11/18/2019 11:39:02 AM | ກິດຈະກຳ

ລາວ ໂທລະຄົມ ຈັດກິດຈະກຳ ມອບຂອງຂວັນຄືນກຳໄລໃຫ້ ແກ່ລູກຄ້າເນື່ອງໃນໂອກາດສະເຫຼີມສະຫຼອງ ລາວ ໂທລະຄົມ ຄົບຮອບ 23 ປີ

ໃນຕອນແລງ ຂອງ ວັນທີ 8 ພະຈິກ 2019 ທີ່ ຜ່ານມາ ລາວ ໂທລະຄົມ ໄດ້ຈັດຂະບວນທີມງານ ລລທ ລົງມອບ ຂອງຂວັນ ຕາມສະຖານທີ່ ສວນເຈົ້າອານຸວົງ ໂດຍໃຫ້ກຽດນຳພາຂະບວນ ແມ່ນ ທ່ານ ເຄນ ສະຕຣຸດເກີ ຫົວໜ້າ ພະແນກການຕະຫຼາດ ລລທ ພ້ອມ ດ້ວຍ ຄະນະມີ, ຄະນະພາກສ່ວນ ແລະ ພະນັກງານວິຊາການ ຈາກພະແນກຕ່າງໆ ທີ່ກ່ຽວຂ້ອງ ເຂົ້າ ຮ່ວມ ລົງກິດຈະກຳໃນຄັ້ງນີ້.

ຈຸດປະສົງເພື່ອເປັນການສ້າງຂະບວນການ ສະເຫຼີມ ສະຫຼອງ ລາວ ໂທລະຄົມ ກ້າວເຂົ້າ ສູ່ປີທີ່ 23 ຫຼື ຄົບ ຮອບ 23 ປີ ການສ້າງ ຕັ້ງ ລາວ ໂທລະຄົມ ( 11/11 /1996- 11/11 /2019) ທີ່ ໝູນວຽນມາເຖີງ ໂດຍກິດຈະກຳໃນຄັ້ງນີ້ ໄດ້ເຮັດໃຫ້ ລູກຄ້າ ລລທ ພາກັນລັ່ງໄຫລເຂົ້າມາຈັບສະຫລາກ ເພື່ອຮັບລາງວັນ ນຳທີມງານພວກເຮົາຢ່າງຫຼວງຫລາຍ ເຊິ່ງໄດ້ສ້າງ ຄວາມ ຕື່ນເຕັ້ນ ດີອົກ ດີໃຈ ແລະ ປະທັບໃຈສຸດໆ ກັບສິ່ງດີໆ ທີ່ ລາວ ໂທລະຄົມ ມອບໃຫ້ໃນຄັ້ງນີ້.