5/4/2018 9:31:29 AM | ກິດຈະກຳ

ຄະນະຜູ້ບໍລິຫານ ແລະ ພະນັກງານ ລາວ ໂທລະຄົມ ຮ່ວມ ຍ່າງເພື່ອສຸຂະພາບ

ໃນຕອນເຊົ້າວັນທີ 1 ພຶດສະພາ 2018 ທີ່ຜ່ານມາ ຄະນະຜູ້ບໍລິຫານ ແລະ ພະນັກງານ ລາວ ໂທລະຄົມ ຮ່ວມ ຍ່າງເພື່ອສຸ ຂະພາບ ເນື່ຶອງໃນໂອກາດວັນກຳມະກອນສາກົນ ຄົບຮອບ 132 ປີ ( 1/5/ 1886 – 1/5/2018 ) ຊຶ່ງໄດ້ຈັດຂື້ນທີ່ ປະຕູໄຊ ນະຄອນ ຫຼວງວຽງຈັນ ເຂົ້າຮ່ວມໃນການຍ່າງໃນຄັ້ງນີ້ມີ ຕາງ ໜ້າ ລາວ ໂທລະຄົມ ໂດຍ ທ່ານ ສຸພົນ ຈັນທະວີໄຊ ປະທານກຳມະບານຮາກຖານ ລລທ ຮອງຜູ້ອຳນວຍການໃຫຍ່ ລລທ ພ້ອມດ້ວຍຄະນະຜູ້ບໍລິຫານ ແລະ ພະນັກງານ ລລທ ເຂົ້າຮ່ວມຍ່າງ ຈຳນວນໜຶ່ງ , ນອກນັ້ນກໍ່ ຍັງມີບັນດາ ພະນັກງານ ລັດຖະກອນ, ກຳມະກອນ ແລະ ຊາວຜູ້ອອກແຮງງານອ້ອມຂ້າງ ນະຄອນຫຼວງ ວຽງຈັນ ກໍ່ໄດ້ ເຂົ້າຮ່ວມ ຢ່າງພ້ອມພຽງ

ຈຸດປະສົງ ການຍ່າງເພື່ອສູຂະພາບໃນຄັ້ງນີ້ ແມ່ນເພື່ອລະນຶກເຖິງວັນສຳຄັນດັ່ງກ່າວ ຊຶ່ງເປັນວັນແຫ່ງ ໄຊຊະນະ ຂອງ ກຳມະກອນ ແລະ ຊາວຜູ້ອອກແຮງງານ ໃນການຕໍ່ສູ້ກັບຊົນຊັ້ນນາຍທືນ ສະນັ້ນຈຶ່ງຮຽກຮ້ອງມາຍັງການຈັດຕັ້ງ ພັກ - ລັດ ອົງການຈັດຕັ້ງກໍາມະບານ ແຕ່ລະຂັ້ນ, ຫົວໜ່ວຍແຮງງານ ແລະ ສັງຄົມ ຈົ່ງເພີ່ມທະວີ ຄວາມຮັບຜິດຊອບຂອງຕົນຕໍ່ກັບການສຶກສາອົບຮົມ ຊ່ວຍ ເຫຼືອ, ກໍ່ສ້າງ ແລະ ພັດທະນາຊົນຊັ້ນກຳມະກອນລາວ ໃຫ້ເຕີບໃຫຍ່ເຂັ້ມແຂງ ທາງດ້ານຈຳນວນ ແລະ ຄຸນນະພາບສົມ ຄູ່ກັບຄວາມ ຮຽກຮ້ອງ ຕ້ອງການ ໃນ ການເຊື່ອມໂຍງສາກົນ ໄລຍະໃໝ່ ແລະ ພ້ອມກັນຍົກສູງຄຸນຄ່າແຮງງານຂອງກຳມະກອນ ໃຫ້ສູງຂື້ນຢ່າງຕໍ່ ເນື່ອງ ເພາະກຳມະກອນ ແລະ ຊາວຜູ້ອອກແຮງງານ ຄືກະດູກສັນຫຼັງຂອງຊາດ