1/5/2019 7:48:26 PM | ກ່ຽວກັບ ລາວ ໂທລະຄົມ

ລາວ ໂທລະຄົມ ແຈກອີກແລ້ວ ລົດຈັກ HONDA WAVE 100 ຈຳນວນ 02 ຄັນ

ໃນວັນທີ 20 ທັນວາ 2018 ທີ່ຜ່ານມາ ລາວ ໂທລະຄົມ ໄດ້ຈັດພິທີມອບລົດຈັກ HONDA WAVE 100 ຈຳນວນ 02 ຄັນ, ໃຫ້ແກ່ທ່ານລູກຄ້າຜູ້ໂຊກດີ ເຊິ່ງເປັນລາງວັນ ໃນໂຄງການຂູດບັດລຸ້ນໂຊກພາກ 3 ຂອງ ລາວ ໂທລະຄົມ ຈາກການທີ່ ລູກຄ້າ ຊົມໃຊ້ເບີໂທລະສັບມືຖື ຂອງ ລາວ ໂທລະຄົມ, ເຊິ່ງຈັດຂຶ້ນຢູ່ທີ່ ສູນບໍລິການລູກຄ້າ ລາວ ໂທລະຄົມສາຍລົມ ໃຫ້ກຽດມອບໃນຄັ້ງນີ້ແມ່ນ: ທ່ານ ສະຖາພອນ ແກ້ວວັນນາ ຫົວໜ້າ ພະແນກວິເຄາະລະບົບຂໍ້ມູນຂ່າວສານ ລາວ ໂທລະຄົມ ຮັບໂດຍ ລູກຄ້າຜູ້ໂຊກດີ ຊື່ ທ່ານ ຄຳພອນ ສິດທິບົວຫານ ມາຈາກແຂວງ ໄຊຍະບູລີ ປະຈຸບັນຢູ່ບ້ານ ໄຊສະຫວ່າງ ເມືອງ ໄຊທານີ ນະຄອນຫຼວງວຽງຈັນ ໄດ້ຮັບລາງວັນຈາກການຂູດບັດ ຕື່ມເງິນ ມູນຄ່າ: 50,000 ກີບ, ແລະ ທ່ານ ນາງ ວົງເດືອນ ອຸປະພົງ ປະຈຸບັນ ຢູ່ບ້ານ ວັດຈັນ ເມືອງ ຈັນທະບູລີ ນະຄອນຫຼວງວຽງຈັນ ໄດ້ຮັບລາງວັນຈາກການຂູດບັດ ຕື່ມເງິນ ມູນຄ່າ: 50,000 ກີບ

ໃນນັ້ນຍັງມີພະນັກງານ ລລທ ແລະ ບັນດາລູກຄ້າທີ່ເຂົ້າມາໃຊ້ບໍລິການທີ່ ສູນບໍລິການລູກຄ້າ ລລທ ສາຍລົມ ຮ່ວມເປັນສັກຂີພະຍານອີກດ້ວຍ. ຢ່າລືມຢ່າພາດ ຖ້າທ່ານຢາກເປັນຜູ້ໂຊກດີ ທີ່ໄດ້ຮັບລາງວັນຈາກທາງ ລາວ ໂທລະຄົມ ຕ້ອງນໍາໃຊ້ເບີຂອງ ລາວ ໂທລະຄົມ ເທົ່ານັ້ນ. ດັ່ງຄໍາຂວັນທີ່ວ່າ: ລາວ ໂທລະຄົມ ໂທລະຄົມ ຂອງຄົນລາວ ເພື່ອສັງຄົມລາວ.