4/28/2020 4:09:16 PM | ຊ່ວຍເຫຼືອສັງຄົມ

ລາວ ໂທລະຄົມ ອຸປະຖໍາອິນເຕີເນັດ FTTH ໃຫ້ ໂຮງໝໍມິດຕະພາບ

ໃນວັນທີ 24 ເມສາ 2020 ຢູ່ທີ ໂຮງໝໍມິດຕະພາບ(150 ຕຽງ) ໄດ້ມີພິທີມອບການອຸປະຖໍາ Internet FTTH (up Speed ຄວາມໄວ 50 Mbps) ມູນຄ່າ 8,000,000 ກີບ ຂອງ ບໍລິສັດ ລາວ ໂທລະຄົມມະນາຄົມ ມະຫາຊົນ (ລລທ) ໃຫ້ກັບ ໂຮງໝໍມິດຕະພາບ ຂື້ນ. ເຊິ່ງມອບໂດຍ ທ່ານ ສຸພົນ ຈັນທະວີໄຊ ຜູ້ອໍານວຍການໃຫຍ່ ລລທ ພ້ອມດ້ວຍຄະນະ ແລະ ຮັບໂດຍ ທ່ານ ດຣ. ສະໜອງ ທອງຊະນະ ຜູ້ອໍານ ວຍການໂຮງໝໍມິດຕະພາບ ໂດຍຊ້ອງໜ້າຄະນະຂອງທັງສອງຝ່າຍ. ການອຸປະຖໍາຂອງ ລາວ ໂທລະຄົມ ໃນຄັ້ງນີ້ກໍເພື່ອເປັນການປະກອບ ສ່ວນຊຸກຍູ້, ແລະ ໃຫ້ກໍາລັງໃຈ ຄະນະອໍານວຍການ ທີມງານບໍລິຫານ ແລະ ທີມງານວິຊາການແພດໝໍທັງໝົດພາຍໃນໂຮງໝໍມິດຕະພາບ ໃນການປະຕິບັດໜ້າທີ່ວຽກງານວິຊາສະເພາະຂອງຕົນ ໃຫ້ມີຄວາມສະ ດວກສະບາຍ, ມີຄວາມວ່ອງໄວໃນການຕິດຕໍ່ສື່ສານ ໃນໄລຍະຄວບຄຸມ, ປ້ອງກັນ ແລະ ແກ້ໄຂການແຜ່ລະບາດຂອງ COVID-19 ນີ້.

" ລາວ ໂທລະຄົມ ໂທລະຄົມຂອງຄົນລາວ ເພື່ອສັງຄົມລາວ "