3/9/2017 12:00:00 AM | ກ່ຽວກັບ ລາວ ໂທລະຄົມ

ກອງປະຊຸມໃຫຍ່ ສະຫະພັນກຳມະບານຮາກຖານ ລລທ ຄັ້ງທີ 1 ໃຫ້ປະສົບຜົນສໍາເລັດຢ່າງຈົບງາມ ແລະ ພິທີເປີດຂະບວນການແຂ່ງຂັນ 5 ເຈົ້າ

ສະຫະພັນກຳມະບານຮາກຖານ ລາວ ໂທລະຄົມ ໄດ້ຈັດກອງປະຊຸມສະຫຼຸບການເຄື່ອນໄຫວວຽກງານ ປະຈຳປີ 2016 ແລະ ທິດທາງໃນປີຕໍ່ຫນ້າ 2017 ຂື້ນໃນວັນທີ 3 ກຸມພາ 2017 ທີ່ຜ່ານມາ ທີ່ ຫ້ອງປະຊຸມ ໃຫຍ່ ຕຶກ 9 ຊັ້ນ ລລທ ສາຍລົມ ນະຄອນ ຫຼວງວຽງຈັນ ໂດຍໃຫ້ກຽດເຂົ້າຮ່ວມໃນຄັ້ງນີ້ ມີ ທ່ານ ຄຳພູ ດວງຖະໜອມ ປະທານສະຫະພັນກຳມະບານ ກະຊວງໄປສະນີ ໂທລະຄົມ ມະນາຄົມ-ການສື່ສານ ແລະ ມີພາກສ່ວນທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ. ທ່ານ ສາຄອນ ພູນແສນອ້ວນ ຮອງປະທານສະຫະພັນກຳມະບານຮາກຖານ ລລທ ໄດ້ຂື້ນຜ່ານບົດສະຫລຸບການເຄື່ອນໄຫວ ວຽກງານ ກຳມະບານຮາກຖານ ລລທ ໃນປີ 2016 ແລະ ແຜນການດຳເນີນວຽກງານໃນປີ 2017 ສ່ວນວຽກງານທີ່ພົ້ນເດັ່ນຂອງສະຫະພັນ ກຳມະ ບານ ລາວ ໂທລະຄົມ ແມ່ນໄດ້ເຕົ້າໂຮມຄວາມສາມັກຄີ ຖືວຽກງານວິຊາສະເພາະເປັນຂອດຕັດສິນເພື່ອເປັນພື້ນຖານໃຫ້ ພະນັກງານໄດ້ຮັບ ຮູ້ເຊື່ອມຊືມເຂົ້າໃຈ ແລະ ກຳແໜ້ນແນວທາງນະໂຍບາຍຂອງພັກ ແຜນພັດທະນາເສດຖະກິດ-ສັງຄົມກົດໝາຍຂອງລັດ ໄດ້ຝຶກອົບຮົມໃຫ້ ສະມາຊິກຢູ່ພາຍໃນປະເທດ ແລະ ຢູ່ຕ່າງປະເທດ, ໄດ້ເອົາໃຈໃສ່ປະຕິບັດຕາມໂຕເລກຄາດໝາຍແຜນການຂອງບໍລິສັດວາງອອກໄດ້ເປັນຢ່າງດີ ຜ່ານການເຄື່ອນໄຫວວຽກງານ ແລະ ເຂົ້າຮ່ວມຂະບວນການຕ່າງໆສະມາຊິກກຳບານໄດ້ຮັບການຍ້ອງຍໍຂັ້ນສູນກາງ ແລະ ຂັ້ນກະຊວງ, ພິເສດແມ່ນໄດ້ສ້າງກອງທືນຊ່ວຍເຫຼືອຊື່ງກັນ ແລະ ກັນ ລວມຍອດເງິນກຳມະບານທັງໝົດ 115,265,105 ກີບ ພາຍຫຼັງໄດ້ຟັງບົດລາຍງານປີ 2016 ແລະ ທິດທາງປີ 2017 ແລ້ວ ຫົວໜ້າໜ່ວຍກໍາມະບານ ແຕ່ລະໜ່ວຍໄດ້ຂື້ນຈັບມືຮັບເພື່ອເປີດຂະບວນການຂໍ້ແຂ່ງຂັນ 5 ເປັນເຈົ້າ.