3/19/2019 8:40:29 AM | ຊ່ວຍເຫຼືອສັງຄົມ

ລາວ ໂທລະຄົມ ຈັດກິດຈະກຳ ສະເຫຼີມສະຫຼອງ ວັນແມ່ຍິງສາກົນ ຄົບຮອບ 109 ປີ

ໃນວັນທີ 06 ມີນາ 2019 ທີ່ຜ່ານມາຢູ່ທີ່ເດີ່ນດ້ານໜ້າ ສູນການຄ້າວຽງຈັນເຊັນເຕີ ລາວ ໂທລະຄົມ ໄດ້ຈັດກິດຈະກຳເພື່ອສະເຫຼີມສະຫຼອງ ວັນແມ່ຍິງສາກົນຄົບຮອບ 109 ປີຂຶ້ນ ໂດຍພາຍໃຕ້ຫົວຂໍ້: “ແມ່ຍິງຍຸກໃໝ່ ໃສ່ໃຈສຸຂະພາບ” Smart Life Smart Women ເຊິ່ງ ລາວ ໂທລະຄົມ ໄດ້ເຊື້ອເຊີນບັນດາຫ້າງຮ້ານຕ່າງໆ ມາໃຫ້ສາລະຄວາມຮູ້, ເຄັດບໍ່ລັບ ແລະ ມີຫຼາກຫຼາຍຮູບແບບທີ່ໃຫ້ບໍລິການກ່ຽວກັບສຸຂະພາບ ມາໃຫ້ບໍລິການຟຼີ, ໃຫ້ຄໍາປຶກສາ, ຄໍາແນະນໍາ ໃນການເບິ່ງແຍງສຸຂະພາບ, ອາຫານເພື່ອສຸຂະພາບ ແລະ ຄວາມງາມ ມາໃຫ້ເອື້ອຍນ້ອງແມ່ຍິງ ທີ່ເຂົ້າມາທ່ຽວຊົມພາຍໃນງານດັ່ງກ່າວ ນອກຈາກນັ້ນຍັງມີການສະແດງເຕັ້ນໂຊ ຈາກບໍລິສັດ ຝັ່ງລາວ ແລະ ກິດຈະກຳເທິງເວທີ ຈາກຫ້າງຮ້ານຕ່າງໆ ແລະ ທີມງານ ລາວ ໂທລະຄົມ ເພື່ອສ້າງຄວາມມ່ວນຊື່ນ ພ້ອມໄດ້ລຸ້ນຮັບເຄື່ອງລາງວັນຢ່າງຫຼວງຫຼາຍ ທີ່ທາງ ລາວ ໂທລະຄົມ ໄດ້ກຽມມາມອບໃຫ້ບັນດາແມ່ຍິງທຸກໆຄົນ.

ຈຸດປະສົງຂອງການຈັດກິດຈະກຳໃນຄັ້ງນີ້ ກໍເພື່ອເປັນການສະເຫຼີມສະຫຼອງວັນແມ່ຍິງສາກົນ ທີ່ໝູນວຽນມາຄົບຮອບ 109 ປີ ໃຫ້ມີບັນຍາກາດຟົດຟື້ນມ່ວນຊື່ນ ແລະ ສົ່ງເສີມໃຫ້ແມ່ຍິງລາວເຮົາຫັນມາໃສ່ໃຈສຸຂະພາບໃຫ້ຫຼາຍຂຶ້ນ.