2/27/2018 11:26:43 AM | ຊ່ວຍເຫຼືອສັງຄົມ

ລາວ ໂທລະຄົມ ອຸປະຖຳ ງານມະຫະກຳບຸນຊ້າງ ທີ່ ແຂວງໄຊຍະບູລີ ມູນຄ່າ: 44,000,000 ກີບ

ໃນລະຫວ່າງວັນທີ 17-22 ກຸມພາ 2018 ຜ່ານມານີ້ ບໍລິສັດລັດ ວິສາຫະກິດ ລາວ ໂທລະຄົມມະນາຄົມ ໄດ້ເຂົ້າຮ່ວມອອກຮ້ານວາງສະແດງສິນຄ້າ ຢູ່ທີ່ງານມະຫະກຳບຸນຊ້າງ ທີ່ແຂວງໄຊຍະບູລີ ເຊິ່ງໃນນັ້ນ ລາວ ໂທລະຄົມ ກໍໄດ້ມີສ່ວນຮ່ວມ ອຸປະຖຳ ງານມະຫະກຳບຸນຊ້າງ ປະຈຳປີ 2018 ມູນຄ່າ: 44,000,000 ກີບ ມອບໂດຍ: ທ່ານ ອຸດົມ ສີບຸນເຮືອງ ຜູ້ອໍານວຍການໃຫຍ່ ບໍລິສັດລັດ ວິສາຫະກິດ ລາວ ໂທລະຄົມ ສາຂາແຂວງໄຊຍະບູລີ ແລະ ຮັບໂດຍ: ທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີ.

ຈຸດປະສົງຂອງການມອບ ອຸປະຖຳ ໃນຄັ້ງນີ້ ກໍເພື່ອເປັນການປະກອບສ່ວນໃນງານມະຫະກຳບຸນຊ້າງ ເຊິ່ງງານດັ່ງກວ່າໄດ້ຈັດມາເປັນປີ ທີ 12 ແລ້ວ ແລະ ພ້ອມດຽວກັນນັ້ນ ກໍຍັງເປັນປີ ເປີດການທ່ອງທ່ຽວລາວນຳອີກ ພິເສດໄປກວ່ານັ້ນ ທາງ ລາວ ໂທລະຄົມ ກໍໄດ້ມີ ສິນຄ້າລາຄາພິເສດ, ໂປໂມຊັນພິເສດ ພ້ອມເຄື່ອງແຈກຂອງແຖມຢ່າງຫຼວງຫຼາຍ ໄວ້ມາບໍລິການລູກຄ້າ ທີ່ມາຮ່ວມໃນງານມະຫະກຳບຸນຊ້າງນຳອີກ.