11/19/2018 8:59:50 AM | ກິດຈະກຳ

ລາວ ໂທລະຄົມ ຈັດກິດຈະກຳ ມອບຂອງຂວັນຄືນກຳໄລໃຫ້ ແກ່ລູກຄ້າ ເນື່ອງໃນໂອກາດສະເຫຼີມສະຫຼອງ ລາວ ໂທລະຄົມ ຄົບຮອບ 22 ປີ

ໃນຕອນແລງ ຂອງ ວັນທີ 11 ພະຈິກ 2018 ທີ່ ຜ່ານມາ ລາວ ໂທລະຄົມ ໄດ້ຈັດຂະບວນທີມງານ ລລທ ລົງມອບ ຂອງຂວັນ ຕາມສະຖານທີ່ຕ່າງໆ ເຊັ່ນ: ຕະຫຼາດໂພນຕ້ອງສະຫວ່າງ, ສວນປະຕູໄຊ, ສວນເຈົ້າອານຸວົງ ແລະ Vientaine Night Street ໂດຍໃຫ້ກຽດນຳພາຂະບວນ ແມ່ນ ທ່ານ ເຄັນ ສະຕຸດເກີ ຫົວໜ້າ ພະແນກການຕະຫຼາດ ລລທ ພ້ອມ ດ້ວຍ ຄະນະພະແນກການຕະຫຼາດ, ຄະນະພາກສ່ວນ ແລະ ພະນັກງານວິຊາການ ຈາກພະແນກຕ່າງໆ ທີ່ກ່ຽວຂ້ອງ ເຂົ້າ ຮ່ວມ ລົງກິດຈະກຳໃນຄັ້ງນີ້.

ເພື່ອເປັນການສ້າງຂະບວນການ ສະເຫຼີມ ສະຫຼອງ ລາວ ໂທລະຄົມ ກ້າວເຂົ້າ ສູ່ປີທີ່ 22 ຫຼື ຄົບ ຮອບ 22 ປີ ການສ້າງ ຕັ້ງ ລາວ ໂທລະຄົມ ( 11/11 /1996- 11/11 /2018) ທີ່ ໝູນວຽນມາເຖີງ ໂດຍກິດຈະກຳໃນຄັ້ງນີ້ ໄດ້ເຮັດໃຫ້ ລູກຄ້າ ລລທ ພາກັນລັ່ງໄຫລເຂົ້າມາຈັບສະຫລາກ ເພື່ອຮັບລາງວັນ ນຳທີມງານພວກເຮົາຢ່າງຫຼວງຫລາຍ ເຊິ່ງໄດ້ສ້າງ ຄວາມ ຕື່ນເຕັ້ນ ດີອົກ ດີໃຈ ແລະ ປະທັບໃຈສຸດໆ ກັບສິ່ງດີໆ ທີ່ ລາວ ໂທລະຄົມ ມອບໃຫ້ຢ່າງບໍ່ມີວັນລືມ.