6/8/2018 9:20:56 PM | ກິດຈະກຳ

ລາວ ໂທລະຄົມ ສະເຫຼີມສະຫຼອງວັນເດັກນ້ອຍສາກົນ ວັນທີ 1 ມິຖຸນາ 2018

ໃນວັນທີ 31 ພຶດສະພາ 2018 ທີ່ ຜ່ານມາ ລາວ ໂທລະຄົມ ໄດ້ ຈັດງານສະເຫຼີມສະຫຼອງ ວັນເດັກນ້ອຍ ສາກົນ ຂື້ນ ທີ່ ສໍານັກງານໃຫຍ່ ລລທ ສາຍລົມ ໂດຍ : ໃຫ້ກຽດເປັນປະທານເປີດງານແມ່ນ ທ່ານ ຖາວອນ ສົມສະກຸນ ຜູ້ອຳນວຍການໃຫຍ່ ລລທ

ໂດຍໃຫ້ກຽດເຂົ້າຮ່ວມຂອງ ທ່ານ ນາງ ມະນີຈັນ ພິລາວົງ ປະທານສະຫະພັນແມ່ຍິງ ລລທ, ຫົວໜ້າພະແນກການຂາຍ ລລທ ແລະ ມີ 3 ອົງການຈັດຕັ້ງມະຫາຊົນ, ຄະນະພະແນກການທີ່ກ່ຽວຂ້ອງ ແລະ ພະນັກງານອ້ອມຂ້າງ ລລທ ສູນກາງ ພາລູກຫຼານ ເຂົ້າຮ່ວມຢ່າງພ້ອມພຽງ ເນື່ອງໃນ ໂອກາດ ວັນເດັກນ້ອຍສາກົນ ວັນທີ 1 ມິຖຸນາ ແລະ ວັນປູກຕົ້ນໄມ້ແຫ່ງຊາດ ປີ 2018 ທີ່ ໝູນ ວຽນຄົບຮອບ ອີກວາລະໜຶ່ງ ເຊິ່ງພາຍໃນງານແມ່ນມີການແຈກ ເຂົ້າໜົມໃຫ້ລູກຫຼານ ທີ່ ມາຮ່ວມງານ ນອກຈາກນັ້ນ ນ້ອງໆ ຍັງໄດ້ຫຼິ້ນກິດຈະກໍາຖາມຕອບ ເພື່ອຮັບຂອງລາງ ວັນ ຈາກທີມງານ ລລທ ເຊິ່ງບັນຍາກາດເຕັມໄປດ້ວຍຄວາມເບີກບານມ່ວນຊື່ນ ແລະ ເປັນກັນເອງ.

ຈຸດປະສົງ ໃນການສະເຫຼີມສະຫຼອງ ວັນເດັກນ້ອຍສາກົນ ແມ່ນຢາກໃຫ້ທຸກໆ ຄົນເຫັນຄວາມ ສໍາຄັນ ຂອງ ເດັກນ້ອຍເພາະວ່າເດັກນ້ອຍເປັນໜໍ່ແໜງອານາຄົດ ແລະ ຄວາມຫວັງຂອງຊາດ ການພັດ ທະນາເດັກນ້ອຍເປັນ ປະຖົມປັດໃຈແຫ່ງຄວາມກ້າວໜ້າ ຂອງມະນຸດ.