11/18/2019 11:23:13 AM | ຊ່ວຍເຫຼືອສັງຄົມ

ລາວ ໂທລະຄົມ ມອບເຄື່ອງ ອຸປະໂພກ-ບໍລິໂພກ ແລະ ລ້ຽງອາຫານທ່ຽງ ນ້ອງໆໂຮງຮຽນ ສອນຄົນພິການຕາ ທົ່ງປົ່ງ ແລະ ໂຮງຮຽນສຶກສາພິເສດ ບ້ານໜອງໜ້ຽວ

ໃນວັນທີ 8 / 11 / 2019 ນີ້ ເນື່ອງໃນໂອກາດ ລາວ ໂທລະຄົມ ຄົບຮອບ 23 ປີ ໃນ ວັນທີ 11/11/2019 ທີ່ຈະໝູນວຽນມາເຖີງໃນໄວໆນີ້ ຄະນະອຳນວຍການ ແລະ ຜູ້ບໍລິຫານ ລາວ ໂທລະຄົມ ໄດ້ລົງຢ້ຽມຢາມ ແລະ ມອບເຄື່ອງ ອຸປະໂພກ-ບໍລິໂພກ ໃຫ້ກັບໂຮງຮຽນ ສອນຄົນພິການຕາ ທົ່ງປົ່ງ ເມືອງສີໂຄດຕະບອງ, ນະຄອນຫຼວງວຽງຈັນ ລວມມູນຄ່າທັງໝົດ 3,000,000 ກີບ

ໃຫ້ກຽດມອບໂດຍ: ທ່ານ ສຸພົນ ຈັນທະວີໄຊ ຮອງຜູ້ອຳນວຍການໃຫຍ່ ລາວ ໂທລະຄົມ ພ້ອມດ້ວຍຄະນະ ແລະໃຫ້ກຽດຮັບ ແມ່ນ: ທ່ານ ດຣ ສີເພັດທະວົງ ສີວິເຫລີມສັກ ຜູ້ອຳນວຍການ ສູນປິ່ນປົວ ແລະ ຮັກສາສຸຂະ ພາບຕາ ພ້ອມດ້ວຍຄະນະ

ຫຼັງຈາກນັ້ນກໍ່ໄດ້ເດີນທາງໄປ ມອບເຄື່ອງ ອຸປະໂພກ-ບໍລິໂພກ-ອຸປະກອນການສືກສາ ແລະ ລ້ຽງອາຫານທ່ຽງນ້ອງໆ ຜູ້ພິການ ທີ່ ໂຮງຮຽນສຶກສາພິເສດ ບ້ານໜອງໜ້ຽວ ເມືອງສີໂຄດຕະບອງ, ນະຄອນຫຼວງວຽງຈັນ .ລວມມູນຄ່າທັງໝົດ 12,000,000 ກີບ

ໃຫ້ກຽດມອບໂດຍ: ທ່ານ ສຸພົນ ຈັນທະວີໄຊ ຮອງຜູ້ອຳນວຍການໃຫຍ່ ລາວ ໂທລະຄົມ ພ້ອມດ້ວຍຄະນະ ແລະ ໃຫ້ກຽດຮັບແມ່ນ: ທ່ານ ນາງ ສີລິວັນ ວິລະຈິດ ຜູ້ອໍານວຍການໂຮງຮຽນສຶກສາພິເສດ ນະຄອນຫລວງ ພ້ອມດ້ວຍຄະນະຜູ້ບໍລິຫານ , ພະນັກງານທັງສອງຝ່າຍ ແລະ ນ້ອງໆຜູ້ພິການ ເຂົ້າຮ່ວມຢ່າງພ້ອມພຽງ.