10/23/2019 2:33:47 PM | ກິດຈະກຳ

ລາວ ໂທລະຄົມ ຮ່ວມອອກຮ້ານວາງສະແດງສິນຄ້າ ໃນງານບຸນຊ່ວງເຮືອທ່າວັດຈັນ ປະຈຳປີ 2019, ນະຄອນຫຼວງວຽງຈັນ

ໃນລະຫວ່າງ ວັນທີ 10-14 ຕຸລາ 2019 ທີ່ ຜ່ານມາ ລາວ ໂທລະຄົມ ໄດ້ຮ່ວມອອກຮ້ານວາງສະແດງສິນຄ້າໃນງານ ບຸນຊ່ວງເຮືອທ່າວັດຈັນ ພາຍໃນຮ້ານມີທີມງານຂາຍສິນຄ້າ,ໂຄສະນາ - ປະຊາສຳພັນ ໃຫ້ບໍລິການຕ່າງໆ ເພື່ອອຳນວຍຄວາມສະດວກໃຫ້ກັບພໍ່ແມ່່ ພີ່ນ້ອງ ແລະ ປະຊາຊົນລາວບັນດາເຜົ່າທີ່ມາທ່ຽວງານໃນຄັ້ງນີ້ ໄດ້ເຂົ້າໃຊ້ບໍລິການຢ່າງສະດວກ ສະບາຍ ພ້ອມນັ້ນຍັງມີ Promotion ຊື້ສິນຄ້າລາຄາພິເສດ ພ້ອມເຄື່ອງແຈກເຄື່ອງແຖມທີ່ຫຼາກຫຼາຍ ແລະ ໄດ້ຮັບສະຫຼາກຊິງໂຊກເພື່ອລຸ້ນຮັບເຄື່ອງລາງວັນໃຫຍ່ ໃນຄໍ່າຄືນສຸດທ້າຍຂອງງານ.

ນອກຈາກນັ້ນ ຍັງມີການຈັດກິດຈະກຳແຈກຂອງລາງວັນ ຢ່າງຫຼວງຫຼາຍ ພ້ອມເປີດໃຫ້ລູກຄ້າທີ່ມີຄະແນນສະສົມມາແລກຮັບລາງວັນອີກດ້ວຍ ເຮັດໃຫ້ລູກຄ້າ ລາວ ໂທລະຄົມ ມີຄວາມຕື່ນເຕັ້ນ ແລະ ປະທັບໃຈກັບສິ່ງດີໆ ທີ່ ລາວ ໂທລະຄົມ ມອບໃຫ້, ພິເສດ ໃນປີນີ້ ລາວໂທລະຄົມ ຍັງໄດ້ຮ່ວມກິດຈະກຳກັບກຸ່ມ Little Hands Save Us ໂດຍການຮ່ວມກັນເກັບຂີ້ເຫຍື້ອ ເພື່ອຮັກສາຄວາມສະອາດ, ຄວາມຈົບງາມຂອງງານບຸນໃນຄັ້ງນີ້ດ້ວຍ ເພື່ອເປັນການລົນນະລົງ ແລະ ສ້າງຈິດສຳນຶກໃຫ້ກັບສັງຄົມ ໃນການຢຸດສ້າງຂີ້ເຫຍື້ອ ແລະ ຖິ້ມຂີ້ເຫຍື້ອໃຫ້ຖືກບ່ອນ ເພື່ອຄວາມສະອາດຈົບງາມ ແລະ ໜ້າຢູ່ ຂອງ ຕົວເມືອງ.