11/21/2019 5:40:55 PM | ຊ່ວຍເຫຼືອສັງຄົມ

ລາວ ໂທລະຄົມ ຮ່ວມອຸປະຖຳ ງານມະຫະກຳກີລາຊີເກມ ຄັ້ງທີ 30

ໃນຕອນບ່າຍຂອງ ວັນທີ 15/11/2019 ຜ່ານມາ ຢູ່ທີ່ ຫ້ອງການໂອແລມປິກແຫ່ງຊາດລາວ, ນະຄອນຫຼວງວຽງ ຈັນ, ໄດ້ມີພິທີຖະແຫລງຂ່າວ ການກະກຽມເຂົ້າ ຮ່ວມການແຂ່ງຂັນງານມະຫາກຳກິລາຊີເກມຄັ້ງທີ 30 ,ອາຊ່ຽນພາລາເກມ ຄັ້ງທີ 10 ທີ່ປະເທດຟິລິບປີນ ໃນໂອກາດດັ່ງກ່າວ ບໍລິສັດ ລາວ ໂທລະຄົມມະນາຄົມ ມະຫາຊົນ ໄດ້ມອບເງິນອຸປະຖຳ ຈຳນວນ 10,000,000 ກີບ ເປັນກຽດມອບໂດຍ: ທ່ານ ຖາວອນ ສົມສະກຸນ ຜູ້ອໍານວຍການໃຫ່ຍ ລລທ ແລະ ຮັບໂດຍ: ທ່ານ ບົວລານ ສິລິປັນຍາ ຮອງລັດຖະມົນ ຕີກະຊວງ ສຶກສາທິການ ແລະ ກີລາ, ໂດຍ ການເຂົ້າຮ່ວມຂອງ ບັນດາປະທານ, ຮອງປະທານ, ເລຂາທິການຄະນະກຳ ມະການໂອ ແລັມປິກແຫ່ງຊາດລາວ, ສະຫະພັນກີລາແຫ່ງຊາດ, ຄະນະ ນຳ, ຄູຝຶກ, ນັກກິລາ, ບໍລິສັດ ຮ້າງຮ້ານ ທີ່ໃຫ້ການອຸປະຖຳ, ພ້ອມດ້ວຍ ສື່ມວນຊົນ ແລະ ພາກສ່ວນຕ່າງໆ ທີ່ກ່ຽວຂ້ອງ ເຂົ້າຮ່ວມ.

ນອກຈາກນັ້ນ ບໍລິສັດ ລາວ ໂທລະຄົມມະນາຄົມ ມະຫາຊົນ ຍັງຈະມີເງິນອັດສິດໃຫ້ນັກກິລາຖ້າຄົ້ວຫຼຽນມາໄດ້ ຫຼຽນຄຳຈະໄດ້ຮັບ 10,000,000 ກີບ/ຫຼຽນ, ຫຼຽນເງິນຈະໄດ້ຮັບ 6,000,000 ກີບ/ຫຼຽນ ແລະ ຫຼຽນທອງແດງຈະໄດ້ຮັບ 3,000,000 ກີບ/ຫຼຽນ

ຈຸດປະສົງໃນການມອບເງິນອຸປະຖຳໃນຄັ້ງນິ້ແມ່ນເພື່ອ ປະກອບສ່ວນເປັນທຶນຮອນທີ່ຈະນຳໃຊ້ ເຂົ້າໃນງານແຂ່ງ ຂັນມະຫາກຳກິລາຊີ ເກມ ຄັ້ງທີ 30, ອາຊຽນພາລາເກມ ຄັ້ງທີ 10 ເຊິ່ງຈະຈັດຂຶ້ນທີ່ປະເທດຟີລິບປິນ ພ້ອມທັງເປັນການຊຸກຍູ້ກະຕຸ້ນແຮງຈຸງໃຈ ໃຫ້ນັກກິລາ ລາວ ຄົ້ວຫຼຽນໃຫ້ໄດ້ຫຼາຍທີ່ສຸດ ເພື່ອສ້າງຊື່ສຽງໃຫ້ກັບປະເທດຊາດເຮົາ. “ ລາວ ໂທະຄົມ ໂທລະຄົມ ຂອງ ຄົນລາວ ເພື່ອສັງຄົມລາວ ”