1/30/2020 4:24:07 PM | ຊ່ວຍເຫຼືອສັງຄົມ

ລາວ ໂທລະຄົມ ອຸປະຖຳ ງານມະຫະກຳບຸນຊ້າງ ທີ່ ແຂວງໄຊຍະບູລີ ມູນຄ່າ: 40,000,000 ກີບ

ໃນຕອນເຊົ້າວັນທີ 27 ມັງກອນ 2020 ຜ່ານມາ ຢູ່ທີ່ຫ້ອງວ່າການປົກຄອງ ແຂວງ ໄຊຍະບູລີ, ບໍລິສັດ ລາວ ໂທລະຄົມມະນາຄົມ ມະຫາຊົນ (ລລທ) ໄດ້ເຂົ້າມອບເງິນອຸປະຖຳ ງານມະຫະກຳບຸນຊ້າງ ປະຈຳປີ 2020 ຈຳນວນ: 40,000,000 ກີບ ມອບໂດຍ: ທ່ານ ອາລຸນນະເດດ ບານຈິດ ຮອງຜູ້ອໍານວຍການໃຫຍ່ ຂະແໜງຈັດຕັ້ງ-ບໍລິຫານ ລລທ ແລະ ໃຫ້ກຽດຮັບໂດຍ ທ່ານ ນາງ ບຸນພັກ ອິນທະປັນຍາ ຄະນະປະຈຳພັກແຂວງ ຮອງເຈົ້າແຂວງໄຊຍະບູລີ ໂດຍຊ້ອງໜ້າຄະນະທັງສອງຝ່າຍເຂົ້າຮວມ.

ຈຸດປະສົງເພື່ອເປັນການປະກອບສ່ວນໃນການຮ່ວມອານຸຮັກ ແລະ ສົ່ງເສີມງານບຸນປະເພນີປະຈໍາປີຂອງທ້ອງຖິ່ນໃຫ້ມີຄວາມຍືນຍົງຢູ່ຄຽງຄູ່ກັບທ້ອງຖິ່ນ ແລະ ສັງຄົມລາວຕະຫຼອດໄປຈົນຮອດເຊັ່ນລູກເຊັ່ນຫຼານ. ໂດຍສະເພາະແມ່ນການຮ່ວມອານຸຮັກ ຮັກສາຊ້າງທີ່ເປັນສັດຄູ່ບ້ານຄູ່ເມືອງຂອງລາວ ມາແຕ່ບູຮານນະການ ໃຫ້ລູກຫຼານໄດ້ເບິ່ງສືບໄປຮຸ່ນສູ່ຮຸ່ນ. ງານມະຫະກໍາບຸນຊ້າງ 2020 ຈະໄດ້ຈັດຂື້ນ ໃນລະຫວ່າງ ວັນທີ 21-28 ກຸມພາ 2020 ນີ້ ທີ່ ເມືອງໄຊຍະບູລີ ແຂວງໄຊຍະບູລີ ເຊິ່ງປີນີ້ເປັນປີທີ່ 13 ຄາດວ່າຈະມີຊ້າງ 70 ເຊືອກເຂົ້າຮ່ວມສະແດງໃນງານຄັ້ງນີ້. “ ລາວ ໂທລະຄົມ ໂທລະຄົມ ຂອງຄົນລາວ ເພື່ອສັງຄົມລາວ ”