5/17/2019 2:54:59 PM | ຊ່ວຍເຫຼືອສັງຄົມ

ອຸປະຖຳເງິນສົດ ໃຫ້ສະຫະພັນເພາະກາຍແຫ່ງຊາດລາວ

ໃນຕອນບ່າຍຂອງ ວັນທີ 14 ພຶດສະພາ 2019 ຢູ່ທີ່ ສູນບໍລິການລູກຄ້າ ລາວ ໂທລະຄົມ ( ສາຍລົມ ) ໄດ້ມີພິທີມອບຮັບເງິນອຸປະຖຳໃຫ້ ແກ່ສະຫະພັນກິລາເພາະກາຍແຫ່ງຊາດ ລາວ ຈຳນວນ: 5,000,000 ກີບ, ໃຫ້ກຽດມອບໂດຍ: ທ່ານ ສີປະເສີດ ວົງຖາວອນ ຫົວໜ້າຝ່າຍປະຕິບັດການພັດ ທະນາເຄືອຂ່າຍ ແລະ ຮັບໂດຍ: ທ່ານ ຄຳພະໄພວັນ ວົງໄຊ ປະທານສະຫະພັນກິລາເພາະກາຍລາວພ້ອມດ້ວຍຄະນະ.

ຈຸດປະສົງຂອງການມອບ ອຸປະຖຳໃນຄັ້ງນີ້ກໍເພື່ອ ສົ່ງເສີມໃຫ້ນັກກິລາເພາະກາຍ ທີ່ຈະໄປ ແຂ່ງ ຂັນຢູ່ຕ່າງປະເທດໃຫ້ມີ ກຳລັງໃຈສູ້ຊົນ ສາມາດຍາດເອົາຫຼຽນໄຊມາໃຫ້ສະຫະພັນ ແລະ ປະເທດລາວ ເຮົາ ອີກປະການໜຶ່ງກໍເພື່ອເປັນການສ້າງສາຍສຳພັນທີ່ດີ ລະຫວ່າງ ສອງອົງກອນອີກດ້ວຍ.