເຊັດປັອບ ຮັບລ້າໆຄາດສິກເພດສເຊິນ 1 ອັນ 8. Sweet Garden ຮັບສ່ວນຫຼຸດ 10% ສໍາລັບລາຍການ ບິງຊູ 9. Bumble Bee ຮັບສ່ວນຫຼຸດ 10% ສໍາລັບເມນູ ເບເກີລີ ແລະ ເຄື່ອງດື່ມ 10. Wawacha ຮັບລ້າໆ ລູບີ້ກຣີນທີ ເມື່ອຊື້ເຄື່ອງດື່ມຊະນິດໃດກໍ່ໄດ້ຈໍານວນ 2 ຈອກຂື້ນໄປ 11. ຮ້ານອາຫານໃນໂຮງແຮມ ເຊັນທາຣາ ຮັບລ້າໆ ບັດສ່ວນຫຼຸດ 50% ເປັດປັກກິ່ງ ທີ່ຮ້ານຫຼົງຟ້າ ຮັບລ້າໆ ບັດສ່ວນຫຼຸດ 20% ອາຫານຈານປົກກະຕິທີ່ຮ້ານ ບ້ານຊຽນ * ສິດທິພິເສດສໍາລັບລູກຄ້າ ລາວ ໂທລະຄົມ 1 ສິດທິພິເສດ/1 ໃບບິນ/1 ມື້/1 ເບີ(ຍົກເວັ້ນການຕັດຄະແນນສໍາລັບຄັ້ງນີ້)