1/5/2019 8:39:26 PM | ກ່ຽວກັບ ລາວ ໂທລະຄົມ

ລາວ ໂທລະຄົມ ຮ່ວມກັບ ບໍລິສັດ CAT TELECOM ຈໍາກັດ ແຫ່ງປະເທດໄທ ຈັດການແຂ່ງຂັນ ກິລາມິດຕະພາບ ຄັ້ງທີ X ທີ່ ເດີນກິລາໃນຮົ່ມ ວິກຕໍຣີ ນະຄອນຫຼວງວຽງຈັນ ໃນວັນທີ 22-23 ທັນວາ 2018

ໃນລະຫວ່າງ ວັນທີ 22-23 ທັນວາ 2018 ທີ່ ເດີນກິລາໃນຮົ່ມ ວິກຕໍຣີ ນະຄອນຫຼວງວຽງຈັນໄດ້ມີການຈັດການແຂ່ງຂັນກິລາມິດຕະພາບ ຄັ້ງທີ X ລະຫວ່າງ ລາວ ໂທລະຄົມ ແລະ ບໍລິສັດ CAT TELECOM ຈໍາກັດ ແຫ່ງປະເທດໄທ ເພື່ອເປັນການ ເຊື່ອມຕໍ່ສາຍສໍາພັນອັນດີງາມ ທີ່ມີຕໍ່ກັນມາ ໃຫ້ແໜ້ນແຟ້ນເຊິ່ງກິລາດັ່ງກ່າວນີ້ ເປັນກິລາປະເພນີ ຮ່ວມກັນ ລະຫວ່າງ ສອງອົງກອນທີ່ເຄີຍຜັດປ່ຽນກັນເປັນເຈົ້າພາບ ເຊິ່ງໃນຄັ້ງນີ້ແມ່ນ ຄັ້ງທີ X ໂດຍແມ່ນ ບໍລິສັດລັດ ວິສາຫະກິດ ລາວໂທລະຄົມມະນາຄົມ

ໃຫ້ກຽດເປັນປະທານໃນພິທີເປີດການແຂ່ງຂັນ ໂດຍ ທ່ານ ຖາວອນ ສົມສະກຸນ ຜູ້ອຳນວຍການໃຫຍ່ ລາວ ໂທລະຄົມ ແລະ ທ່ານ ພັດທະນາ ນະສົງຂາ ຮອງກຳມະການຜູຈັດການບໍລິສັດ CAT TELECOM ເປັນກຽດເຂົ້າຮ່ວມມີ: ຄະນະຜູ້ບໍລິຫານ, ພະນັກງານ ແລະ ນັກກິລາ ທັງ 2 ອົງກອນເຂົ້າຮ່ວມ ປະມານ 200 ກວ່າທ່ານ.

ສໍາລັບ ການແຂ່ງຂັນກິລາໃນຄັ້ງນີ້ແມ່ນມີ 5 ປະເພດ. ຜົນການແຂ່ງຂັນມີດັ່ງນີ້:

1/ ກິລາບານເຕະ ຜູ້ບໍລິຫານ ( Futsal ) Lao Telecom ຊະນະ CAT TELECOM 4#3

2/ ກິລາເປຕັງ ( Petanque )

- ທີມຜູ້ບໍລິຫານ Lao Telecom ຊະນະ CAT TELECOM

- ທີມຊາຍ Lao Telecom ຊະນະ CAT TELECOM

- ທີມຍິງ CAT TELECOM ຊະນະ Lao Telecom

3/ ກິລາມະຫາສະໜຸກ

- ແລກປ່ຽນເຄື່ອງນຸ່ງ Lao Telecom ຊະນະ CAT TELECOM

- ພັດກ໊ອບ CAT TELECOM ຊະນະ Lao Telecom

- ແລ່ນ 5 ຂາສາມັກຄີ Lao Telecom ຊະນະ CAT TELECOM

4/ ກິລາບານເຕະທົ່ວໄປ Lao Telecom ຊະນະ CAT TELECOM 6#3

5/ ກິລາຕີກ໊ອຟ ( Golf ) Lao Telecom ຊະນະ CAT TELECOM 3#1

ພາຍຫຼັງການແຂ່ງຂັນກິລາ ສ້າງສາຍສຳພັນສຳເລັດແລ້ວ ໃນຄໍ່າຄືນຂອງ ວັນທີ 23 ທັນວາ 2018 ກໍ່ໄດ້ມີງານລ້ຽງ ຊົມເຊີຍ ສະຫລຸບຜົນການແຂ່ງຂັນ ກິລາມິດຕະພາບ ລະຫວ່າງ Lao Telecom ແລະ CAT TELECOM ໃນງານລ້ຽງ ໄດ້ມີພິທີມອບຂັນລາງວັນ ໃຫ້ທີມນັກກິລາ ລາວ ໂທລະຄົມ ທີ່ສາມາດເອົາຊະນະການແຂ່ງຂັນ ກິລາແຕ່ລະປະເພດໄດ້ຈຳນວນຫຼາຍກວ່າ CAT TELECOM ເຮັດໃຫ້ສາມາດຄົ້ວແຊ້ມໃນຄັ້ງນີ້ ແລະ ໄດ້ຂັນລາງວັນມາຄອງ ຫຼັງຈາກນັ້ນຄະນະຜູ້ບໍລິຫານທັງສອງອົງກອນກໍໄດ້ມອບເຄື່ອງທີ່ລະນຶກ ເຊິ່ງກັນ ແລະ ກັນ.

ພາຍໃນງານລ້ຽງດັ່ງກ່າວກໍ່ຍັງມີການສະແດງສິລະປະ ທີ່ສ່ອງແສງເຖິງ ວັດທະນາທຳ ຂອງ ທັງສອງປະເທດອີກດ້ວຍ ເຊຶ່ງເຮັດໃຫ້ງານລ້ຽງສັງສັນຄັ້ງນີ້ ເຕັມໄປດ້ວຍຄວາມສະໜິດສະໜົມກົມກຽວ ທັງສອງອົງກອນ ເບີກບານມ່ວນ ຊື່ນ ແລະ ເປັນກັນເອງ.