10/31/2019 4:54:13 PM | ກິດຈະກຳ

ລາວ ໂທລະຄົມ ຮ່ວມກັບ ບໍລິສັດ CAT TELECOM ຈໍາກັດແຫ່ງປະເທດໄທ ຈັດການແຂ່ງຂັນ ກິລາມິດຕະພາບ ຄັ້ງທີ XII

ໃນລະຫວ່າງ ວັນທີ 26-27 ຕຸລາ 2019 ຜ່ານມາ ທີ່ ເດີນກິລາໃນຮົ່ມ Power Stadium ຈັງຫວັດອຸດອນ ປະເທດໄທໄດ້ມີການຈັດການແຂ່ງຂັນກິລາມິດຕະພາບ ຄັ້ງທີ XII ລະຫວ່າງ ບໍລິສັດ ລາວ ໂທລະຄົມ ມະນາຄົມ ມະຫາຊົນ ແລະ ບໍລິສັດ ກສທ ໂທລະຄົມມະນາຄົມ ຈຳກັດ ( ມະຫາຊົນ ) CAT TELECOM ຈໍາກັດ ແຫ່ງປະເທດໄທ ເພື່ອເປັນການ ເຊື່ອມຕໍ່ສາຍສໍາພັນອັນດີງາມ ທີ່ມີຕໍ່ກັນມາໃຫ້ແໜ້ນແຟ້ນເຊິ່ງກິລາດັ່ງກ່າວນີ້ ເປັນກິລາປະເພນີ ຮ່ວມກັນ ລະຫວ່າງ ສອງອົງກອນທີ່ເຄີຍຜັດປ່ຽນກັນເປັນເຈົ້າພາບ. ໃຫ້ກຽດເປັນປະທານໃນພິທີເປີດການແຂ່ງຂັນໃນຄັ້ງນີ້ໂດຍແມ່ນ ທ່ານ ພັດທະນາ ນະສົງຂາ ຮອງກຳມະການຜູ້ຈັດການບໍລິສັດ CAT TELECOM ແລະ ທ່ານ ຖາວອນ ສົມສະກຸນ ຜູ້ອຳນວຍການໃຫຍ່ ລາວ ໂທລະຄົມ ເປັນກຽດເຂົ້າຮ່ວມມີ: ຄະນະຜູ້ບໍລິຫານ, ພະນັກງານ ແລະ ນັກກິລາ ທັງ 2 ອົງກອນເຂົ້າຮ່ວມຫຼາຍກວ່າ 200 ກວ່າທ່ານ. ສໍາລັບ ການແຂ່ງຂັນກິລາໃນຄັ້ງນີ້ແມ່ນມີ 5 ປະເພດຄື: ກິລາຕີກ໊ອຟ ( Golf ), ກິລາບານເຕະ ( Futsal ) , ກິລາເປຕັງ ( Petanque ), ກິລາບານເຕະທົ່ວໄປ ແລະ ກິລາມະຫາສະໜຸກ

ຜົນການແຂ່ງຂັນມີດັ່ງນີ້: 1 / ກິລາຕີກ໊ອຟ ( Golf ) Lao Telecom ຊະນະ CAT TELECOM 3#1 2 / ກິລາບານເຕະ ( Futsal ) ຜູ້ບໍລິຫານ Lao Telecom ຊະນະ CAT TELECOM 3#1 3 / ກິລາເປຕັງ ( Petanque ) - ທີມຜູ້ບໍລິຫານ CAT TELECOM ຊະນະ Lao Telecom - ທີມຊາຍ Lao Telecom ຊະນະ CAT TELECOM - ທີມຍິງ Lao Telecom ຊະນະ CAT TELECOM 4 / ກິລາມະຫາສະໜຸກ - ແລ່ນປ່ຽນເຄື່ອງນຸ່ງ Lao Telecom ຊະນະ CAT TELECOM - ພັດກ໊ອບ Lao Telecom ຊະນະ CAT TELECOM - ແລ່ນ 5 ຂາສາມັກຄີ Lao Telecom ຊະນະ CAT TELECOM 5 / ກິລາບານເຕະທົ່ວໄປ Lao Telecom ຊະນະ CAT TELECOM 6#3

ໃນຄໍ່າຄືນ ວັນທີ 26 ຕຸລາ 2019 ກໍ່ໄດ້ມີງານລ້ຽງຊົມເຊີຍ ສະຫລຸບຜົນການແຂ່ງຂັນ ແລະ ມອບຂັນລາງວັນ ໃຫ້ທີມນັກກິລາ ທີ່ສາມາດເອົາຊະນະການແຂ່ງຂັນ ເຮັດໃຫ້ສາມາດຄົ້ວແຊ້ມໃນຄັ້ງນີ້ ແລະ ໄດ້ຮັບຂັນລາງວັນມາຄອງ ຫຼັງຈາກນັ້ນຄະນະຜູ້ບໍລິຫານທັງສອງອົງກອນກໍໄດ້ມອບເຄື່ອງທີ່ລະນຶກ ເຊິ່ງກັນ ແລະ ກັນ ພາຍໃນງານລ້ຽງດັ່ງກ່າວຍັງມີການສະແດງສິລະປະທີ່ສ່ອງແສງເຖິງ ວັດທະນະທຳ ຂອງ ພາກອີສານ ປະເທດໄທ ເຊຶ່ງເຮັດໃຫ້ງານລ້ຽງສັງສັນຄັ້ງນີ້ ເຕັມໄປດ້ວຍຄວາມເບີກບານມ່ວນຊື່ນສະໜິດສະໜົມກົມກຽວ ແລະ ເປັນກັນເອງ.