5/9/2018 4:14:37 PM | ຊ່ວຍເຫຼືອສັງຄົມ

ລາວ ໂທລະຄົມ ປະກອບສ່ວນ ອຸປະຖຳ ເງິນ ຈຳນວນ 2,000,000 ກີບ ໃຫ້ແກ່ພະນັກງານບຳລຸງລັດຖະກອນມາຈາກ ແຂວງ ຫຼວງນໍ້າທາ

ໃນຕອນບ່າຍຂອງ ວັນທີ 5 ພຶດສະພາ 2018 ຢູ່ທີ່ ໂຮງຮຽນ ທິດສະດີການເມືອງ ການປົກຄອງແຫ່ງຊາດ ( ທ່າງ່ອນ ) ລາວ ໂທລະຄົມ ໄດ້ນຳເອົາເງິນ ຈຳນວນ 2,000,000 ກີບ ມາມອບໃຫ້ແກ່ພະນັກງານບຳລຸງລັດຖະ ກອນ ທີ່ເປັນພະນັກງານຫຼັກແຫຼ່ງຕ່າງໆ ທີ່ມາຮຽນທິດສະດີຢູ່ສະຖາບັນການເມືອງການປົກຄອງແຫ່ງຊາດ ເຊຶ່ງມາຈາກ ແຂວງ ຫຼວງນໍ້າທາ ມີທັງໝົດ 43 ສະຫາຍ, ຍິງ 10 ສະຫາຍ ໃຫ້ກຽດມອບໂດຍ ທ່ານ ທອງສີ ວິໄລວົງ ຜູ້ຊ່ວຍຜູ້ອຳນວຍການໃຫຍ່ ລລທ ແລະ ເປັນກຽດຮັບແມ່ນ ທ່ານ ທອງວັນ ເລືອງຄຳພາຫານ ປະທານຄະນະນັກສຶກສາຫຼວງນໍ້າທາ ພ້ອມດ້ວຍພະນັກ ງານບຳລຸງລັດຖະກອນ ແລະ ຜູ້ບໍລິຫານ ຈາກ ລລທ ເຂົ້າຮ່ວມ.

ຈຸດປະສົງການມອບໃນຄັ້ງນີ້ກໍ່ເພື່ອເປັນການປະກອບສ່ວນຊ່ວຍເຫຼືອນັກສຶກສາ ແຂວງຫຼວງນໍ້າທາ ເພື່ອເປັນການຊ່ວຍເຫລືອເຊິ່ງກັນ ແລະ ກັນ ໃນເວລາພົບຄວາມຍຸ້ງຢາກ,ເຈັບເປັນ ແລະ ຂາດເຂີນທາງດ້ານວັດຖຸອຸປະກອນຕ່າງໆເຂົ້າໃນການສຶກສາຄົ້ນຄົ້ວຮໍ່າຮຽນ ແລະ ເພື່ອນຳໃຊ້ເຂົ້າໃນການເຄື່ອນໄຫວກິດຈະກຳນອກຫຼັກສູດ ເຊັ່ນການແຂ່ງຂັນກິລາ,ການພົບປະສັງສັນຄູອາຈານ ແລະ ນັກສຶກສາມາຈາກແຂວງຕ່າງໆ ທີ່ກຳລັງສຶກສາຄົ້ນຄົ້ວຢູ່ສະຖາບັນການ ເມືອງການປົກຄອງແຫ່ງຊາດ.