3/9/2017 12:00:00 AM | ກ່ຽວກັບ ລາວ ໂທລະຄົມ

ລາວ ໂທລະຄົມ ຈັດງານລ້ຽງສະເຫລີມສະຫລອງ ວັນແມ່ຍິງ ສາກົນ 8 ມີນາ 2017

ໃນວັນທີ 7 ມີນາ 2017 ທີ່ຜ່ານມາ ທີ່ ໂຮງແຮມເຟືອງຟ້າ ປະຕູຄຳ ໄດ້ມີພິທີ ຈັດງານລ້ຽງສະເຫລີມສະຫຼອງ ວັນແມ່ຍິງສາກົນ ຄົບ ຮອບ 107 ປີ ( 8 ມີນາ 1910 ຫາ 8 ມີນາ 2017 ) ເປັນກຽດກ່າວເປີດງານໂດຍ ທ່ານ ນາງ ວິໄລຈິດ ອິນລາວົງສາ ປະທານສະຫະພັນແມ່ຍິງຮາກຖານ ລາວ ໂທລະຄົມ ຫົວໜ້າພະແນກການເງິນ, ແລະ ເປັນກຽດເຂົ້າຮ່ວມຂອງ ທ່ານ ຖາວອນ ສົມສະກຸນ ຮອງຜູ້ອໍານວຍການໃຫຍ່ ລາວ ໂທລະຄົມ ພ້ອມດ້ວຍຄະນະ, ຫົວໜ້າຝ່າຍ, ຄະນະພະແນກ, 3 ອົງການຈັດຕັ້ງມະຫາຊົນພ້ອມດ້ວຍເອື້ອຍນ້ອງແມ່ຍິງ ລາວ ໂທລະຄົມ ສູນກາງເຂົ້າຮ່ວມ ຢ່າງພ້ອມພຽງ. ຈຸດປະສົງ ໃນການຈັດງານລ້ຽງໃນຄັ້ງນີ້ແມ່ນເພື່ອສະເຫລີມສະຫຼອງ ວັນແມ່ຍິງສາກົນ, ສ້າງຄວາມຟົດຟື້ນ ແລະ ເບີກບານມ່ວນຊື່ນ ພ້ອມນັ້ນຍັງເປັນການຮັດແໜ້ນ ຄວາມສາມັກຄີລະຫວ່າງອ້າຍນ້ອງພະນັກ ງານ ລັດຖະກອນພາຍໃນ ລາວ ໂທລະຄົມ ເວົ້າລວມ , ເວົ້າສະເພາະ ແມ່ນເອື້ອຍນ້ອງ ແມ່ຍິງໃຫ້ ມີຄວາມແໜ້ນແຟ້ນຍິ່ງຂື້ນ.