12/4/2018 4:05:56 PM | ກ່ຽວກັບ ລາວ ໂທລະຄົມ

ການຝຶກອົບຮົມ ດ້ານວັດທະນາທຳອົງກອນ ( Train the Trainer )

ໃນລະຫວ່າງ ວັນທີ 21-23 ພະຈິກ 2018, ທີ່ ຜ່ານມາຢູ່ ທີ່ຫ້ອງປະຊຸມ ສໍານັກງານໃຫຍ່ 403 A ລາວ ໂທລະຄົມ (ສາຍລົມ) ນະຄອນ ຫຼວງວຽງຈັນ ໄດ້ເປີດຝຶກອົບຮົມ ດ້ານວັດທະນາທຳອົງກອນ ( Train the Trainer ) ໃຫ້ກຽດເຂົ້າຮ່ວມເປີດ-ປິດ ພິທີດັ່ງກ່າວໂດຍ ທ່ານ ຈິດປະສົງ ໜູແກ້ວໄກສອນ ຮອງຜູ້ອຳນວຍການໃຫຍ່ ລລທ ແລະ ເຂົ້າຮ່ວມມີ ທ່ານ ປິຍະວັດ ຈະຣິຍະເສດຖະພົງ ຮອງຜູ້ອຳນວຍ ການໃຫຍ່ ລລທ ແລະ ນັກວິທະຍາກອນແມ່ນ ທ່ານ ນາງ ມົນທຽນ ນິນທະໂຄດ ພ້ອມດ້ວຍທີມງານ ມາຈາກ ບໍລິສັດ Thaicom ມີ ນັກສຳມະນາກອນ ຈາກບັນດາພະແນກການອ້ອມຂ້າງ ລລທ ສູນກາງເຂົ້າຮ່ວມ 28 ທ່ານ.

ຈຸດປະສົງໃນການຝຶກອົບຮົມໃນຄັ້ງນີ້ແມ່ນເພື່ອຖ່າຍທອດຄວາມຮູ້ຄວາມເຂົ້າໃຈ ກ່ຽວກັບວຽກງານວັດທະນະທໍາອົງກອນ ຂອງ ລລທ ເພື່ອສ້າງຜູ້ບໍລິຫານ ແລະ ພະນັກງານ ລລທ ໃຫ້ເປັນວິທະຍາກອນ ຫຼື ຖ່າຍຖອດໃຫ້ພະນັກງານໃນພະແນກ ແລະ ຫ້ອງການຂອງຕົນ (ເວົ້າສະເພາະ ) ເວົ້າລວມກໍ່ຄືໃຫ້ແກ່ພະນັກງານ ຂອງ ລລທ ທັງໝົດ.