12/7/2018 5:00:13 PM | ກິດຈະກຳ

ການແຂ່ງຂັນກິລາບານເຕະມິດຕະພາບ ລະຫວ່າງ ລາວ ໂທລະຄົມ ແລະ ວິທະຍຸ -ໂທລະພາບກອງທັບ

ໃນວັນທີ 27 ພະຈິກ 2018 ທີ່່ຜ່ານມາ ທີ່ ເດີ່ນກິລາ ວິທະຍາໄລເຕັກນິກ ສັບພະວິຊາ, ນະຄອນຫຼວງວຽງຈັນ ລາວ ໂທລະຄົມ ໄດ້ຈັດກິດຈະກຳ ການແຂ່ງຂັນກິລາ ບານເຕະ ມິດຕະພາບ ຮ່ວມກັບ ວິທະຍຸ-ໂທລະ ພາບກອງທັບ ເນື່ອງໃນໂອກາດສະເຫຼີມສະຫລອງ ວັນສ້າງຕັ້ງກອງທັບປະຊາຊົນລາວຄົບຮອບ 70 ປີ ( 20 ມັງກອນ 1949 – 20 ມັງກອນ 2019 ) ທີ່ຈະມາເຖິງໃນໄວໆນີ້ , ໂດຍ ໃຫ້ກຽດເຂົ້າຮ່ວມ ຂອງ ທ່ານ ຖາວອນ ສົມສະກຸນ ຜູ້ອຳນວຍການໃຫຍ່ ລາວ ໂທລະຄົມ ແລະ ທ່ານ ພັນໂທ ຄຳສີ ລີຟຸງ ອຳນວຍການວິທະຍຸກອງທັບ-ໂທລະພາບກອງທັບ ພ້ອມດ້ວຍຄະນະຜູ້ບໍລິຫານ, ພະນັກງານວິຊາການ ນັກກິລາທັງ 2 ທິມ ຂອງທັງ 2 ອົງກອນ ເຂົ້າຮ່ວມແຂ່ງຂັນ ແລະ ຮ່ວມເຊຍ ບັນຍາກາດແມ່ນເຕັມໄປດ້ວຍ ຄວາມເບີກບານມ່ວນຊື່ນ ແລະ ເປັນກັນເອງ

ຈຸດປະສົງ ໃນການແຂ່ງຂັນກິລາໃນຄັ້ງນີ້ ແມ່ນເພື່ອສ້າງສາຍສຳພັນອັນດີ ລະຫວ່າງ ຜູ້ບໍລິຫານ ແລະ ພະນັກງານວິຊາການທັງສອງຝ່າຍ ໃຫ້ມີຄວາມແໜ້ນແຟ້ນຍິ່ງຂື້ນ.

ຜົນການແຂ່ງຂັນ: ທີມ ລາວ ໂທລະຄົມ ຊະນະ ທີມ ວິທະຍຸ-ໂທລະພາບກອງທັບ 05 : 01 ປະຕູ ເຊິ່ງການແຂ່ງຂັນກິລາໃນຄັ້ງນີ້ ລາວ ໂທລະຄົມ ໄດ້ອຸປະຖຳ ຊຸດກິລາ 34 ຊຸດ ໃຫ້ກັບ ວິທະຍຸ-ໂທລະພາບກອງທັບ ມູນຄ່າ 3,000,000 ກີບ